Sunday, 24 January 2021

ವಾಕ್ಯ ಪ್ರಕಾರಗಳು

                                                            

 3. ವಾಕ್ಯ ಪ್ರಕಾರಗಳು

1. ಸಾಮಾನ್ಯ ವಾಕ್ಯ2. ಸಂಯೋಜಿತ ವಾಕ್ಯ (ಸಂಯುಕ್ತ ವಾಕ್ಯ)3. ಮಿಶ್ರ ವಾಕ್ಯ. ಸಾಮಾನ್ಯ ವಾಕ್ಯ :- ಒಂದು ಪೂರ್ಣ ಕ್ರಿಯಾಪದದೊಂದಿಗೆ ಸ್ವತಂತ್ರವಾಗಿರುವ ವಾಕ್ಯವನ್ನು 'ಸಾಮಾನ್ಯ ವಾಕ್ಯ' ಎಂದು ಕರೆಯುತ್ತಾರೆ.

ಉದಾ:-

1. ಕಾರವಾರದಲ್ಲಿ ಮಲೇರಿಯಾ ವ್ಯಾಪಕವಾಗಿ ಹಬ್ಬಿತು.

2. ಕಾರವಾರದಲ್ಲಿ ಉದ್ಯೋಗಿಯಾಗಿದ್ದ ವೀರೇಶ್ವರ ಪಾಠಕ್ ಮಲೇರಿಯಾದಿಂದ ಬಳಲಿದರು.

3. ವೀರೇಶ್ವರ ಪಾಠಕ್ರನ್ನು ಬೆಂಗಳೂರಿಗೆ ವರ್ಗಾವಣೆ ಮಾಡಲಾಯಿತು. ಸಾಮಾನ್ಯ ವಾಕ್ಯದಲ್ಲಿ ಒಂದು ಕ್ರಿಯಾಪದ ಮಾತ್ರವಿದ್ದು, ಸಾಪೇಕ್ಷ ಕ್ರಿಯಾರೂಪಗಳು ಮಧ್ಯದಲ್ಲಿ ಬರಬಹುದು.

ಉದಾ :- ಕಾರವಾರದಲ್ಲಿ ಮಲೇರಿಯಾ ಹಬ್ಬಿ, ವೀರೇಶ್ವರ ಪಾಠಕ್ರವರ ಆರೋಗ್ಯದ ಮೇಲೆ ದುಷ್ಪರಿಣಾಮ

ಬೀರಿ, ಅವರು ಅಲ್ಲಿಂದ ವರ್ಗಾವಣೆ ಹೊಂದುವಂತೆ ಆಯಿತು.

ಸಂಯೋಜಿತ   ವಾಕ್ಯ   :-   ಸ್ವತಂತ್ರ  ವಾಕ್ಯಗಳಾಗಿ  ನಿಲ್ಲಬಲ್ಲ  ಅನೇಕ  ಉಪವಾಕ್ಯಗಳೊಡನೆ   ಒಂದು ಪೂರ್ಣಾಭಿಪ್ರಾಯದ ವಾಕ್ಯವಾಗಿದ್ದರೆ ಅದು 'ಸಂಯೋಜಿತ ವಾಕ್ಯ' ಎನಿಸುವುದು.

ಉದಾ:-ಕಾರವಾರದಲ್ಲಿ  ಮಲೇರಿಯಾ  ಹಬ್ಬಿತ್ತು  ಆದ್ದರಿಂದ  ವೀರೇಶ್ವರ  ಪಾಠಕ್ರವರು ಮಲೇರಿಯಾದಿಂದ ಬಳಲಬೇಕಾಯಿತು ಈ ಕಾರಣದಿಂದ ಅವರನ್ನು ಅಲ್ಲಿಂದ ವರ್ಗಾಯಿಸಲಾಯಿತು.

ಮಿಶ್ರವಾಕ್ಯ  :- ಒಂದು ಅಥವಾ ಅನೇಕ ವಾಕ್ಯಗಳು ಒಂದು ಪ್ರಧಾನ ವಾಕ್ಯಕ್ಕೆ ಅಧೀನಗಳಾಗಿದ್ದರೆ  ಅಂಥ ವಾಕ್ಯವನ್ನು 'ಮಿಶ್ರವಾಕ್ಯ' ಎನ್ನುತ್ತೇವೆ.

ಉದಾ:-ಏನಾದರೂ  ಮಾಡಿ  ಭಾರತದಲ್ಲಿ  ಮೋಟಾರು  ಕಾರ್ಖಾನೆಯನ್ನು  ಸ್ಥಾಪಿಸಲು  ವಿಶ್ವೇಶ್ವರಯ್ಯನವರು ನಿರ್ಧರಿಸಿದರಾದರೂ ಅವರ ನಿರ್ಧಾರಕ್ಕೆ ಬ್ರಿಟಿಷ್ ಸರ್ಕಾರದ ಅಪ್ಪಣೆ ದೊರೆಯಲಿಲ್ಲವೆಂಬ ವಿಷಯ ತಿಳಿದಾಗ ಅವರು ಬಹುವಾಗಿ ಮರುಗಿದರು.

ಕೊಟ್ಟಿರುವ ಪ್ರಶ್ನೆಗಳಿಗೆ ನೀಡಲಾಗಿರುವ ಆಯ್ಕೆಗಳಲ್ಲಿ ಸೂಕ್ತ ಉತ್ತರವನ್ನು ಆರಿಸಿ, ಕ್ರಮಾಕ್ಷರದೊಡನೆ ಬರೆಯಿರಿ.

1. ಎರಡು ಅಥವಾ ಅನೇಕ ಸ್ವತಂತ್ರ ವಾಕ್ಯಗಳು ಒಟ್ಟಾಗಿ ಸೇರಿ ಪೂರ್ಣಾರ್ಥವನ್ನು ಕೊಡುವ ವಾಕ್ಯವು :

 (ಎ) ಸಾಮಾನ್ಯವಾಕ್ಯ             (ಬಿ) ಸಂಯೋಜಿತವಾಕ್ಯ

(ಸಿ) ಮಿಶ್ರವಾಕ್ಯ                (ಡಿ) ವಿಶೇಷವಾಕ್ಯ

2. 'ಪ್ರವಾಸವು ಅನುಭವವನ್ನು ಹೆಚ್ಚಿಸುತ್ತದೆ' ಈ ವಾಕ್ಯವು :

(ಎ) ಸಾಮಾನ್ಯವಾಕ್ಯ             (ಬಿ) ಮಿಶ್ರವಾಕ್ಯ  

(ಸಿ)ಸಂಯೋಜಿತವಾಕ್ಯ           (ಡಿ) ವಿಶೇಷವಾಕ್ಯ

ಅಲಂಕಾರ

ಉಪಮಾಲಂಕಾರ: ಎರಡು ವಸ್ತುಗಳಿಗಿರುವ ಸಾದೃಶ್ಯಸಂಪತ್ತನ್ನು ಹೋಲಿಸಿ ವರ್ಣಿಸಿದರೆ ಅದು ಉಪಮಾಲಂಕಾರ.

1. ನನಮಗಳು ಕನ್ನಡಿಯಂತೆ ಹೊಳೆಯುವಳು

2. ಮಸಗುವಂಬುಜದಂತೆ

3. ತಟ್ಟೆಯೊಳು ಕರ್ಪೂರ ಮೌನದಲಿ ಕರಗುವೊಲು

4. ದೀಪದೆದುರಿಗೆ ತಿಮಿರ ಸರಿಯುವಂತೆ

5. ರವಿಕರಕೆ ಕರಗುವ ಇಬ್ಬನಿಯವೊಲು

6. ಸಾವಿರಾರು ಮಳೆಬಿಲ್ಲುಗಳು ಸೇರಿಕುಣಿದಂತೆ

ರೂಪಕಾಲಂಕಾರ : ಉಪಮಾನ ಉಪಮೇಯಗಳಿಗೆ ಭೇದವಿಲ್ಲದಂತೆ ಹೇಳುವುದೇ ರೂಪಕಾಲಂಕಾರ

1. ಸೇನಾಸಾಗರ,

2. ಮುಖಚಂದ್ರ

3. ಕಾಯಕವೇ ಕೈಲಾಸ

ಕೊಟ್ಟಿರುವ ಪ್ರಶ್ನೆಗಳಿಗೆ ನೀಡಲಾಗಿರುವ ಆಯ್ಕೆಗಳಲ್ಲಿ ಸೂಕ್ತ ಉತ್ತರವನ್ನು ಆರಿಸಿ, ಕ್ರಮಾಕ್ಷರದೊಡನೆ ಬರೆಯಿರಿ.

1.  'ಕರ್ಪೂರ ಮೌನದಲಿ ಕರಗುವವೊಲು' ಈ ವಾಕ್ಯದಲ್ಲಿರುವ ಅಲಂಕಾರ:

(ಎ) ಉಪಮಾ    (ಬಿ) ರೂಪಕ    (ಸಿ)    ದೀಪಕ    (ಡಿ)    ಉತ್ಪ್ರೇಕ್ಷೆ   

2.'ಸೇನಾಸಾಗರ'    ಈ ಪದದಲ್ಲಿರುವ ಅಲಂಕಾರ:                   

(ಎ) ಉಪಮಾ    (ಬಿ) ರೂಪಕ    (ಸಿ)    ದೀಪಕ    (ಡಿ)    ಉತ್ಪ್ರೇಕ್ಷೆ   

3. 'ಮುಖಚಂದ್ರ'    ಈ ಪದದಲ್ಲಿರುವ ಅಲಂಕಾರ:                   

(ಎ) ಉಪಮಾ    (ಬಿ) ರೂಪಕ    (ಸಿ)    ದೀಪಕ    (ಡಿ)    ಉತ್ಪ್ರೇಕ್ಷೆ   

ಛಂದಸ್ಸು

ಎರಡು ಸಾಲಿನ ಪದ್ಯ                       = ದ್ವಿಪದಿ

ಮೂರು ಸಾಲಿನ ಪದ್ಯ                      = ತ್ರಿಪದಿ

ನಾಲ್ಕು ಸಾಲಿನ ಪದ್ಯ                       = ಚೌಪದಿ

ಆರು ಸಾಲಿನ ಪದ್ಯ                        = ಷಟ್ಪದಿ

ಕೊಟ್ಟಿರುವ ಪ್ರಶ್ನೆಗಳಿಗೆ ನೀಡಲಾಗಿರುವ ಆಯ್ಕೆಗಳಲ್ಲಿ ಸೂಕ್ತ ಉತ್ತರವನ್ನು ಆರಿಸಿ, ಕ್ರಮಾಕ್ಷರದೊಡನೆ ಬರೆಯಿರಿ.

1.    ಎರಡು ಸಾಲಿನ ಪದ್ಯಗಳು       

    (ಎ) ದ್ವಿಪದಿ    (ಬಿ)    ತ್ರಿಪದಿ    (ಸಿ)    ಚೌಪದಿ    (ಡಿ)    ಷಟ್ಪದಿ   

2.    ಮೂರು ಸಾಲಿನ ಪದ್ಯಗಳು                           

    (ಎ) ದ್ವಿಪದಿ    (ಬಿ)    ತ್ರಿಪದಿ    (ಸಿ)    ಚೌಪದಿ    (ಡಿ)    ಷಟ್ಪದಿ   

3.    ನಾಲ್ಕು ಸಾಲಿನ ಪದ್ಯಗಳು                           

    (ಎ) ದ್ವಿಪದಿ    (ಬಿ)    ತ್ರಿಪದಿ    (ಸಿ)    ಚೌಪದಿ    (ಡಿ)    ಷಟ್ಪದಿ   

4.    ಆರು ಸಾಲಿನ ಪದ್ಯಗಳು                           

    (ಎ) ದ್ವಿಪದಿ    (ಬಿ)    ತ್ರಿಪದಿ    (ಸಿ)    ಚೌಪದಿ    (ಡಿ)    ಷಟ್ಪದಿ   

ಪತ್ರಗಳು

ಕೊಟ್ಟಿರುವ ಪ್ರಶ್ನೆಗಳಿಗೆ ನೀಡಲಾಗಿರುವ ಆಯ್ಕೆಗಳಲ್ಲಿ ಸೂಕ್ತ ಉತ್ತರವನ್ನು ಆರಿಸಿ, ಕ್ರಮಾಕ್ಷರದೊಡನೆ ಬರೆಯಿರಿ.

1.  ತಂದೆಗೆ ಪತ್ರ ಬರೆಯುವಾಗ ಬಳಸುವ ಸಂಬೋಧನೆ -

(ಎ) ತೀರ್ಥರೂಪು      (ಬಿ) ಮಾತೃಶ್ರೀ         (ಸಿ) ಚಿರಂಜೀವಿ         (ಡಿ) ಮಾನ್ಯರೇ

2. ತಾಯಿಗೆ ಪತ್ರ ಬರೆಯುವಾಗ ಬಳಸುವ ಸಂಬೋಧನೆ -

(ಎ) ತೀರ್ಥರೂಪು      (ಬಿ) ಮಾತೃಶ್ರೀ         (ಸಿ) ಚಿರಂಜೀವಿ         (ಡಿ) ಮಾನ್ಯರೇ

3. ಅಧಿಕಾರಿಗಳಿಗೆ ಪತ್ರ ಬರೆಯುವಾಗ ಬಳಸುವ ಸಂಬೋಧನೆ -

(ಎ) ಮಾನ್ಯರೇ         (ಬಿ) ಪ್ರೀತಿಯ          (ಸಿ) ಚಿರಂಜೀವಿ         (ಡಿ) ಪೂಜ್ಯರೇ

Thursday, 21 January 2021

ಗುರಿ

                                           

                                                                             ಪದ್ಯ - 5

                                                                                ಗುರಿ

1.  'ಮಸಗುವಂಬುಜದಂತೆ ಧ್ಯೇಯದ ಆಳ್ವಿಸಕೆ ಬಸವಾಗು' ಎಂದರೇನು?

ಕೆಸರಿನಲ್ಲಿರುವ ತಾವರೆಯು ಸೂರ್ಯನನ್ನು ನೋಡಿ ವಿಜೃಂಭಿಸುವಂತೆ ಮಾನವನು ಧ್ಯೇಯ ಸಾಧನೆಗೆ ಸಿದ್ಧನಾಗಬೇಕು ಎಂಬುದನ್ನು ಸೂಚಿಸುತ್ತದೆ.

2.  ಒಂದು ಬಾಣಕೆ ಒಂದು ಗುರಿ ಎಂಬುದು ಯಾವುದಕ್ಕೆ ಹೋಲಿಕೆಯಾಗಿ ಬಂದಿದೆ?

ಜೀವನದಲ್ಲಿ ಒಂದೇ ಗುರಿ ಇರಬೇಕು ಎಂಬುದಕ್ಕೆ ಹೋಲಿಕೆಯಾಗಿದೆ.

3.  ಯಾವುದಕ್ಕಾಗಿ ಹಗಲಿರುಳು ಹೋರಾಡಬೇಕು?

ಒಂದೇ ಹಿರಿದಾದ ಗುರಿಗೆ ಹಗಲಿರುಳು ಹೋರಾಡಬೇಕು.

4.  ಪ್ರತಿಯೊಬ್ಬನ ಜೀವನಕ್ಕೂ ಒಂದು ಗುರಿ ಇರಬೇಕು ಏಕೆ?

ಜೀವನದಲ್ಲಿ ಒಂದುಗುರಿ ಇಲ್ಲದಿದ್ದರೆ ಅದು ಎಲ್ಲಗೆ ಹೋಗಬೇಕೆಂಬ ನಿಶ್ಚಿತತೆ ಇಲ್ಲದ ಸಮುದ್ರದಲ್ಲಿನ ನೌಕೆಯಂತಾಗುತ್ತದೆ.ಆದ್ದರಿಂದ ಜೀವನಕ್ಕೆ ಒಂದುಗುರಿ ಇರಬೇಕು.

                                                                                        ಪದ್ಯ - 6

                                                                                         ಮಗು


1.  ಬರಡಾಕಳೆಲ್ಲ ಹೈನಾಗೆ ಎಂದರೇನು?

ಹಾಲುಕೊಡದಿರುವ ಹಸು ಹಾಲು ಕೊಡುವಂತೆ ಆಗುವುದು ಎಂದರ್ಥ.

2.  ಮಗುವಿನ ಚೆಲುವನ್ನು ಜನಪದರು ಯಾವುದಕ್ಕೆ ಹೋಲಿಸಿದ್ದಾರೆ?

ಬಾಳೆಯ ಹಣ್ಣಿನ ಮಾಟಕ್ಕೆ, ಬಾದಾಮಿ ಎಲೆಯ ತೋಟಕ್ಕೆ ಹೋಲಿಸಿದ್ದಾರೆ.

3.  ಮಕ್ಕಳ ಹಸಿವನ್ನು ಬಲ್ಲವರು ಯಾರು?

ಮಕ್ಕಳ ಹಸಿವನ್ನು ಬಲ್ಲವರು ತಾಯಿ.

4.  ಹೆಣ್ಣಿದ್ದ ಮನೆಗೆ ಯಾವುದು ಬೇಡ?

ಹೆಣ್ಣಿದ್ದ ಮನೆಗೆ ಕನ್ನಡಿ ಬೇಡ.

                                                                               ಪದ್ಯ - 7

                                                                            ವಚನಗಳು

1.  ಯಾರು ಕೂಡಲಸಂಗಮನನ್ನು ಅರಿಯಲಾರರು?

ಬತ್ತುವ ಜಲ, ಒಣಗುವ ಮರವನ್ನು ಮೆಚ್ಚಿದವರು ಕೂಡಲಸಂಗಮನನ್ನು ಅರಿಯಲಾರರು.

2.  ವೇಷ ಧರಿಸಿದ ಮೇಲೆ ಹೇಗಿರಬೇಕು?

ವೇಷ ಧರಿಸಿದ ಮೇಲೆ ವೇಷಕ್ಕೆ ತಕ್ಕ ಆಚರಣೆ ಇರಬೇಕು.

3.  ಧನವಿದ್ದವರಲ್ಲಿ ಇರಬೇಕಾದ ಗುಣ ಯಾವುದು?

ಧನವಿದ್ದವರಲ್ಲಿ ಇರಬೇಕಾದ ಗುಣ 'ದಯೆ'.

4.  ಯಾವಾಗ ಕೆರೆಯನ್ನು ತೋಡಿದ್ದು ನಿಷ್ಫಲವಾಗುತ್ತದೆ?

ನೀರು ಬರದಿದ್ದರೆ ಕೆರೆಯನ್ನು ತೋಡಿದ್ದು ನಿಷ್ಫಲವಾಗುತ್ತದೆ.

ಪದ್ಯ - 8

ನಿಟ್ಟೋಟದಲಿ ಹಾಯ್ದನು ಬಿಟ್ಟಮಂಡೆಯಲಿ                                                

1.  ಉತ್ತರನ ಮಾತಿನಂತೆ ಅದ್ಭುತವನ್ನು ಕಾಣಲು ಮೊದಲಿಗೆ ಇರಬೇಕಾದುದೇನು?

ಉತ್ತರನ ಮಾತಿನಂತೆ ಅದ್ಭುತವನ್ನು ಕಾಣಲು ಮೊದಲಿಗೆ ಇರಬೇಕಾದುದು ದೇಹ.

2.  ಕೌರವನ ಸೇನೆಯು ಉತ್ತರನಿಗೆ ಹೇಗೆ ಕಾಣಿಸಿತು?

ಕೌರವನ ಸೇನೆಯು ಉತ್ತರನಿಗೆ ವಿಶಾಲವಾದ ಸಮುದ್ರದಂತೆ ಕಾಣಿಸಿತು

3.  ಉತ್ತರನು ನಿಟ್ಟೋಟದಲಿ ಓಡಿದ್ದು ಏಕೆ?

ಬಲವಾದ ಕೌರವ ಸೇನೆಯನ್ನು ನೋಡಿ ಹೆದರಿ ಉತ್ತರನು ನಿಟ್ಟೋಟದಲಿ ಓಡಿದನು.

4.  ಧುರಕ್ಕೆ ಬೆನ್ನು ಹಾಕಿದರೆ ಏನು ಪ್ರಾಪ್ತಿಯಾಗುತ್ತದೆ?

ಧುರಕ್ಕೆ (ಯುದ್ಧ) ಬೆನ್ನು ಹಾಕಿದರೆ ಪಾಪವು ಪ್ರಾಪ್ತಿಯಾಗುತ್ತದೆ.

5.  ಇಲ್ಲಿ ಯಾರು ನಾಡನರಿಯಾಗಿದ್ದಾರೆ?

ಇಲ್ಲಿ ಉತ್ತರನು ನಾಡನರಿಯಾಗಿದ್ದಾನೆ.

6. ಉತ್ತರನಿಗೆ ಇಂದ್ರಪದವಿಯು ಏಕೆ ಬೇಕಿಲ್ಲ?

ಉತ್ತರನಿಗೆ ತನ್ನ ಅರಸುತನವೇ ಸಾಕಾಗಿರುವುದರಿಂದ ಇಂದ್ರಪದವಿಯು ಬೇಕಾಗಿಲ್ಲ.

7.  ಸುರರ ಸತಿಯರ ಸ್ಥಾನವನ್ನು ಯಾರು ತುಂಬುತ್ತಾರೆ?

ಸುರರ ಸತಿಯರ ಸ್ಥಾನವನ್ನು ಅರಮನೆಯ ನಾರಿಯರು ತುಂಬುತ್ತಾರೆ.

Tuesday, 19 January 2021

ಶಿಷ್ಯವತ್ಸಲ ರಾಮನ್

                                                             

  ಗದ್ಯಪಾಠ - 6                                                                                                                                        ಶಿಷ್ಯವತ್ಸಲ ರಾಮನ್

1.  ರಾಮನ್ ಅವರು ಯಾರೊಬ್ಬರ ಶಿಫಾರಸ್ಸು ನಂಬಿ ಶಿಷ್ಯರನ್ನು ಆಯ್ಕೆ ಮಾಡಿಕೊಳ್ಳುತ್ತಿರಲಿಲ್ಲ ಏಕೆ?

ರಾಮನ್   ಅವರು   ತಮ್ಮ   ಬಳಿ   ಶಿಷ್ಯವೃತ್ತಿಯನ್ನು   ಕೈಗೊಳ್ಳಲು   ಬಂದವರನ್ನು   ಕಠಿಣ   ಶಿಕ್ಷೆಗೆ ಒಳಪಡಿಸುತ್ತಿದ್ದರು.ಅವರಿಗೆ ವಿದ್ಯಾರ್ಥಿಯ ಅಂಕ ಮುಖ್ಯವಾಗಿರಲಿಲ್ಲ. ವಿದ್ಯಾರ್ಥಿಯು ವಿಷಯವನ್ನು ಚೆನ್ನಾಗಿ ತಿಳಿದುಕೊಂಡಿದ್ದಾನೆಯೇ,  ಅವನ ಬುದ್ಧಿ ಹರಿತವಾಗಿದೆಯೇ, ಅವನಲ್ಲಿ ಉತ್ಸಾಹವಿದೆಯೇ, ಕಷ್ಟಪಟ್ಟು ಕೆಲಸ ಮಾಡುವ  ದೃಢ  ನಿಶ್ಚಯ  ಅವನಲ್ಲಿ  ಕಾಣುವುದೇ  ಎಂದೆಲ್ಲ  ಪರೀಕ್ಷಿಸಿ  ನೋಡಿ  ಶಿಷ್ಯರನ್ನು  ಆಯ್ಕೆ ಮಾಡಿಕೊಳ್ಳುತ್ತಿದ್ದರು.

2.  ರಾಮನ್ ಅವರು ಸಂಶೋಧನೆಯ ವಿಚಾರದಲ್ಲಿ ತಮ್ಮ ಶಿಷ್ಯರಿಂದ ಏನನ್ನು ನಿರೀಕ್ಷಿಸುತ್ತಿದ್ದರು?

ರಾಮನ್   ಅವರು   ತಮ್ಮ   ಶಿಷ್ಯರು   ನಡೆಸುವ   ಸಂಶೋಧನೆ   ಅತ್ಯುತ್ತಮ   ಮಟ್ಟದಲ್ಲಿರಬೇಕೆಂದು ಬಯಸುತ್ತಿದ್ದರು.ಇತರರನ್ನು   ಸುಮ್ಮನೆ   ಅನುಕರಿಸುವುದು   ಸರ್ವಧಾ   ಕೂಡದು,   ಸ್ವಂತಿಕೆ   ಇರಬೇಕು, ಹೊಸದಾರಿಯನ್ನು  ಗುರುತಿಸಿ  ಮುಂದುವರಿಯಬೇಕು  ಎಂದು  ಒತ್ತಿ ಒತ್ತಿ ಹೇಳುತ್ತಿದ್ದರು.    ಈ ಬಗೆಯ ಸಂಶೋಧನೆಯನ್ನು ಅವರು ನಿರೀಕ್ಷಿಸುತ್ತಿದ್ದರು

3.  ರಾಮನ್ ಅವರು ಶಿಷ್ಯರ ಸೆಮಿನಾರುಗಳನ್ನು ಏಕೆ ತಪ್ಪಿಸಿಕೊಳ್ಳುತ್ತಿರಲಿಲ್ಲ?

ರಾಮನ್ ಅವರು ತಮ್ಮ ಶಿಷ್ಯರು ಯಾವ ರೀತಿ ಸಂಶೋಧನೆಯಲ್ಲಿ ಮುಂದುವರಿಯಬೇಕು ಎನ್ನುವ ಬಗ್ಗೆ ಸಲಹೆ ಕೊಡುತ್ತಿದ್ದರು.ಶಿಷ್ಯರ ಸಂದೇಹಗಳನ್ನು ಪರಿಹರಿಸುತ್ತಿದ್ದರು ಸೆಮಿನಾರ್ಗಳಲ್ಲಿ ಭಾಗವಹಿಸಿ ಮೈಯೆಲ್ಲ ಕಿವಿಯಾಗಿ, ಶಿಷ್ಯರು ಕೊಟ್ಟ ಪ್ರತಿ ವಿವರವನ್ನೂ ಗ್ರಹಿಸುತ್ತಿದ್ದರು.ಸಂದೇಹ  ಪರಿಹಾರ ಮಾಡಲು ತಮ್ಮದೇ ಸಲಹೆಗಳನ್ನು ಕೊಡುತ್ತಿದ್ದರು.

4.  ರಾಮನ್ ಅವರು ಭೌತಶಾಸ್ತ್ರ ವಿಶಾರದರಲ್ಲದೆ ಗಣಿತಜ್ಞರೂ ಆಗಿದ್ದರು ಎಂಬುದನ್ನು ಹೇಗೆ ತಿಳಿದುಕೊಳ್ಳಬಹುದು?

ರಾಮನ್  ಮತ್ತು  ಅವರ  ಶಿಷ್ಯರ  ನಡುವೆ  ನಡೆಯುತ್ತಿದ್ದ  ವಾದ  ವಿವಾದಗಳು  ಹೊಸತತ್ತ್ವವನ್ನು ಹೊರಗೆಡುಹುತ್ತಿದ್ದವು.ಗಣಿತದಲ್ಲಿ  ಗಣ್ಯರಾಗಿದ್ದ ರಾಮನ್ರ ಶಿಷ್ಯ ನರೇಂದ್ರನಾಥರೊಡನೆ  ಚರ್ಚಿಸುತ್ತಾ ನನ್ನ ಮನಸ್ಸಿಗೆ  ಹಾಗೆ  ತೋರುತ್ತದೆ,  ಇದನ್ನೇ  ಗುಣಿಸಿನೋಡು  ಎಂದರು.ಆತ  ಗುಣಾಕಾರ  ಮಾಡಿ,  ಗಣಿತದ ಸಾಕ್ಷ್ಯವನ್ನು ಒದಗಿಸಿದಾಗ ಅವರ ಆನಂದಕ್ಕೆ ಪಾರವೇ ಇರಲಿಲ್ಲ ಇದು ಮುಂದೆ ರಾಮನ್ನಾಥ್ ಸಿದ್ಧಾಂತ ಎಂದು ಪ್ರಸಿದ್ಧಿಯಾಯಿತು.ಇದರಿಂದ ತಿಳಿಯುತ್ತದೆ ಅವರು ಒಬ್ಬ ಗಣಿತಜ್ಞರೂ ಆಗಿದ್ದರೆಂದು.

                                                                        ಗದ್ಯಪಾಠ - 7

                                                                        ನನ್ನ ಗೋಪಾಲ                                                           

1.  ಮಗನು ಬೇಗನೆ ಏಳಬೇಕೆಂದು ತಾಯಿ ಬಯಸುವುದೇಕೆ?

ತನ್ನ ಮಗನು ಬೇಗ ಎದ್ದು ಸ್ನಾನ ಮಾಡಿ ಗೋಪಾಲನ ಪೂಜೆಗೆ ಹೂವು ತರಬೇಕು. ಸರಿಯಾದ ಸಮಯಕ್ಕೆ ಶಾಲೆಗೆ ಹೋಗಬೇಕು.ಆದ್ದದರಿಂದ ಬೇಗನೆ ಏಳಬೇಕೆಂದು ಗೋಪಾಲನ ತಾಯಿಯು ಬಯಸುತ್ತಾಳೆ.

2.  ತಾಯಿಯು ಜೊತೆಗಿದ್ದರೆ ಬನವೇ ಸೊಗಸು ಎಂದು ಮಗನಿಗನಿಸಿದ್ದು ಏಕೆ?

ಗೋಪಾಲನು ಬನದ ಸೊಗಸನ್ನು ವಣರ್ಿಸುತ್ತಾ ಎಷ್ಟು ಆನಂದವಾಗಿದೆ ಆ ಬನ. ಅಲ್ಲಿ ಮಲ್ಲಿಗೆ, ಕೇದಗೆ, ಸಂಪಿಗೆ,  ಪರ್ವತಬಾಳೆ  ಗೋರಂಟಿಯ  ಹೂಗಳು  ಸಮೃದ್ಧವಾಗಿ  ಅರಳಿ  ಪರಿಮಳವನ್ನು  ಬೀರುತ್ತವೆ.ಅವು ಸಾವಿರಾರು  ಕಾಮನಬಿಲ್ಲುಗಳು  ಸೇರಿ  ಕುಣಿದಂತೆ  ಕಾಣುತ್ತವೆ.  ಹಕ್ಕಿಗಳ  ಇಂಪಾದ  ಗಾನ,  ಸೂರ್ಯನ ಹೊಂಬೆಳಕು, ಹಸುರಾದ ಬನವೇ ಸೊಗಸೆಂದು ಭಾಸವಾಗಿ ನೀನು ಜೊತೆಗಿದ್ದರೆ ಸೊಗಸೆಂದು ಗೋಪಾಲನು ಹೇಳಿದ್ದಾನೆ.

3.  ತಾಯಿಗೆ ಬಡತನದ ನೆನಪಾದುದು ಯಾವಾಗ?

ಗೋಪಾಲನು ತನ್ನ ತಾಯಿಗೆ ಹೊಸ ಪಂಚೆಯೊಂದನ್ನು ಕೊಡಿಸಮ್ಮಾ ಎಂದು ಕೇಳಿದನು.ನನ್ನ ಗೆಳೆಯರು ಹೊಸ ಬಟ್ಟೆಯನ್ನು ಹಾಕಿಕೊಂಡು ಬರುತ್ತಾರೆ.ಅವರು ನನ್ನನ್ನು ನೋಡಿ ಹಾಸ್ಯ ಮಾಡುತ್ತಾರೆ ಆದ್ದರಿಂದ ನನಗೊಂದು ಹೊಸ ಪಂಚೆಯನ್ನು ಕೊಡಿಸೆಂದು ಕೇಳಿದಾಗ ತಾಯಿಗೆ ತನ್ನ ಬಡತನದ ನೆನಪಾಯಿತು.

4.  ದೇವರನ್ನು ತಿಳಿಯಲು ಕಷ್ಟಪಡುವವರು ಯಾರು?

ದೇವರನ್ನು ತಿಳಿಯಲು ಕಷ್ಟಪಡುವವರು ತಪಸ್ವಿಗಳು, ಯೋಗಿಗಳು.ತಪಸ್ವಿಗಳು ಜ್ಞಾನದ ಮೆಟ್ಟಿಲನ್ನು ಮುಟ್ಟಲು ಯುಗಗಳು ತಪಸ್ಸು ಮಾಡುವರು. ಯೋಗಿಗಳು ದೇವರನ್ನು ಕಾಣಲು ಜನುಮ ಜನುಮದಲಿ ಸಾಧನೆಯನ್ನು ಮಾಡುವರು ಆದರೆ ದೇವರನ್ನು ಕಾಣಲು ಒಲುಮೆ ಒಂದಿದ್ದರೆ ಸಾಕು.

                                                                        ಪೋಷಕ ಅಧ್ಯಯನ

                                                                ಜೋಯಿಸರ ಕುರ್ಚಿ(ಕಥೆ)

1.  ಯಾವಾಗ ಜೋಯಿಸರ ಮಾತು ವೇದವಾಕ್ಯವಾಗುತ್ತಿತ್ತು?

ಎರಡೋ ಮೂರೋ ತಲೆಮಾರುಗಳಷ್ಟು ಹಳೆಯ ಕುರ್ಚಿಯಲ್ಲಿ ಕುಳಿತು ಜೋಯಿಸರು ಒಂದು ಮಾತನಾಡಿದರೆ ಅವರ ಮಾತು ವೇದವಾಕ್ಯವಾಗುತ್ತಿತ್ತು.ಇದು ಅವರ ಅಜ್ಜನ ತಪಸ್ಸಿನ ಫಲ, ಅವರ ವಿದ್ವತ್ತಿನ ಫಲಶ್ರುತಿಯಂತೆ ಇತ್ತು.ಇದರಿಂದಾಗಿ ಅಜ್ಜನಿಗೆ ದೊರೆತ ಗೌರವ ಅವರ ಕುರ್ಚಿಗೂ ಸಲ್ಲುತ್ತಿತ್ತು.

2.  ಕುರ್ಚಿಯ ಬಗ್ಗೆ ಜೋಯಿಸರ ಹೆಂಡತಿಗೆ ಇರುವ ಭಾವನಾತ್ಮಕ ಸಂಬಂಧ ಎಂತಹುದು?

ಜೋಯಿಸರ ಹೆಂಡತಿಗೆ ಆ ಕುರ್ಚಿಯ ಮೇಲೆ ಬಹಳ ನಂಬಿಕೆ, ಯಾರಾದರೂ ನಿಮಿತ್ಯ ಕೇಳಿದರೆ ಜಾತಕತೋರಿಸಿದರೆ, ನಾಲ್ಕು ಒಳ್ಳೆಯ ಮಾತು ಹೇಳಿದರೆ 'ಅದೆಲ್ಲ ಹಿರಿಯರ ಪುಣ್ಯ' ಎಂದು ಹೇಳಿ ಮನಸ್ಸಿನಲ್ಲಿಯೇ ಆಕುರ್ಚಿಗೆ ನಮಸ್ಕರಿಸುತ್ತಿದ್ದರು.ಜೋಯಿಸರನ್ನು ಬಿಟ್ಟು ಯಾರಾದರು ಆ ಕುರ್ಚಿಯ ಮೇಲೆ ಕುಳಿತರೆ ಅವರನ್ನು ಕೋಪದಿಂದ ಎಬ್ಬಿಸಿಬಿಡುತ್ತಿದ್ದರು.

3.  ಹೆಗಡೆಯವರ ಹೆಂಡತಿ ಅನ್ನಪೂರ್ಣೆ ಕೆಟ್ಟವಳು ಎನಿಸಿದ್ದು ಏಕೆ?

ಅನ್ನಪೂರ್ಣೆ ಹೆಗಡೆಯವರಿಗೆ ಎರಡನೇ ಹೆಂಡತಿ.ಇವಳಿಗೆ ತಮ್ಮ ಪತಿಯ ಮೊದಲನೆ ಪತ್ನಿಯ ಮಗಳನ್ನು ಕಂಡರೆ  ಆಗುತ್ತಿರಲಿಲ್ಲ.  ಆ  ಹೆಣ್ಣು  ವು ಗಳಿಗೆ  ಕಿರುಕುಳ  ನೀಡಿ  ಶಪಿಸುತ್ತಿದ್ದಳು.ಸತ್ತಿರುವ  ಆ  ಹೆಣ್ಣುಮಗಳ ತಾಯಿಯನ್ನು ಸಹ ಬಯ್ಯುತ್ತಿದ್ದಳು.ಇದರಿಂದಾಗಿ ಅನ್ನಪೂರ್ಣೆ ಕೆಟ್ಟವಳೆನಿಸಿದ್ದಳು.

4.  ಲೇಖಕರು ಅನ್ನಪೂರ್ಣೆಗೆ ಹೇಳಿದ ಮಾತು ಕೇವಲ ಕೌನ್ಸಿಲಿಂಗ್ ಆಗಿತ್ತು. ಹೇಗೆ?

ಲೇಖಕರು    ಮೊದಲೇ    ಅವರ    ಅಕ್ಕಳಿಂದ    ಅನ್ನಪೂರ್ಣೆಯ    ಸಂಪೂರ್ಣ    ವಿಷಯವನ್ನು ತಿಳಿದುಕೊಂಡಿದ್ದರು.ಅನ್ನಪೂರ್ಣೆಯವರ ಮನೆ ವಿಚಾರ ಏನೂ ತಿಳಿಯದಂತೆ ವರ್ತಿಸಿ ಅವರ ಮನೆಯಲ್ಲಿರುವ ಹೆಣ್ಣುಮಗಳನ್ನು ಸರಿಯಾಗಿ ನೋಡಿಕೊಂಡರೆ ಮನೆಗೆ ಬಂದಿರುವ ದರಿದ್ರವೆಲ್ಲಾ ನಿವಾರಣೆಯಾಗುವುದೆಂದು  ಹೇಳಿದರು.ಅನ್ನಪೂರ್ಣೆ ಇದು ನಿಜವೆಂದು ನಂಬಿ ಆ ಹೆಣ್ಣುಮಗಳನ್ನು ಚೆನ್ನಾಗಿ ನೋಡಿಕೊಳ್ಳತೊಡಗಿದಳು.

5.  ನನ್ನ ಪಾಲಿನ ದೇವರು ನೀವು ಎಂದು ಅಪರಿಚಿತ ಹೆಣ್ಣೊಬ್ಬಳು ಲೇಖಕರಿಗೆ ನಮಸ್ಕರಿಸಿದ್ದೇಕೆ?

ಲೇಖಕರು  ಹೇಳಿದ  ಮಾತಿನಿಂದ  ಹೆಗಡೆಯವರ  ಎರಡನೆ  ಹೆಂಡತಿ  ಆ  ಹೆಣ್ಣುಮಗಳನ್ನು  ಚೆನ್ನಾಗಿ ನೋಡಿಕೊಳ್ಳತೊಡಗಿದಳು  ಇದರಿಂದ  ಮನೆಯಲ್ಲಿ  ಹೆಗಡೆಯವರು  ಮುಟ್ಟಿದ್ದೆಲ್ಲಾ  ಚಿನ್ನವಾಯಿತು. ಮೊದಲನೆ ಹೆಂಡತಿ ಮಗಳಿಗೆ ಮದುವೆ ಮಾಡಿದರು ಅವಳು ಬಹಳ ಸಂತೋಷದಿಂದ ಇದ್ದಳು.ನನ್ನ ಬಾಳನ್ನು ಹಸನು ಮಾಡಿದ  ಲೇಖಕರಿಗೆ  ಗೌರವವನ್ನು  ತೋರಿಸಲು  ಕೃತಜ್ಞತೆಯಿಂದ  ಆ  ಹೆಣ್ಣುಮಗಳು  ಅವರ  ಕಾಲಿಗೆ ನಮಸ್ಕರಿಸಿದಳು.

6.  ಜೋಯಿಸರ ಕುರ್ಚಿ ನಿಜವಾಗಿಯೂ ಅಸಾಮಾನ್ಯವೇ?

ಜೋಯಿಸರು  ಎರಡೋ ಮೂರೋ ತಲೆಮಾರುಗಳಷ್ಟು  ಹಳೆಯ ಕುರ್ಚಿಯಲ್ಲಿ ಕುಳಿತು ಒಂದು ಮಾತು ಹೇಳಿದರೆ ಆಸ್ತಿಕರಿಗೆಲ್ಲ ಅದು ವೇದವಾಕ್ಯ ಆಗುತ್ತಿತ್ತು. ಇದಕ್ಕೆ ಅಲ್ಲಿನ ಸ್ಥಳಪುರಾಣ ಅಜ್ಜನ ತಪಸ್ಸು, ಅವರ ವಿದ್ವತ್ತು ಕಾರಣವಾಗಿತ್ತು.ಅವರ ಮಾತು ಬಹಳ ತೂಕದಿಂದ ಕೂಡಿರುತ್ತಿತ್ತು. ಇದರಿಂದಾಗಿ ಅಜ್ಜನಿಗೆ ಸಲ್ಲುತ್ತಿದ್ದ ಗೌರವ ಆ ಕುರ್ಚಿಗೂ ಸಲ್ಲುತ್ತಿತ್ತು ಇದು ಜನರ ನಂಬಿಕೆಯ ವಿಚಾರವಾಗಿತ್ತು.

7.  ನಿಮಿತ್ಯ ಹೇಳುವಲ್ಲಿ ಲೇಖಕರ ಜಾಣ್ಮೆಯನ್ನು ಗುರುತಿಸಿ.

ಲೇಖಕರಿಗೆ ಕುರ್ಚಿಯ ಮೇಲೆ ಕುಳಿತು ನಿಮಿತ್ಯ ಹೇಳುವ ಅವಕಾಶ ದೊರೆಯಿತು.ಮಲೆನಾಡಿನ ಕಡೆ ಕೆಲವರಿಗೆ ನಿಮಿತ್ಯ  ಹೇಳುವುದು  ಅವರ  ಮನೆತನದಿಂದ  ಬಂದ  ರೂಢಿಯಾಗಿತ್ತು.ಲೇಖಕರು  ಈ  ಅವಕಾಶವನ್ನು ಬಳಸಿಕೊಂಡು ಬಹಳ ಜಾಣ್ಮೆಯಿಂದ ಕೌನ್ಸಿಲಿಂಗ್ ಮಾಡಿ ತಮ್ಮ ಮಾತಿನ ಜಾಣ್ಮೆಯಿಂದ ಜನರನ್ನು ಬದಲಾವಣೆ ಮಾಡುತ್ತಿದ್ದರು.

Sunday, 17 January 2021

ಗ್ರಾಂಥಿಕ ರೂಪಗಳು

ಗ್ರಾಂಥಿಕ ರೂಪಗಳು
ಭೆಟ್ಟಿ ಆಗ್ರಿ    = ಭೇಟಿ ಆಗಿರಿ        ತಪ್ಪಾತರೀ    = ತಪ್ಪಾಯಿತು    ಮನಶ್ಯ  = ಮನುಷ್ಯಾ   
ಸಾಲಿಕಲಿಸಿ    = ಶಾಲೆಗೆ ಕಳಿಸಿ/ಶಾಲೆಯಲ್ಲಿ    ಕಲಿಸಿ    ಮನ್ಯಾಗಿದ್ದು    = ಮನೆಯಲ್ಲಿದ್ದು    ಯಾತಕ್ಕ = ಏತಕ್ಕೆ    ಹೋಗ್ಯಾವೋ    = ಹೋಗಿವೆಯೋ        ಅತ್ತಾರೆ    = ಅತ್ತರೆ    ಹಾಂಗ  = ಹಾಗೆ   
ಕಂಡ್ಹಸಿವು    = ಕಂಡ ಹಸಿವು        ಮಕ್ಕಳ್ಗೆ    = ಮಕ್ಕಳಿಗೆ    ಮನೀಗೆ = ಮನೆಗೆ   
ಚಿಗತಾವು    = ಚಿಗುರುತ್ತವೆ.        ಬಾಗಿಲಾಗಾಡು    = ಬಾಗಿಲ ಬಳಿ    ಆಡುವ   
ನೀವ್ಯಾರು    = ನೀವು ಯಾರು        ಮೈಮ್ಯಾಲಿನ    = ಮೈಮೇಲಿನ    ಹೊಡೆದ್ರೆ = ಹೊಡೆದರೆ   
ಮಾಡದಿದ್ರ    = ಮಾಡದಿದ್ದರೆ        ಗುಡಿಸ್ತಾನೆ    = ಗುಡಿಸುತ್ತಾನೆ    ಇರತಿದ್ದೆ = ಇರುತ್ತಿದೆ   

ಕೊಟ್ಟಿರುವ ಪ್ರಶ್ನೆಗಳಿಗೆ ನೀಡಲಾಗಿರುವ ಆಯ್ಕೆಗಳಲ್ಲಿ ಸೂಕ್ತ ಉತ್ತರವನ್ನು ಆರಿಸಿ, ಕ್ರಮಾಕ್ಷರದೊಡನೆ ಬರೆಯಿರಿ.
1.    'ಮನಶ್ಯಾ' ಪದದ ಗ್ರಾಂಥಿಕ ರೂಪ:       
    (ಎ) ಮನುಷ್ಯ          (ಬಿ) ಮಾನವ    (ಸಿ) ಮಾನುಷ    (ಡಿ)    ಮನಸ   

2.    'ಚಿಗಿತಾವು' ಪದದ ಗ್ರಾಂಥಿಕ ರೂಪ:               
    (ಎ) ಚಿಗುರೀತು         (ಬಿ) ಚಿಗುರುತ್ತದೆ    (ಸಿ) ಚಿಗಿಯುತ್ತದೆ    (ಡಿ)    ಚಿಗುರು   

3.    'ಮಕ್ಕಳ್ಗೆ' ಪದದ ಗ್ರಾಂಥಿಕ ರೂಪ:               
    (ಎ) ಮಕ್ಕಳಿಗೆ          (ಬಿ) ಮಗಳಿಗೆ    (ಸಿ) ಮಗುವಿಗೆ    (ಡಿ)    ಮಕ್ಕಳು   

ಅನುಕರಣಾವ್ಯಯಗಳು

ಒಯ್ಯನೊಯ್ಯನೆ    ಧಗಧಗ    ಪಟಪಟನೆ    ಕಲಕಲ     ಸರಸರ    ಢಣಢಣ    ಝುಳುಝುಳು    ದಬದಬನೆ     ನಿಗಿನಿಗಿ    ಗಡಗಡ    ಫಳಫಳ    ದರದರನೆ     ಬರಬರನೆ    ಥರಥರನೆ    ಕರಕರ    ಝಣಝಣ  ಗರಗರ    ಬಡಬಡನೆ             

ದ್ವಿರುಕ್ತಿಗಳು

ಹೌದುಹೌದು    ಮನೆಮನೆ    ನಿಲ್ಲುನಿಲ್ಲು    ಬೇಡಬೇಡ ಓಡುಓಡು    ಕಟ್ಟಕಡೆಗೆ    ಮೊತ್ತಮೊದಲು    ಕೆಳಕೆಳಗೆ     ಹೊಚ್ಚಹೊಸದು    ಕಣಕಣ    ಕೂಗಿದಾಕೂಗಿದಾ    ಅಳುಅಳುತ್ತಾ     ನಗು ನಗುತ್ತಾ    ನಡೆದು ನಡೆದು    ತಿನ್ನು ತಿನ್ನು    ಬೇಗಬೇಗ     ತುತ್ತ ತುದಿ    ಮೊದಮೊದಲು    ಹಣ್ಣುಹಂಪಲು       

ಜೋಡಿಪದಗಳು / ಜೋಡುನುಡಿಗಳು

ಉಡಿಗೆ ತೊಡಿಗೆ    ಅವಳಿ ಜವಳಿ    ನೆರೆಹೊರೆ    ಕಾಳುಕಡ್ಡಿ     ಮಕ್ಕಳುಮರಿ    ರೀತಿನೀತಿ    ಆಚಾರ ವಿಚಾರ    ಕಟ್ಟು ಕಟ್ಟಳೆ     ಗಿಡಗಂಟೆ    ನಡೆನುಡಿ    ನೋವುನಲಿವು    ಆದಿಅಂತ್ಯ     ಕನಸು ನನಸು    ಪಂಡಿತ ಪಾಮರ    ಸಿಹಿ ಕಹಿ    ಅಡ್ಡಾ ದಿಡ್ಡಿ     ಕೂಲಿನಾಲಿ    ಹುಳುಹುಪ್ಪಟೆ    ಸಿಡುಕು ಮಿಡುಕು    ತಳಕು ಬಳಕು     

ಪಡೆನುಡಿ/ನುಡಿಗಟ್ಟುಗಳು

ಕತ್ತಿಮಸೆ    ಕೈಕೊಡು    ರಾಮಬಾಣ    ಹೊಂಚುಹಾಕು    ಒರೆ ಹಚ್ಚು    ಬಯಲಿಗೆ ತರು    ಹೊಗಳಿ ಅಟ್ಟಕ್ಕೇರಿಸು    ಆಕಾಶ ಪಾತಾಳ ಒಂದು ಮಾಡು     ಬೆನ್ನು ತಟ್ಟು    ಮೈಯೆಲ್ಲ ಕಿವಿಯಾಗಿ    ಒಲುಮೆಗೆ ಸೆರೆಯಾಗು    ಕರುಣೆಯ ಮಳೆಯನ್ನು ಕರೆ     ಹಿಂದೆ ಬೀಳು    ನೀರೆರೆದು ಪೋಷಿಸು    ಕಕ್ಕಾಬಿಕ್ಕಿಯಾಗು    ಕರತಲಾಮಲಕ     

ಕೊಟ್ಟಿರುವ ಪ್ರಶ್ನೆಗಳಿಗೆ ನೀಡಲಾಗಿರುವ ಆಯ್ಕೆಗಳಲ್ಲಿ ಸೂಕ್ತ ಉತ್ತರವನ್ನು ಆರಿಸಿ, ಕ್ರಮಾಕ್ಷರದೊಡನೆ ಬರೆಯಿರಿ.

1.  'ಕಟ್ಟಕಡೆಗೆ' ಪದವು ಈ ವ್ಯಾಕರಣಾಂಶಕ್ಕೆ ಸೇರಿದೆ;
(ಎ) ಜೋಡುನುಡಿ                           (ಬಿ) ದ್ವಿರುಕ್ತಿ
(ಸಿ) ಅನುಕರಣಾವ್ಯಯ                        (ಡಿ) ನುಡಿಗಟ್ಟು

2. ಈ ಪದಗಳಲ್ಲಿ ದ್ವಿರುಕ್ತಿ ಪದವನ್ನು ಗುರುತಿಸಿ ಬರೆಯಿರಿ.
(ಎ) ಹೊಚ್ಚಹೊಸದು                          (ಬಿ) ಗಿಡಗಂಟೆ   
(ಸಿ) ಕನಸುನನಸು                            (ಡಿ) ಸಿಹಿಕಹಿ

3. 'ಬನ್ನಿಬನ್ನಿ' ಪದವು ಈ ವ್ಯಾಕರಣಾಂಶಕ್ಕೆ ಉದಾಹರಣೆಯಾಗಿದೆ.
(ಎ) ನುಡಿಗಟ್ಟು                              (ಬಿ) ಜೋಡುನುಡಿ
(ಸಿ) ದ್ವಿರುಕ್ತಿ                                (ಡಿ) ಅನುಕರಣಾವ್ಯಯ

4. 'ಹೊಂಚುಹಾಕು' ಪದವು ಈ ವ್ಯಾಕರಣಾಂಶಕ್ಕೆ ಸೇರಿದೆ.
(ಎ) ದ್ವಿರುಕ್ತಿ                                (ಬಿ) ಅನುಕರಣಾವ್ಯಯ
(ಸಿ) ಜೋಡುನುಡಿ                           (ಡಿ) ನುಡಿಗಟ್ಟು

5. ಈ ಪದವು ನುಡಿಗಟ್ಟಿಗೆ ಉದಾಹರಣೆಯಾಗಿದೆ.
(ಎ) ಕೈಕೊಡು                              (ಬಿ) ಮೊತ್ತಮೊದಲು
(ಸಿ) ರೀತಿನೀತಿ                              (ಡಿ) ಆಚಾರವಿಚಾರ

6. 'ಉಡಿಗೆತೊಡಿಗೆ' ಪದವು ಈ ವ್ಯಾಕರಣಾಂಶಕ್ಕೆ ಸೇರಿದೆ.
(ಎ) ಜೋಡುನುಡಿ                           (ಬಿ) ಅನುಕರಣಾವ್ಯಯ
(ಸಿ) ದ್ವಿರುಕ್ತಿ                                (ಡಿ) ನುಡಿಗಟ್ಟು

7. ಈ ಪದಗಳಲ್ಲಿ ಜೋಡುನುಡಿಯನ್ನು ಗುರುತಿಸಿ ಬರೆಯಿರಿ.
(ಎ) ಕೂಲಿನಾಲಿ                             (ಬಿ) ಸರಸರ
(ಸಿ) ಚಿಲಿಪಿಲಿ                               (ಡಿ) ಕಿಲಕಿಲ

8. 'ಪಟಪಟನೆ' ಪದವು ಈ ವ್ಯಾಕರಣಾಂಶಕ್ಕೆ ಸೇರಿದೆ.
(ಎ) ಅನುಕರಣಾವ್ಯಯ                        (ಬಿ) ದ್ವಿರುಕ್ತಿ
(ಸಿ) ಜೋಡುನುಡಿ                           (ಡಿ) ನುಡಿಗಟ್ಟು

9. ಇವುಗಳಲ್ಲಿ ಅನುಕರಣಾವ್ಯಯವನ್ನು ಗುರುತಿಸಿ ಬರೆಯಿರಿ.
(ಎ) ಧಗಧಗ                               (ಬಿ) ಮೆಲ್ಲಗೆ
(ಸಿ) ಹೌದು                                (ಡಿ) ನೆಟ್ಟಗೆ

ಕೊಟ್ಟಿರುವ ಪ್ರಶ್ನೆಗಳಿಗೆ ನೀಡಲಾಗಿರುವ ಆಯ್ಕೆಗಳಲ್ಲಿ ಸೂಕ್ತ ಉತ್ತರವನ್ನು ಆರಿಸಿ, ಕ್ರಮಾಕ್ಷರದೊಡನೆ ಬರೆಯಿರಿ.
1.  'ಕೋಟೆಯಲ್ಲಿ' ಪದದಲ್ಲಿ ಇರುವ ವಿಭಕ್ತಿಯ ಹೆಸರು.
(ಎ) ಪ್ರಥಮ                               (ಬಿ) ದ್ವಿತೀಯ
(ಸಿ) ಪಂಚಮಿ                               (ಡಿ) ಸಪ್ತಮಿ

2. ಚತುರ್ಥಿ ವಿಭಕ್ತಿಯ ಕಾರಕಾರ್ಥ.
(ಎ) ಕತೃಕಾರಕ                             (ಬಿ) ಕರ್ಮಕಾರಕ
(ಸಿ) ಕರಣಕಾರಕ                             (ಡಿ) ಸಂಪ್ರಧಾನಕಾರಕ
Recruitment of various post in CSIR-NATIONAL GEOPHYSICAL RESEARCH INSTITUTE

 


Interested candidates (Indian Nationals only) fulfilling the criteria (as on the last date of online registration) towards age, education qualifications etc. as detailed above may appear for Interview as per the instructions given below in Terms & Conditions.

Terms & Conditions:

1.    Registration (Online): Candidates appearing for Interview against the above Post Codes are required to register on-line (For details, please visit CSIR-NGRI website).
The online registration opens on 11.01.2021 (at 10:00 AM) and closes at 06:00 p.m. on 17.01.2021.

2.    The date of online interview will be notified separately.

3. If the number of candidates registered online for Interview is very high, then the Candidates will be shortlisted by a screening committee based on academic qualification and /or experience. In case of short listing is done by screening committee, then the committee will adopt its own criteria for bringing down the number to be called for interview. All shortlisted candidates will be provided link for attending the interview which will be held through video conference. The link will be provided separately.

4. The candidates are advised to fill up the information in the online registration from carefully and correctly. All the certificates to be uploaded as single PDF[not more than 10 MB] in the application.

5.     Any false information may lead to ban in appearing any future recruitment / engagement process in CSIR - NGRI and the same may be informed to other CSIR
labs/Institutes, other Government Organisations / agencies also.

6. The number and levels of positions may increase or decrease at the time of actual selection or may be cancelled also. The engagement is for various time-bound projects viz., Grant-in-Aid / Sponsored Projects / In-house projects etc. which is co-terminus with the projects and may be extended or curtailed depending on the duration of the Project, satisfactory performance/conduct of the appointee. It is not a regular appointment, temporary or otherwise and therefore it does not entitle the incumbent(s) any claim, implicit or explicit on any CSIR/NGRI post.

Sd/- (Viplave Vishal) Section Officer

Friday, 15 January 2021

ಮಕ್ಕಳಲ್ಲಿ ಓದುವ ಹವ್ಯಾಸ ಬೆಳೆಸುವುದು ಹೇಗೆ
                                            

     ಮಕ್ಕಳಲ್ಲಿ ಓದುವ ಹವ್ಯಾಸ ಬೆಳೆಸುವುದು ಹೇಗೆ?
                                                                                                                         - ಡಾ.ಎಂ.ಎಸ್. ಶ್ರೀಧರ್
ಓದುವ ಹವ್ಯಾಸ ಕೆಲವೇ ವಿದ್ಯಾವಂತರಲ್ಲಿ ಮಾತ್ರ ವ್ಯಾಪಕವಾಗಿದೆ ಎನ್ನುವುದು ವಿಷಾದನೀಯ. ನಮ್ಮದು ಓದುವ ಮತ್ತು ಲಿಖಿತ ಸಂಹವನ ಸಮಾಜ ಎನ್ನುವುದಕ್ಕಿಂತ ಮಾತಿನ/ಹರಟೆ ಸಮಾಜ ಎನ್ನುವುದು ಹೆಚ್ಚು ಸೂಕ್ತ. ಸಾಮಾಜಿಕ ಘನತೆಗಾಗಿ ಮತ್ತು ಹರಟೆಗಾಗಿ ಜನಪ್ರಿಯ ಪುಸ್ತಕಗಳನ್ನು ಮತ್ತು ಘನತೆ ವ್ಯಕ್ತವಾಗುವಂತಹ classicಗಳನ್ನು ಇತರರಿಗೆ  ಹೇಳುವುದಕ್ಕಾಗಿಯೆ ಓದುವ ಒಂದು ವರ್ಗ ಈ ಮೂಲಕ ತಮ್ಮ ಸಾಮಾಜಿಕ ಗೌರವವನ್ನು ಹೆಚ್ಚಿಸಿಕೊಳ್ಳಬಯಸುತ್ತದೆ.

ಇ-ಮಾಧ್ಯಮಗಳ  ಆಕರ್ಷಣೆ,  ಓದುವ  ಹವ್ಯಾಸದ ಅನಿವಾರ್ಯತೆಯನ್ನು ಸೃಷ್ಟಿಸದ ಶಿಕ್ಷಣ ಕ್ರಮ ಹಾಗೂ ವಾಚನ ಸಾಮಗ್ರಿ ಮತ್ತು ಓದುಗ ಸ್ನೇಹಿ ಗ್ರಂಥಾಲಯಗಳ ಕೊರತೆ ಎಲ್ಲವೂ ಸೇರಿ ಬಹುಪಾಲು ಅಕ್ಷರಸ್ಥರನ್ನು ಕ್ರಮಬದ್ಧ ಓದಿನಿಂದ ದೂರವಿಟ್ಟಿವೆ. ಕಾರ್ಯಾನುಕೂಲಾರ್ಥ ಅಥವ ಉದ್ಯೋಗ ನಿಮಿತ್ತ ಓದುವವರನ್ನು ಹೊರತುಪಡಿಸಿದರೆ,  ಜ್ಞಾನಾರ್ಜನೆಗಾಗಿ  ವೈಯಕ್ತಿಕ  ಓದಿನಲ್ಲಿ ತೊಡಗುವವರು ಬಹಳ ಕಡಿಮೆ. ಈ ನಿಟ್ಟಿನಲ್ಲಿ ಮೂಲ ಪ್ರಯತ್ನ ಮನೆಯಿಂದ ಆರಂಭವಾಗಿ, ಶಾಲೆ, ಗ್ರಂಥಾಲಯ, ಮಾಧ್ಯಮಗಳೆಲ್ಲ ಸಕ್ರಿಯ ಪಾತ್ರವಹಿಸಬೇಕಿದೆ. ಮಕ್ಕಳಲ್ಲಿ 8 ರಿಂದ 13 ವಯೋಮಾನ ಓದುವ ಹವ್ಯಾಸ ಚಿಗುರೊಡೆಯಲು ಸುವರ್ಣಕಾಲ. ಈ ವಯಸ್ಸಿನಲ್ಲಿ ಓದಲು ಮತ್ತು ಗ್ರಂಥಾಲಯಗಳಿಗೆ ಭೇಟಿ ನೀಡಲು ಮಕ್ಕಳು ಅತೀವ ಆಸಕ್ತಿ ಹೊಂದಿರುತ್ತಾರೆ. ನಂತರದ ದಿನಗಳಲ್ಲಿ ಶಾರೀರಿಕ ಮತ್ತು ಮಾನಸಿಕ ಬದಲಾವಣೆ ಹಾಗೂ ಬೆಳವಣಿಗೆಗಳಿಂದಾಗಿ ಆಸಕ್ತಿ ಮತ್ತು ಅಭಿರುಚಿಗಳಲ್ಲಿ ಬದಲಾವಣೆಗಳಾಗಿ ಓದಿನೆಡೆಗಿನ ಅದಮ್ಯ ಕುತೂಹಲ ಪ್ರೀತಿ, ಸಾಹಸ ಇತ್ಯಾದಿಗಳಲ್ಲಿ ಚದುರಿಹೋಗಿ ಓದಿನ ಹಂಬಲದ ಪ್ರೇರಣೆ ದುರ್ಬಲವಾಗಬಹುದು. ಇದೇ ವಯಸ್ಸಿನಲ್ಲಿ ಶಾಲೆಯ ಪಾಠ ಪ್ರವಚನಗಳಿಗೂ ಓದಿಗೂ ನಿಖರ ಸಂಬಂಧ ಬೆಳೆದು ಶೈಕ್ಷಣಿಕ ಮತ್ತು ಮನರಂಜನಾ ಚಟುವಟಿಕೆಗಳಿಗೂ ಓದು ಪೂರಕವೆನಿಸುತ್ತದೆ.

ಓದುವ ಕೌಶಲ್ಯ ಹೆಚ್ಚಿದಂತೆ ಮಕ್ಕಳಲ್ಲಿ ಕಲಿಕಾ ಸಾಮರ್ಥ್ಯವೂ ವೃದ್ಧಿಸುತ್ತದೆ. ಓದುವ ಹವ್ಯಾಸವುಳ್ಳ ಶಿಕ್ಷಕರು ಮಕ್ಕಳಿಗೆ ಆದರ್ಶಗಳಾಗುತ್ತಾರೆ. ಮಕ್ಕಳಲ್ಲಿ ಓದುವ ಹವ್ಯಾಸ ಬೆಳೆಸಲು ಈ ಅಘೋಷಿತ ರೋಲ್ ಮಾಡೆಲ್ಗಳು ಆವಶ್ಯಕ. ಮತ್ತೊಂದು ವೈಶಿಷ್ಟ್ಯವೆಂದರೆ ಪುಸ್ತಕಗಳ ಆಯ್ಕೆಯಲ್ಲಿ ಬಲವಂತ ಹೇರುವುದನ್ನು ಮಕ್ಕಳು ತಿರಸ್ಕರಿಸುವುದರಿಂದ ಮನೆ, ಶಾಲೆ, ಗ್ರಂಥಾಲಯ ಅಥವಾ ಪುಸ್ತಕದ ಅಂಗಡಿಗಳಲ್ಲಿ ಮಕ್ಕಳಿಗೆ ಮುಕ್ತ ಆಯ್ಕೆಯ ಸ್ವಾತಂತ್ರ್ಯ ನೀಡಬೇಕೆನ್ನುವುದನ್ನು ಮನಗಾಣಬೇಕು. ಓದುವ ಹವ್ಯಾಸ ಬೆಳೆಸುವಲ್ಲಿ ಮುಖ್ಯ ಅಂಶಗಳಾದ 'ಪ್ರೇರಣೆ' ಮತ್ತು 'ಆಸಕ್ತಿ'ಗಳನ್ನು ವ್ಯಕ್ತಿಯ ಆರ್ಥಿಕ ಮತ್ತು ಸಾಮಾಜಿಕ ಹಿನ್ನೆಲೆಯಲ್ಲಿ ವಿಶ್ಲೇಷಿಸಿದರೆ ವ್ಯಕ್ತಿಗಳ ಅನುಭವ, ವಿದ್ಯೆ ಮತ್ತು ವರ್ತನೆಗಳು ಓದುವ ಹವ್ಯಾಸ ಬೆಳೆಸುವ ಪರಿಸರಕ್ಕೆ ಹೇಗೆ ತೆಕ್ಕೆ ಹಾಕಿಕೊಂಡಿವೆ ಎಂದು ತಿಳಿಯುತ್ತದೆ. ಅಂದರೆ ಮಕ್ಕಳ ಶಾಲಾಪೂರ್ವ ಮತ್ತು ಶಾಲೆಯ ಹೊರಗಿನ ಅನುಭವ ಓದಿಗೆ ಋಣಾತ್ಮಕವಾಗಿದ್ದರೆ ಅಂತಹ ಮಕ್ಕಳಿಗೆ ವಿಶೇಷ ಸಹಾಯದ ಅಗತ್ಯವಿರುತ್ತದೆ.

ಹತ್ತು ವರ್ಷ ವಯಸ್ಸಿನ ಮಕ್ಕಳ ಓದುವ ಹವ್ಯಾಸದ ಮೇಲೆ ಮಹತ್ವದ ನಿರ್ಣಾಯಕ ಪರಿಣಾಮ ಬೀರಬಹುದಾದ ನಾಲ್ಕು ಪ್ರಭಾವೀ ಅಂಶಗಳು ಅವುಗಳ ಪ್ರಭಾವಿ ಶಕ್ತಿಯ ಇಳಿಮುಖ ಕ್ರಮದಲ್ಲಿ ಹೀಗಿವೆ. ಮೊದಲನೆಯದಾಗಿ ಮಕ್ಕಳಲ್ಲಿ ಓದುವ ಹವ್ಯಾಸದ ಮೇಲೆ ಅತ್ಯಂತ ಹೆಚ್ಚು ಪ್ರಭಾವ ಬೀರುವ ಅಂಶವೆಂದರೆ ಮಗುವಿಗೆ ಪರಿಚಯವಿರುವ ಪುಸ್ತಕಗಳ ಸಂಖ್ಯೆ. ಅಂದರೆ ಎಷ್ಟು ಹೆಚ್ಚು ಪುಸ್ತಕಗಳು ಮಗುವಿಗೆ ಪರಿಚಯವಿದೆಯೊ ಆ ಪ್ರಮಾಣಕ್ಕೆ ಅನುಗುಣವಾಗಿ ಮಗುವಿನ ಓದುವ ಹವ್ಯಾಸ ವೃದ್ಧಿಸಿ ಬಲಗೊಳ್ಳುತ್ತದೆ. ಈ ಅಂಶದ ಪರಿಣಾಮ ವ್ಯಾಪ್ತಿ ಬಹಳ ದೊಡ್ಡದು. ಮಕ್ಕಳಿಗೆ ಸೀಮಿತ ಸಂಖ್ಯೆಯ ಪುಸ್ತಕಗಳನ್ನು ಪುನರಾವರ್ತಿತವಾಗಿ ಬಾಯಿಪಾಠ ಮಾಡಿಸುವ ಪರಿಪಾಠ ಪರೀಕ್ಷಾ ದೃಷ್ಟಿಯಿಂದ ಸಮಂಜಸವಾದರೂ ಓದುವ ಪ್ರಯತ್ನ ಬೆಳೆಸುವ ದೃಷ್ಟಿಯಿಂದ ಅಪಾಯಕಾರಿ. ಎಲ್ಲ ಪುಸ್ತಕಗಳನ್ನೂ ಕೂಲಂಕುಶವಾಗಿ ಓದುವ ಅವಶ್ಯಕತೆ ಇಲ್ಲವಾದರೂ (ಅದು ಸಾಧ್ಯವೂ ಇಲ್ಲ) ಹೆಚ್ಚು ಹೆಚ್ಚು ಪುಸ್ತಕಗಳ ಶೀರ್ಷಿಕೆ, ಸಂಕ್ಷಿಪ್ತ ಪರಿಚಯ ಮಾಡಿಸುವಲ್ಲಿ ಪೋಷಕರ, ಉಪಾಧ್ಯಾಯರ ಮತ್ತು ಶಾಲಾ ಗ್ರಂಥಾಲಯಗಳ ಪಾತ್ರ ಬಹಳ ಮುಖ್ಯವಾದುದು. ಪುಸ್ತಕ ಪ್ರದರ್ಶನ, ಪುಸ್ತಕ ಮಳಿಗೆ ಮತ್ತು ಗ್ರಂಥಾಲಯಗಳಲ್ಲಿ ವಿವಿಧ ಪುಸ್ತಕಗಳ ಪರಿಶೀಲನೆಗೆ (ಕೈಗೆತ್ತಿಕೊಂಡು ತಿರುವಿ ಹಾಕಲು) ಮುಕ್ತ ಅವಕಾಶ ಕಲ್ಪಿಸಿದರೆ ಮಗು ಹೆಚ್ಚು ಪುಸ್ತಕಗಳ ಪರಿಚಯ ಪಡೆಯಲು ಸಾಧ್ಯವಾಗುತ್ತದೆ. ಒಳ್ಳೆಯ ಸಚಿತ್ರ ಪುಸ್ತಕಗಳು ಮಕ್ಕಳನ್ನು ಓದಲಾರಂಭಿಸಲಾಗದ ವಯಸ್ಸಿನಿಂದಲೇ ಬಹಳವಾಗಿ ಆಕರ್ಷಿಸುತ್ತವೆ. ವಿಷಾದದ ಸಂಗತಿಯೆಂದರೆ ಅಂತಹ ಪುಸ್ತಕಗಳ ಪ್ರಕಟಣೆ ದುಬಾರಿ, ಪ್ರಾದೇಶಿಕತೆಗೆ ಒತ್ತುಕೊಟ್ಟರೆ ಮಾರುಕಟ್ಟೆ ಸೀಮಿತ ಮತ್ತು ಬೆಲೆ ಕಡಿತ ಸಾಧ್ಯವಾಗದಾಗಿ ಅವುಗಳ ಸಂಖ್ಯೆ ಕಡಿಮೆ. ಪುಸ್ತಕ ಪರಿಚಯ ಅಕ್ಷರ ಮಾಧ್ಯಮದಲ್ಲಿಯೇ ಆಗಬೇಕಿಲ್ಲ. ಗೀತಗಾಯನ, ನಾಟಕ, ಪ್ರವಚನ, ಕಥೆ ಹೇಳುವುದು ಇತ್ಯಾದಿ ಆಕರ್ಷಕ ಮನರಂಜನೆಯ ರೂಪದಲ್ಲಿಯೂ ಆಗಬಹುದು. ಹಾಗೆ ಮಾಡಿದಾಗ ಕೊನೆಯಲ್ಲಿ ಪುಸ್ತಕದ ಮತ್ತು ಕೃತಿಕಾರನ ಬಗ್ಗೆ ತಿಳಿಸುವುದರಿಂದ ಮಗು ಆ ಪುಸ್ತಕವನ್ನು ಮುಂದೆ ಗುರುತಿಸಬಲ್ಲದು.

ಮಗುವಿನ ಭಾಷಾ ಬೆಳವಣಿಗೆ ಯಾವ ಹಂತದಲ್ಲಿದೆ ಎನ್ನುವುದು ಎರಡನೆಯ ಮುಖ್ಯ ಅಂಶ. ಅಂದರೆ ಮಗು ಭಾಷೆಯನ್ನು ಎಷ್ಟು ಚೆನ್ನಾಗಿ ಬಲ್ಲುದೊ ಅಷ್ಟೂ ಓದುವ ಹವ್ಯಾಸಕ್ಕೆ ಒಲಿಯುತ್ತದೆ. ಮಗುವಿನ ಭಾಷಾ ಕಲಿಕೆಯ ಯಾವುದೇ ಹಂತದಲ್ಲೂ ಅದಕ್ಕೆ ಓದಲು ದೊರೆಕಿಸುವ ಪುಸ್ತಕ ಭಾಷಾಜ್ಞಾನಕ್ಕೆ ಮೀರದೆ ಪೂರಕವಾಗಿರಬೇಕಾದದ್ದು ಮುಖ್ಯ. ಇಲ್ಲವಾದಲ್ಲಿ ಪುಸ್ತಕಗಳು ಕಬ್ಬಿಣದ ಕಡಲೆಯಾಗಿ ಮಗುವಿನ ದ್ವೇಷಕ್ಕೆ ತುತ್ತಾಗುತ್ತವೆ. ಪುಸ್ತಕಗಳನ್ನು ಪ್ರಕಟಿಸುವಾಗ, ಖರೀದಿಸುವಾಗ, ಶಾಲಾಗ್ರಂಥಾಲಯಗಳಲ್ಲಿ ವಿತರಿಸುವಾಗ ಈ ಅಂಶವನ್ನು ಬಹಳ 

ಎಚ್ಚರಿಕೆಯಿಂದ ನಿಭಾಯಿಸಬೇಕಾಗುತ್ತದೆ. ಮಗುವಿನ ಭಾಷಾಜ್ಞಾನ ನಿಯಮಿತವಾಗಿ ವೃದ್ಧಿಸುವಂತೆ ನೋಡಿಕೊಳ್ಳುವುದು ಆವಶ್ಯಕ. ಒಟ್ಟಿನಲ್ಲಿ ಭಾಷಾಜ್ಞಾನಕ್ಕೂ ಓದುವ ಹವ್ಯಾಸಕ್ಕೂ ಒಂದು ಅವಿನಾಭಾವ ಸಂಬಂಧವಿರುತ್ತದೆ. ಅದನ್ನು ಗಮನದಲ್ಲಿರಿಸಿ ಪೂರಕ ಪುಸ್ತಕಗಳ ಸರಬರಾಜಿನ ವ್ಯವಸ್ಥೆ ಆಗಬೇಕಾಗುತ್ತದೆ. ಈ ಸಂಬಂಧವಾಗಿ ಭಾಷಾತಜ್ಞ ಜಿ. ವಿ. ಹೇಳುತ್ತಾರೆ:

ಓದುವ ಹವ್ಯಾಸ (ವಾಚನಶೀಲತೆ) ಬೆಳೆಸುವುದು ಶಿಕ್ಷಣ ಕ್ರಮದ ಒಂದು ಮುಖ್ಯ ಗುರಿಯಾಗಬೇಕು, ಉಪಾಧ್ಯಾಯರು ಓದುವ ಕೌಶಲ್ಯವನ್ನು ಮಕ್ಕಳಿಗೆ ಕಲಿಸಿ ತರಬೇತಿ ನೀಡಬೇಕು, ವಾಚನ
ಬೋಧನೆಯ ಹಂತಗಳಲ್ಲಿ ಶಬ್ದೋಚ್ಚಾರಣೆ, ಶಬ್ದಾರ್ಥ ಗ್ರಹಣ, ವಾಕ್ಯಗಳ ಅರ್ಥ ಚಿಂತನೆ, ವಿಶಿಷ್ಟ ಉದ್ದೇಶಕ್ಕಾಗಿ ವಾಚನ, ಹೆಚ್ಚು ಹೆಚ್ಚು ಪದಗಳನ್ನು ಕಣ್ಣಿನ ನೋಟಕ್ಕೆ ಒಳಪಡಿಸುವುದು, ಮಾತಿನ ಏರಿಳಿತಕ್ಕೆ ಒತ್ತು ಕೊಟ್ಟು ಗಟ್ಟಿಯಾಗಿ ಓದುವುದು, ಓದುವ ವೇಗ ಮತ್ತು ಅರ್ಥಗ್ರಹಣಶಕ್ತಿಯನ್ನು ಸಮೀಕರಿಸುವುದು, ಹಾಗೂ ವಿಚಾರ ಸಂಗ್ರಹಕ್ಕಾಗಿ 'ವಿಶಾಲ ಓದು' ಮತ್ತು ಭಾಷಾ ಪ್ರಭುತ್ವಕ್ಕೆ 'ಆಳವಾದ ಓದು' ಅವಶ್ಯಕ. ಓದುವ ಹವ್ಯಾಸ ವೃದ್ಧಿಸಲು ನಂತರ ನೆರವಾಗುವ ಮೂರನೆಯ ಅಂಶ ಮಗುವಿನ ಬುದ್ಧಿಶಕ್ತಿ. ಅಂದರೆ ಮಗುವು ತನ್ನ ಬುದ್ಧಿಶಕ್ತಿಗನುಗುಣವಾಗಿ ಓದುವ ಹವ್ಯಾಸವನ್ನು ರೂಪಿಸಿಕೊಳ್ಳುತ್ತಾ ಹೋಗುತ್ತದೆ. ಓದುವ ಹವ್ಯಾಸಕ್ಕೆ ಪೂರಕವಾದ ನಾಲ್ಕನೆಯ ಅಂಶ ತಂದೆಯ ವೃತ್ತಿ. ಅಂದರೆ ತಂದೆಯ ವೃತ್ತಿ ಮಗುವಿನ ಓದುವ ಹವ್ಯಾಸ ಬೆಳೆಸಲು ಪೂರಕವಾಗಿ ಅಥವಾ ಪ್ರತೀಕೂಲವಾಗಿರುವ ಸಾಧ್ಯತೆಗಳಿದ್ದರೂ ಮೇಲಿನ ನಾಲ್ಕು ಅಂಶಗಳಲ್ಲಿ ಇದು ಅತ್ಯಂತ ದುರ್ಬಲ ಅಂಶ ಎಂಬುದು ಗಮನಾರ್ಹ. ಒಂದು ಮಹತ್ವದ ವಿಚಾರವೆಂದರೆ ಮೊದಲನೆ ಅಂಶವಾದ ಪುಸ್ತಕಗಳ ಪರಿಚಯವು `ಉಪಾಧ್ಯಾಯರ ಪ್ರಭಾವ' ದ ಪರಿಣಾಮಕ್ಕೆ ಸಂಬಂಧಿಸಿದ ಅಂಶ. ಮಕ್ಕಳಲ್ಲಿ ಓದುವ ಆಸಕ್ತಿ ಮೂಡಿಸಿ ಸರಿಯಾದ ಪುಸ್ತಕಗಳನ್ನು ಪರಿಚಯಿಸುವಲ್ಲಿ  ಉಪಾಧ್ಯಾಯರ  ಪಾತ್ರ  ವಿಶಿಷ್ಟವಾದದ್ದು. ಈ ಅಂಶದ ಕಡೆ ಗಮನವೀಯಲು ಪೋಷಕರು ಮನೆಯಲ್ಲಿ ಒಳ್ಳೆಯ ಪುಸ್ತಕ ಭಂಡಾರ ಬೆಳೆಸಬೇಕು. ಹಾಗೆಯೇ ಸಾರ್ವಜನಿಕ ಗ್ರಂಥಾಲಯಗಳಿಗೆ, ಪುಸ್ತಕ ಮಳಿಗೆಗಳಿಗೆ ಮತ್ತು ಉತ್ಸವಗಳಿಗೆ ಮಕ್ಕಳೊಂದಿಗೆ ಭೇಟಿ ಕೊಡುವುದು, ಮಕ್ಕಳಿಗೆ ಹೆಚ್ಚಿನ ಪುಸ್ತಕಗಳ ಪರಿಚಯವಾಗಲು ಸಹಾಯಕ. ಮಕ್ಕಳ ಸಾಮಾಜಿಕ-ಆರ್ಥಿಕ ಅನನುಕೂಲಗಳೇನೇ ಇದ್ದರೂ ಅದನ್ನು ಮೀರಿ ಓದುವ ಹವ್ಯಾಸ ಬೆಳೆಸುವುದು ಉಪಾಧ್ಯಾಯರ ಮತ್ತು ಸಮುದಾಯದ ಸ್ವಲ್ಪ ಹೆಚ್ಚಿನ ಶ್ರಮದಿಂದ ಸಾಧ್ಯ. ಅಲ್ಲದೆ ಓದುವ ಹವ್ಯಾಸದಿಂದ ಮಕ್ಕಳ ಮೇಲೆ ಆಗುವ ಸಾಮಾಜಿಕ ವರ್ಗ ವ್ಯತ್ಯಾಸಗಳನ್ನು ಉಪಾಧ್ಯಾಯರ ವಿಶೇಷ ಆಸ್ಥೆ ಮತ್ತು ಹೆಚ್ಚು ಪುಸ್ತಕಗಳನ್ನು ಸುಲಭವಾಗಿ ದೊರೆಯುವಂತೆ ಮಾಡುವ ಮೂಲಕ ತಗ್ಗಿಸಬಹುದು. ಕಡೆಯದಾಗಿ ಓದುವ ಹವ್ಯಾಸದ ಗಂಭೀರ ಅಧ್ಯೆಯನಗಳು ನಮ್ಮಲ್ಲಿ ಅಷ್ಟಾಗಿ ಇಲ್ಲದಿರುವುದು ಒಂದು ವಿಷಾದಕರ ಸಂಗ 

Wednesday, 13 January 2021

ಹಕ್ಕಿ

                                                                    


    ಹಕ್ಕಿ 

     ಪದ್ಯಪಾಠ - 2

ಅ] ಒಂದು ವಾಕ್ಯದಲ್ಲಿ ಉತ್ತರಿಸಿ.

1. ಹಕ್ಕಿ ಯಾವ ವೇಗದಲ್ಲಿ ಹಾರುತ್ತಿದೆ?

ಹಕ್ಕಿ ಹಾರುತ್ತಿದ ನೋಡಿದಿರಾಹಕ್ಕಿಯು ಎವ ತೆರೆದಿಕ್ಕುವ ಹೊತ್ತಿನೊಳಗೆ ಅಂದರ ಕಣ್ಣು ರೆಪ್ಪೆ ಮಿಟಿಕಿಸುವಷ್ಟು ಸಮಯದಲ್ಲಿ (ನಿಮಿಷದಲ್ಲಿ) ಗಾವುದ ಗಾವುದ ಮುಂದ ಹಾರುತ್ತಿದೆ.

2. ಹಕ್ಕಿಯ ಗರಿಯಲ್ಲಿ ಯಾವ ಬಣ್ಣಗಳಿವೆ?

ಹಕ್ಕಿಯ ಗರಿಯಲ್ಲಿ ಕರಿ, ಬಿಳಿ ಕೆಂಪು, ಹೊನ್ನಿನ ಹೊಳೆಯುವ ಬಣ್ಣಗಳಿವೆ.

3. ಹಕ್ಕಿಯು ಕಣ್ಣುಗಳು ಯಾವುವು?

ಸೂರ್ಯ ಚಂದ್ರರು ಹಕ್ಕಿಯ ಕಣ್ಣುಗಳು.

4. ಹಕ್ಕಿಯು ಯಾರ ನೆತ್ತಿಯನ್ನು ಕುಕ್ಕಿದೆ?

ಹಕ್ಕಿಯು ಸಾರ್ವಭೌಮರ ನೆತ್ತಿಯನ್ನು ಕುಕ್ಕಿದೆ.

5. ಹಕ್ಕಿ ಯಾರನ್ನು ಹರಸಿದೆ?

ಹಕ್ಕಿಯು ಹೊಸಗಾಲದ ಹಸುಮಕ್ಕಳನ್ನು ಹರಸಿದೆ.

6. ಹಕ್ಕಿಯು ಯಾವುದರ ಸಂಕೇತವಾಗಿದೆ?

ಹಕ್ಕಿಯು ಕಾಲಪಕ್ಷಿಯ ಸಂಕೇತವಾಗಿದೆ.

ಆ] ಮೂರು ನಾಲ್ಕು ವಾಕ್ಯಗಳಲ್ಲಿ ಉತ್ತರಿ.

1. ಹಕ್ಕಿಯ ಹಾರಾಟವನ್ನು ಆಕಾಶಕ್ಕೆ ಹೇಗೆ ಹೋಲಿಸಿದ್ದಾರೆ?

ತರತಮರಹಿತ ಸಮದೃಷ್ಟಿಯಿಂದ ಕೂಡಿದ ನೀಲಮೇಘಮಂಡಲ - ಸಮಬಣ್ಣ ಎಂದು ಹೇಳಿ ಕಾಲದ ದೈತ್ಯತೆಯನ್ನು ಸಂಕೇತಿಸುವ ಕವಿ ಮುಗಿಲಿಗೆ ರೆಕ್ಕೆಗಳು ಮೂಡಿ ಇಡೀ ಆಕಾಶವೇ ಹಾರಿದಂತೆ ಆಗುತ್ತದೆ ಎನ್ನುತ್ತಾರೆ. ನಕ್ಷತ್ರ ಮಾಲೆಯನ್ನು ಧರಿಸಿಕೊಂಡು, ಸೂರ್ಯ ಚಂದ್ರರನ್ನು ಕಣ್ಣಾಗಿಸಿಕೊಂಡು ಹಕ್ಕಿಯು ಹಾರಾಡುತ್ತಿರುವ ನೋಟ  aದ್ಭುತವಾದುದು ಎಂದು ಕವಿ  ಬೇಂದ್ರೆ ವಸುತ್ತಾರೆ.

2. ಹೊಸಗಾಲದ ಹಸುಮಕ್ಕಳನ್ನು ಹಕ್ಕಿ ಹೇಗೆ ಹರಸಿದೆ?

ಹಕ್ಕಿಯು (ಕಾಲಪಕ್ಷಿಯು) ಯುಗಯುಗಗಳ ಆಗುಹೋಗುಗಳನ್ನು ಹಿಂದಕ್ಕೆ ತಳ್ಳುತ್ತ, ಹೊಸ ಮನ್ವಂತರದ ಪರಿವರ್ತನೆಗೆ/ ಪ್ರಗತಿಗೆ ಕಾರಣವಾಗಿದೆ. ಹಕ್ಕಿಯು (ಕಾಲಪಕ್ಷಿಯು) ತನ್ನ ರೆಕ್ಕೆಗಳನ್ನು ಬೀಸುವ ಮೂಲಕ ಭೂಮಂಡಲದ ಜೀವಿಗಳಿಗೆ ಚೈತನ್ಯ ನೀಡಿ, ಹೊಸಗಾಲದ ಹಸುಮಕ್ಕಳನ್ನು ಹರಸಿ, ಉತ್ತಮ ಭವಿಷ್ಯಕ್ಕಾಗಿ ಶುಭ ಹಾರೈಸುತ್ತಿದೆ ಎಂದು ಕವಿಗಳು ವರ್ಣಿಸುತ್ತಾರೆ.

ಇ] ಎಂಟು-ಹತ್ತು ವಾಕ್ಯಗಳಲ್ಲಿ ಉತ್ತರಿಸಿ.

1. ಹಕ್ಕಿಯನ್ನು ಕಾಲಗತಿಗೆ ಹೋಲಿಸುತ್ತಾ ಕವಿ ಹೇಳಿರುವ ಮಾತುಗಳಾವುವು?

ದ.ರಾ.ಬೇಂದ್ರೆ ಅವರು 'ಹಕ್ಕಿ ಹಾರುತ್ತಿದೆ ನೋಡಿದಿರಾ' ಕವನದಲ್ಲಿ ಚಲನಶೀಲವಾದ ಕಾಲವನ್ನು ಹಾರುತ್ತಿರುವ ಹಕ್ಕಿಗೆ ಹೋಲಿಸಿ ವರ್ಣಿಸಿದ್ದಾರೆ.  ಇರುಳು ಇರುಳುಗಳು ಅಳಿದು ದಿನ ದಿನಗಳು ಬೆಳಗೆ ಸುತ್ತಮುತ್ತಲೂ ಮೇಲೆ ಕೆಳಗೆ ಕಣ್ಣು ರೆಪ್ಪೆ ಮಿಟಿಕಿಸುವಷ್ಟು ಸಮಯದಲ್ಲಿ ಕಾಲಪಕ್ಷಿಯು ದೂರದೂರ ಮುಂದೆ ಸಾಗುತ್ತಿರುತ್ತದೆ. ಕಾಲಪಕ್ಷಿಗೆ ಕರಿನರೆ ಬಣ್ಣದ ಪುಚ್ಚಗಳು (ಬಾಲ) ಉಂಟು, ಬಿಳಿಹೊಳೆ ಬಣ್ಣದ ಗರಿ ಗರಿ ಉಂಟು, ಕೆನ್ನನ ಹೊನ್ನನ ಬಣ್ಣ- ಬಣ್ಣಗಳ ರೆಕ್ಕೆಗಳು ಎರಡೂ ಪಕ್ಕದಲಿ ಉಂಟು ಅಂದರೆ ಇಲ್ಲಿ ಕವಿಗಳು ಕಾಲದ ಮೂರು ಅವಸ್ಥೆಗಳನ್ನು ಬಣ್ಣಗಳ ಹೋಲಿಕೆಯ ಮುಖಾಂತರ ಬಹುಸ್ವಾರಸ್ಯವಾಗಿ ವರ್ಣಿಸುತ್ತಾರೆ. ತರತಮರಹಿತ ಸಮದೃಷ್ಟಿಯಿಂದ ಕೂಡಿದ ನೀಲಮೇಘಮಂಡಲ - ಸಮಬಣ್ಣದಂತೆ, ಅನಂತ ಆಕಾಶದಲ್ಲಿರುವ ಮುಗಿಲಿಗೆ ರೆಕ್ಕೆಗಳು ಮೂಡಿದಂತೆ, ನಕ್ಷತ್ರ ಮಾಲೆಯನ್ನು ಧರಿಸಿಕೊಂಡು, ಸೂರ್ಯ ಚಂದ್ರರನ್ನು ಕಣ್ಣಾಗಿಸಿಕೊಂಡು ಹಕ್ಕಿಯು ಹಾರಾಡುತ್ತಿರುವ ನೋಟ ಅದ್ಭುತವಾದುದು ಎಂದು ಕವಿಗಳು ವರ್ಣಿಸುತ್ತಾರೆ. ಕಾಲಪಕ್ಷಿಯು ತನ್ನ ಪಯಣದಲ್ಲಿ ಅನೇಕ ಸಣ್ಣಸಣ್ಣ ರಾಜಮನೆತನಗಳನ್ನು ಹಾಗೂ ದೊಡ್ಡದೊಡ್ಡ ಸಾಮ್ರಾಜ್ಯಗಳನ್ನು ಹುಟ್ಟಿಸಿ, ಬೆಳೆಯಿಸಿ, ಅವುಗಳ ಫಲಿತವನ್ನು ಕೊಯ್ಲು ಮಾಡಿದೆ. ಅದೇ ರೀತಿ ಅನೇಕ ಸಾಮ್ರಾಜ್ಯಗಳನ್ನು, ರಾಜ್ಯಗಳನ್ನು, ಕೋಟೆಕೊತ್ತಲಗಳನ್ನು ನಾಶಗೊಳಿಸಿದೆ. ಕಾಲಪಕ್ಷಿಯು ತನ್ನ ಪಯಣದಲ್ಲಿ ಭೂಮಂಡಲದ ಮೇಲಿರುವ ಖಂಡಗಳನ್ನು ತೇಲಿಸಿ, ಮುಳುಗಿ ಪ್ರಾಕೃತಿಕ (ಪ್ರಗತಿ ಮತ್ತು ವಿನಾಶ) ಬದಲಾವಣೆಗಳಿಗೂ ಕಾರಣವಾಗಿದೆ. ಕಾಲಪಕ್ಷಿಯು ಸಾರ್ವಭೌಮರೆಂದು ಮೆರೆಯುತ್ತಿದ್ದ ಸಾಮ್ರಾಟರ ನೆತ್ತಿಯನ್ನು ಕುಕ್ಕಿ ಅವರ ಅಹಂಕಾರವನ್ನು ಮೆಟ್ಟಿ ನಿಂತಿದೆ ಎಂದು ಕವಿಗಳು ವರ್ಣಿಸುತ್ತಾರೆ. ಕಾಲಪಕ್ಷಿಯು ಯುಗಯುಗಗಳ ಆಗುಹೋಗುಗಳನ್ನು ಹಿಂದಕ್ಕೆ ತಳ್ಳುತ್ತ, ಹೊಸ ಮನ್ವಂತರದ ಪರಿವರ್ತನೆಗೆ / ಪ್ರಗತಿಗೆ ಕಾರಣವಾಗಿದೆ. ಕಾಲಪಕ್ಷಿಯು ತನ್ನ ರೆಕ್ಕೆಗಳನ್ನು ಬೀಸುವ ಮೂಲಕ ಭೂಮಂಡಲದ ಜೀವಿಗಳಿಗೆ ಚೈತನ್ಯ ನೀಡಿ, ಮುಂದಿನ ಜನಾಂಗದ ಮಕ್ಕಳನ್ನು ಹರಸಿ, ಉತ್ತಮ ಭವಿಷ್ಯಕ್ಕಾಗಿ ಶುಭ ಹಾರೈಸುತ್ತಿದೆ ಎಂದು ಕವಿಗಳು ವರ್ಣಿಸುತ್ತಾರೆ.

ಈ] ಸಂದರ್ಭದೊಂದಿಗೆ ಸ್ವಾರಸ್ಯವನ್ನು ವಿವರಿಸಿ.

1. ರಾಜ್ಯದ ಸಾಮ್ರಾಜ್ಯದ ತೆನೆ ಒಕ್ಕಿ

ಆಯ್ಕೆ:- ಈ ವಾಕ್ಯವನ್ನು 'ಅಂಬಿಕಾತನಯದತ್ತ' ಎಂಬ ಕಾವ್ಯನಾಮದಿಂದ ಪ್ರಸಿದ್ಧರಾದ ದ.ರಾ.ಬೇಂದ್ರೆ ಅವರು ರಚಿಸಿರುವ 'ಗರಿ' ಕವನ ಸಂಕಲನದಿಂದ ಆಯ್ದ 'ಹಕ್ಕಿ ಹಾರುತಿದ ನೋಡಿದಿರಾ' ಎಂಬ ಪದ್ಯಭಾಗದಿಂದ ಆರಿಸಲಾಗಿದೆ.ಸಂದರ್ಭ:-  ಕವಿ ದ.ರಾ.ಬೇಂದ್ರೆ ಅವರು ಕಾಲದ ಗತಿಯನ್ನು ಹಾರುವ ಹಕ್ಕಿಗೆ ಸಮೀಕರಿಸಿ ವರ್ಣಿಸುವ ಸಂದರ್ಭದಲ್ಲಿ ಕಾಲಪಕ್ಷಿಯು ತನ್ನ ಪಯಣದಲ್ಲಿ ಅನೇಕ ಸಣ್ಣಸಣ್ಣ ರಾಜಮನೆತನಗಳನ್ನು ಹಾಗೂ ದೊಡ್ಡದೊಡ್ಡ ಸಾಮ್ರಾಜ್ಯಗಳನ್ನು ಹುಟ್ಟಿಸಿ, ಬೆಳೆಯಿಸಿ, ಅವುಗಳ ಫಲಿತವನ್ನು ಕೊಯ್ಲು ಮಾಡಿದೆ ಎಂಬ ಈ ಮಾತನ್ನು ಹೇಳುತ್ತಾರೆ.

ಸ್ವಾರಸ್ಯ:-   ಕಾಲಪಕ್ಷಿಯು  ಅನೇಕ  ಸಾಮ್ರಾಜ್ಯದ  ಏಳುಬೀಳುಗಳಿಗೆ  ಸಾಕ್ಷಿಯಾಗಿದೆ  ಎಂಬುದನ್ನು  ಈ  ಮಾತಿನಲ್ಲಿ ಸ್ವಾರಸ್ಯಪೂರ್ಣವಾಗಿ ವರ್ಣಿಸಲಾಗಿದೆ.

2. ಸಾರ್ವಭೌಮರ ನೆತ್ತಿಯ ಕುಕ್ಕಿ

ಸಂದರ್ಭ:-  ಕವಿ ದ.ರಾ.ಬೇಂದ್ರೆ ಅವರು ಕಾಲದ ಗತಿಯನ್ನು ಹಾರುವ ಹಕ್ಕಿಗೆ ಸಮೀಕರಿಸಿ ವರ್ಣಿಸುವ ಸಂದರ್ಭದಲ್ಲಿ ಕಾಲಪಕ್ಷಿಯು ಸಾರ್ವಭೌಮರೆಂದು ಮೆರೆಯುತ್ತಿದ್ದ ಸಾಮ್ರಾಟರ ನೆತ್ತಿಯನ್ನು ಕುಕ್ಕಿ ಅವರ ಅಹಂಕಾರವನ್ನು ಮೆಟ್ಟಿ ನಿಂತಿದೆ ಎಂಬ ಈ ಮಾತನ್ನು ಹೇಳುತ್ತಾರೆ.

ಸ್ವಾರಸ್ಯ :- ಕಾಲದ ಗತಿಯಲ್ಲಿ ವೈಭವದಿಂದ, ಅಹಂಕಾರದಿಂದ ಮೆರೆದ ಸಾರ್ವಭೌಮರೆಲ್ಲರೂ ನಾಮಾವಶೇಷವಾಗಿದ್ದಾರೆ ಎಂಬುದನ್ನು ಈ ಮಾತಿನಲ್ಲಿ ಸ್ವಾರಸ್ಯಪೂರ್ಣವಾಗಿ ವರ್ಣಿಸಲಾಗಿದೆ.

3. ಮನ್ವಂತರಗಳ ಭಾಗ್ಯವ ತೆರೆಸಿ

ಸಂದರ್ಭ :- ಕವಿ ದ.ರಾ.ಬೇಂದ್ರೆ ಅವರು ಕಾಲದ ಗತಿಯನ್ನು ಹಾರುವ ಹಕ್ಕಿಗೆ ಸಮೀಕರಿಸಿ ವರ್ಣಿಸುವ ಸಂದರ್ಭದಲ್ಲಿ ಕಾಲಪಕ್ಷಿಯು ಯುಗಯುಗಗಳ ಆಗುಹೋಗುಗಳನ್ನು ಹಿಂದಕ್ಕೆ ತಳ್ಳುತ್ತ, ಹೊಸ ಮನ್ವಂತರದ ಪರಿವರ್ತನೆಗೆ/ಪ್ರಗತಿಗೆ ಕಾರಣವಾಗಿದೆ ಎಂಬ ಈ ಮಾತನ್ನು ಹೇಳುತ್ತಾರೆ.

ಸ್ವಾರಸ್ಯ :- ಕಾಲಪಕ್ಷಿಯು ಪ್ರಪಂಚದ ಹೊಸ ಪರಿವರ್ತನೆಗೆ/ಪ್ರಗತಿಗೆ ಕಾರಣೀಭೂತವಾಗಿದೆ ಎಂಬುದನ್ನು ಈ ಮಾತಿನಲ್ಲಿ ಸ್ವಾರಸ್ಯಪೂರ್ಣವಾಗಿ ವರ್ಣಿಸಲಾಗಿದೆ.

4. ಹೊಸಗಾಲದ ಹಸುಮಕ್ಕಳ ಹರಸಿ

ಸಂದರ್ಭ :- ಕವಿ ದ.ರಾ.ಬೇಂದ್ರೆ ಅವರು ಕಾಲದ ಗತಿಯನ್ನು ಹಾರುವ ಹಕ್ಕಿಗೆ ಸಮೀಕರಿಸಿ ವರ್ಣಿಸುವ ಸಂದರ್ಭದಲ್ಲಿ ಕಾಲಪಕ್ಷಿಯು ತನ್ನ ರೆಕ್ಕೆಗಳನ್ನು ಬೀಸುವ ಮೂಲಕ ಭೂಮಂಡಲದ ಜೀವಿಗಳಿಗೆ ಚೈತನ್ಯ ನೀಡಿ, ಮುಂದಿನ ಜನಾಂಗದ ಮಕ್ಕಳನ್ನು ಹರಸಿ, ಉತ್ತಮ ಭವಿಷ್ಯಕ್ಕಾಗಿ ಶುಭ ಹಾರೈಸುತ್ತಿದೆ ಎಂಬ ಈ ಮಾತನ್ನು ಹೇಳುತ್ತಾರೆ. 

ಸ್ವಾರಸ್ಯ  :-  ಕಾಲಪಕ್ಷಿಯು  ಯುಗಯುಗದಲ್ಲೂ  ಜನರಿಗೆ ಚೈತನ್ಯವನ್ನು ತುಂಬಿ ಮುಂದಿನ  ಜನಾಂಗವನ್ನು ಹರಸುತ್ತಿದೆ ಎಂಬುದನ್ನು ಈ ಮಾತಿನಲ್ಲಿ ಸ್ವಾರಸ್ಯಪೂರ್ಣವಾಗಿ ವರ್ಣಿಸಲಾಗಿದೆ.

1) ನೀಡಿರುವ ಪದಗಳ ಸಮಾನಾರ್ಥಕ ಪದ ಬರೆಯಿರಿ.

ಸೂರ್ಯ = ರವಿ, ಭಾನು, ಭಾಸ್ಕರ, ಅರ್ಕ

ಎದೆ = ಹೃದಯ, ಗುಂಡಿಗೆ, ಉರ

ಮೇಘ = ಮೋಡ, ಮುಗಿಲು

ಗಡ = ಸಣ್ಣ ಕೋಟೆ

ಹರಸು = ಶುಭಕೋರು, ಹಾರೈಸು

ಭಾಷಾ ಚಟುವಟಿಕೆ ಒಕ್ಕಿ = ಒಕ್ಕಣೆ ಮಾಡಿ, ತೆನೆಯಿಂದ ಕಾಳನ್ನು ಬೇರ್ಪಡಿಸಿ

ಕೆನ್ನ = ಕೆಂಪು

2) ತತ್ಸಮ ತದ್ಭವ ಬರೆಯಿರಿ.

ಹಕ್ಕಿ - ಪಕ್ಷಿ,  ಬ್ರಹ್ಮ - ಬೊಮ್ಮ,   ಚಂದ್ರ - ಚಂದಿರ

3) ಸಂಧಿ ವಿಂಗಡಿಸಿ, ಹೆಸರಿಸಿ.

ಇರುಳಳಿದು = ಇರುಳು + ಅಳಿದು - ಲೋಪಸಂಧಿ ತೆರೆದಿಕ್ಕುವ = ತೆರೆದು + ಇಕ್ಕುವ - ಲೋಪಸಂಧಿ

ಹೊಸಗಾಲ = ಹೊಸ + ಕಾಲ - ಆದೇಶ ಸಂಧಿ (ಗದಬಾದೇಶ)

ಅ] ಬಹುಆಯ್ಕೆ  ಪ್ರಶ್ನೆಗಳು;-

1. 'ಸೂರ್ಯ' ಇದರ ಸಮಾನಾರ್ಥಕ ಪದ :

ಅ) ಚಂದ್ರ              ಆ) ಆಕಾಶ      ಇ) ನೇಸರ     ಈ) ಭೂಮಿ

2. 'ಕೆನ್ನ' ಇದರ ಸಮಾನಾರ್ಥಕ ರೂಪ :

ಅ) ಚಿನ್ನ               ಆ) ಚೆನ್ನ          ಇ) ಹಳದಿ     ಈ) ಕೆಂಪು

3. 'ಹಕ್ಕಿ' ಇದರ ತತ್ಸಮ ರೂಪ :

ಅ) ಪ್ರಾಣಿ               ಆ) ಪಕ್ಷಿ         ಇ) ಗಿಳಿ              ಈ) ಪಂಜರ

4. 'ಹೊಸಗಾಲ' ಪದದಲ್ಲಿರುವ ಸಂಧಿ :

ಅ) ಲೋಪಸಂಧಿ     ಆ) ಆದೇಶಸಂಧಿ      ಇ) ಆಗಮಸಂಧಿ    ಈ) ಗುಣಸಂಧಿ

5. 'ತೆರೆದಿಕ್ಕುವ' ಪದದಲ್ಲಿರುವ ಸಂಧಿ :

ಅ) ಯಣ್ಸಂಧಿ        ಆ) ಗುಣಸಂಧಿ      ಇ) ಲೋಪಸಂಧಿ  ಈ) ಆದೇಶಸಂಧಿ

6. 'ಇರುಳಿರುಳಳಿದು' ಪದದಲ್ಲಿರುವ ವ್ಯಾಕರಣಾಂಶ :

ಅ) ಜೋಡಿಪದ              ಆ) ಅನುಕರಣಾವ್ಯಯ          ಇ) ದ್ವಿರುಕ್ತಿ            ಈ) ಸಮಾರ್ಥಕಪದ

7. ನಾಮಪದ ಕ್ರಿಯಾಪದಗಳಂತೆ ಲಿಂಗ, ವಚನ, ವಿಭಕ್ತಿಗಳಿಂದ ರೂಪ ಭೇದ ಹೊಂದದೆ ಏಕರೂಪವಾಗಿರುವ ಪದಗಳೇ

ಅ) ಕ್ರಿಯಾಪದಗಳು     ಆ) ಕೃದಂತಗಳು     ಇ) ದ್ವಿರುಕ್ತಿಗಳು           ಈ) ಅವ್ಯಯಗಳು

8. ' ಮೆಲ್ಲಗೆ ' ಇದು ಈ ಅವ್ಯಯ ಪದವಾಗಿದೆ :

ಅ) ಸಾಮಾನ್ಯ          ಆ) ಅನುಕರಣ       ಇ) ಭಾವಸೂಚಕ ಈ) ಸಂಬಂಧಾರ್ಥಕ

9. ಧಗಧಗ, ಕರಕರ, ರೊಯ್ಯನೆ , ದಡದಡ ಇವು ಈ ಅವ್ಯಯಕ್ಕೆ ಉದಾಹರಣೆಗಳು :

ಅ) ಭಾವಸೂಚಕ             ಆ) ಸಾಮಾನ್ಯ                ಇ) ಅನುಕರಣ   ಈ) ಸಂಬಂಧಾರ್ಥಕ

10. ಆಹಾ! ಅಯ್ಯೋ! ಓಹೋ! ಭಲರೆ! - ಇವು ಈ ಅವ್ಯಯಕ್ಕೆ ಉದಾಹರಣೆಗಳು :

ಅ) ಸಾಮಾನ್ಯ         ಆ) ಸಂಬಂಧಾರ್ಥಕ            ಇ) ಭಾವಸೂಚಕ ಈ) ಅನುಕರಣ

11. ಮುಗಿಲಿಗ ರೆಕ್ಕೆಗಳೊಡೆದವೊ ಅಣ್ಣಾ - ಇಲ್ಲಿರುವ ಅಲಂಕಾರ :

ಅ) ಉಪಮ          ಆ) ಉತ್ಪ್ರೇಕ್ಷೆ               ಇ) ರೂಪಕ       ಈ) ದೃಷ್ಟಾಂತ

12. 'ಸೂರ್ಯಚಂದ್ರರು' - ಇಲ್ಲಿರುವ ಸಮಾಸ :

ಅ) ತತ್ಪುರುಷಸಮಾಸ    ಆ) ದ್ವಂದ್ವಸಮಾಸ    ಇ) ದ್ವಿಗುಸಮಾಸ          ಈ) ಗಮಕಸಮಾಸ

ಉತ್ತರಗಳು :     1. ಇ) ನೇಸರ  2. ಈ) ಕೆಂಪು  3. ಆ) ಪಕ್ಷಿ 4. ಆ) ಆದೇಶಸಂಧಿ 5. ಇ)ಲೋಪಸಂಧಿ 6. ಇ) ದ್ವಿರುಕ್ತಿ 7. ಈ) ಅವ್ಯಯಗಳು  8. ಅ)ಸಾಮಾನ್ಯಾವ್ಯಯ  9. ಇ) ಅನುಕರಣಾವ್ಯಯ 10. ಇ) ಭಾವಸೂಚಕಾವ್ಯಯ 11. ಆ) ಉತ್ಪ್ರೇಕ್ಷೆ      12. ಆ) ದ್ವಂದ್ವಸಮಾಸ.

ಆ] ಮೊದಲೆರಡು ಪದಗಳಿಗಿರುವ ಸಂಬಂಧದಂತೆ ಮೂರನೆಯ ಪದಕ್ಕೆ ಸಂಬಂಧಿಸಿದ ಪದವನ್ನು ಬರೆಯಿರಿ.

1. ಧಗಧಗ     : ಅನುಕರಣಾವ್ಯಯ   : : ನೆರೆಹೊರೆ  :     

2. ಗಡ       : ಸಣ್ಣಕೋಟೆ        : : ಎವೆ      :    

3. ಹೊಸಗಾಲ  : ಆದೇಶ ಸಂಧಿ      : : ಮನ್ವಂತರ  :     

4. ಖಂಡಖಂಡ : ದ್ವಿರುಕ್ತಿ            : : ಸುತ್ತಮುತ್ತ :     

5. ಸಾಕು      : ಕ್ರಿಯಾರ್ಥಕ ಅವ್ಯಯ : : ಅವನೇ    : _    

6. ಅವನು     : ಏಕವಚನ         : : ಅವರು    :     

7. ರೆಕ್ಕೆಯ      : ಷಷ್ಟಿವಿಭಕ್ತಿ        : : ಮಕ್ಕಳನ್ನು   :     

ಉತ್ತರಗಳು : 1) ಜೋಡಿಪದ    2) ಕಣ್ಣರೆಪ್ಪೆ 3) ಯಣ್ಸಂಧಿ  4) ಜೋಡಿಪದ  5) ಅವಧಾರಣಾರ್ಥಕಾವ್ಯಯ  6) ಬಹುವಚನ 7) ದ್ವಿತೀಯ ವಿಭಕ್ತಿ       

ಪದಗಳ ಅರ್ಥ :

 'ಹಕ್ಕಿ ಹಾರುತ್ತಿದ ನೋ ಡಿದಿ ರಾ' - ಪದ್ಯದ ವ್ಯಾಕರಣಾಂಶಗಳು :ನರೆ - ಬಿಳಿಬಣ್ಣ ,  ಹೊನ್ನ- ಹಳದಿ,  ಮಂಡಲ - ಭೂಮಂಡಲ , ಪುಚ್ಚ - ರೆಕ್ಕೆ,  ಪುಕ್ಕ. ಮನ್ವಂತರ -ಪರಿವರ್ತನೆಯ ಕಾಲ.    ಎವೆ - ಕಣ್ಣ ರೆಪ್ಪೆ

ಸಮಾನಾರ್ಥಕ ಪದಗಳು :

ಸೂರ್ಯ - ರವಿ, ಭಾನು, ಬಾಸ್ಕರ.   ಎದ - ಹೃದಯ,    ಮೇಘ - ಮೋಡ   ಗಡ - ಸಣ್ಣಕೋಟೆ. ಹರಸು - ಆಶೀರ್ವದಿಸು.   ಒಕ್ಕಿ - ತೆನೆಯಿಂದ ಕಸಕಡ್ಡಿ ಬೇರ್ಪಡಿಸು.    ಕೆನ್ನ  - ಕೆಂಪು

ತತ್ಸಮ -ತದ್ಭವಗಳು :

ಪಕ್ಷಿ(ನ್) - ಪಕ್ಕಿ/ಹಕ್ಕಿ,  ಬ್ರಹ್ಮ - ಬೊಮ್ಮ,  ಚಂದ್ರ - ಚಂದಿರ,  ವರ್ಣ - ಬಣ್ಣ, ಮಂಡಲ - ಮಂಡಳ, ಯುಗ - ಜುಗ,   ಕಾವ್ಯ - ಕಬ್ಬ,   ಧ್ವನಿ - ದನಿ,  ಮಾಲಾ - ಮಾಲೆ.

ಸಂಧಿ ಪದಗಳು :

1.    ಇರುಳಳಿದು    -  ಇರುಳು+ ಅಳಿದು    = ಲೋಪಸಂಧಿ ('ಉ'ಕಾರ ಲೋಪ)   

2.    ತೆರೆದಿಕ್ಕುವ    -  ತೆರೆದು+ ಇಕ್ಕುವ    = ಲೋಪಸಂಧಿ ('ಉ'ಕಾರ ಲೋಪ)   

3.    ಹೊಸಗಾಲ    -  ಹೊಸ+ ಕಾಲ    = ಆದೇಶಸಂಧಿ   

4.    ಗರಿಯುಂಟು    -  ಗರಿ +ಉಂಟು    = ಆಗಮಸಂಧಿ ('ಯ' ಕಾರಾಗಮ)   

5.    ಮನ್ವಂತರ    -  ಮನು +ಅಂತರ    =  ಯಣ್ ಸಂಧಿ   

6.    ಇರುಳಿರುಳು    - ಇರುಳು+ಇರುಳು    =  ಲೋಪಸಂಧಿ ('ಉ'ಕಾರ ಲೋಪ)   

ದ್ವಿರುಕ್ತಿಗಳು:  ದಿನದಿನ,   ಇರುಳಿರುಳು,   ಗಾವುದ ಗಾವುದ,   ಬಣ್ಣಬಣ್ಣ ,   ಯುಗಯುಗ

ವ್ಯಾಕರಣಾಂಶಗಳು  (ಅವ್ಯಯಗಳು)  :

*ಸಾಮಾನ್ಯಾವ್ಯಯಗಳು   :-  ಬೇಗನೆ,  ಮೆಲ್ಲಗೆ,  ಸೊಗಸಾಗಿ, ಸುಮ್ಮನೆ,  ತಟ್ಟನೆ, ತರುವಾಯ, ಹಾಗೆ, ಅಂತು,  ಬೇರೆ,  ಬಳಿಕ, ಕೂಡಲೆ,  ಚೆನ್ನಾಗಿ.

* ಅನುಕರಣಾವ್ಯಯ      :-    ಚಟಚಟ, ಕರಕರ,   ಚುರುಚುರು,  ಧಗಧಗ, ರೊಯ್ಯನೆ,    ಸುಯ್ಯನೆ,    ಘುಳುಘುಳು,    ದಡದಡ.       

* ಭಾವಸೂಚಕಾವ್ಯಯ     :-    ಆಹಾ!  ಭಳಿರೆ!   ಅಯ್ಯೋ!  ಹೋ,!   ಆಃ!,    ಓ!   

* ಕ್ರಿಯಾರ್ಥಕಾವ್ಯಯ      :-  ಅಹುದು,   ಸಾಕು,   ಅಲ್ಲ,   ಹೌದು,  ಬೇಡ, ಉಂಟು.

* ಸಂಬಂಧಾರ್ಥಕಾವ್ಯಯ   :-    ಮತ್ತು,    ಅಥವಾ,    ಆದ್ದರಿಂದ,    ಊ,ಊಂ,    ಅಲ್ಲದೆ.   

* ಅವಧಾರಣಾರ್ಥಕಾವ್ಯಯ :-    ಅವನೇ,    ಅದುವೇ,    ನೀನೇ,    ಅವಳೇ,    ಅವರೇ     

Monday, 11 January 2021

ಎಮ್ಮನುಡಿ

                                              

         ಎಮ್ಮನುಡಿ

ಎಮ್ಮನುಡಿಗೇಳ್ಕನ್ನಡದ ಆದಿಮಹಾಕವಿ ಪಂಪನುಕ್ರಿ. ಶ. ಸುಮಾರು 941 ರಲ್ಲಿ ವೆಂಗಿಮಂಡಲದ ವೆಂಗಿಪಳು ಎಂಬ ಅಗ್ರಹಾರದಲ್ಲಿ ಜನಿಸಿದನು. ಪಂಪನು 'ವಿಕ್ರಮಾರ್ಜುನ ವಿಜಯ ಮತ್ತು ಆದಿ ಪುರಾಣ' ಎಂಬ ಮಹಾಕಾವ್ಯಗಳನ್ನು ರಚಿಸಿದ್ದಾನೆ. ಈತನಿಗೆ ಸರಸ್ವತೀ ಮಣಿಹಾರ, ಸಂಸಾರ ಸಾರೋದಯ, ಕವಿತಾ ಗುಣಾರ್ಣವ ಎಂಬ ಬಿರುದುಗಳು ಇದ್ದವು.

ಅ] ಒಂದು ವಾಕ್ಯದಲ್ಲಿ ಉತ್ತರಿಸಿ.

1. ಭೀಮನಿಗ ಪವನನಂದನನೆಂದು ಹೆಸರು ಬರಲು ಕಾರಣವೇನು?

ಪವನನ (ವಾಯುವಿನ) ವರಬಲದಿಂದ ಕುಂತಿಯಲ್ಲಿ ಜನಿಸಿದ್ದರಿಂದ ಭೀಮನಿಗೆ ಪವನನಂದನ ಎಂದು ಹೆಸರು ಬಂದಿತು.

2. ಘಟ ಸಂಭೂತ ಯಾರು?

ಘಟ ಸಂಭೂತ ಎಂದರೆ ದ್ರೋಣಾಚಾರ್ಯ.

3. ಗಾಂಡೀವಿ ಎಂದು ಅರ್ಜುನನ್ನು ಏಕ ಕರೆಯುತ್ತಾರೆ?

ಗಾಂಡೀವ ಎಂಬ ಬಿಲ್ಲನ್ನು ಹೊಂದಿರುವುದರಿಂದ ಅರ್ಜುನನ್ನು ಗಾಂಡೀವಿ ಎಂದು ಕರೆಯುತ್ತಾರೆ.

4. ಪಂಪ ಭಾರತದ ಇನ್ನೊಂದು ಹೆಸರೇನು?

ಪಂಪ ಭಾರತದ ಇನ್ನೊಂದು ಹೆಸರು 'ವಿಕ್ರಮಾರ್ಜುನ ವಿಜಯ'.

ಅ] ಎರಡು/ಮೂರು ವಾಕ್ಯಗಳಲ್ಲಿ ಉತ್ತರಿಸಿ.

1. ಸಂಧಿಯೇ ಉಚಿತವೆಂದು ಧೃತರಾಷ್ಟ್ರನು ಹೇಗ ಸಮರ್ಥಿಸಿದನು?

ಧೃತರಾಷ್ಟ್ರನು ದುರ್ಯೋಧನನನ್ನು ಕುರಿತು ನನಗೂ ಪಾಂಡುವಿಗೂ ವ್ಯತ್ಯಾಸವಿಲ್ಲ (ಭೇದವಿಲ್ಲ); ರಾಜ್ಯವನ್ನು ವಿಭಾಗ ಮಾಡಿ ಆಳೋಣ. ಆ ಪಾಂಡುವಿನ ಮಕ್ಕಳೂ ನಿನ್ನಲ್ಲಿ ಸರಿಯಾಗಿ ಹೊಂದಿಕೊಳ್ಳುವವರೇ; ಈ ಯುದ್ಧವು ನಿನ್ನಿಂದ ಆಯಿತು ಎಂದರೆ ನೀನು ಕೋಪಗೊಳ್ಳುತ್ತೀಯೇ; ಭೀಷ್ಮನಿಗೆೆ, ದ್ರೋಣನಿಗೆ, ಕರ್ಣನಿಗೆ ಗೆಲ್ಲಲು ಅಸಾಧ್ಯನಾದ ಆ ಅರ್ಜುನನ ಎದುರು ಯುದ್ಧ ಮಾಡುವವರು ಇನ್ನು ಯಾರು? ಸಂಧಿಯನ್ನು ಮಾಡೋಣ ಎಂದು ಹೇಳಿ ಸಂಧಿಯೇ ಉಚಿತವೆಂದು ಧೃತರಾಷ್ಟ್ರನು ಸಮರ್ಥಿಸಿದನು.

2. ದುರ್ಯೋಧನನಿಗೆ ಗಾಂಧಾರಿ ನೀಡಿದ ಉಪದೇಶವೇನು?

ಗಾಂಧಾರಿಯು ದುರ್ಯೋಧನನನ್ನು ಕುರಿತು ಕುರುವಂಶವೆಂಬ ತೋಟವು ಭೀಮನೆಂಬ ಮದದಿಂದ ಕುರುಡಾಗಿ ಸೊಕ್ಕೇರಿದ ಆನೆಯು ಕೋಪಿಸಿ ನುಗ್ಗಲು ಧ್ವಂಸವಾದಂತೆ ಆಯಿತು; ಪುಣ್ಯದಿಂದ ಒಂದು ದೊಡ್ಡ ಮರವು ಉಳಿಯುವಂತೆ ನೀನು ಉಳಿದೆ; ಇನ್ನು ಯುದ್ಧ ಮಾಡುವಂಥವರೂ ಇಲ್ಲ; ಮಗನೇ, ಮುದುಕರೂ ಕುರುಡರೂ ಎಂದು ಕಡೆಗಣಿಸದೆ ನಮ್ಮ ಮಾತನ್ನು ಕೇಳು, ಆಲೋಚಿಸು, ತಂದೆಯ ಮಾತಿಗೆ ಒಪ್ಪಿಗೆ ಕೊಡು ಎಂದು ಹೇಳುತ್ತಾಳೆ.

1. ಧೃತರಾಷ್ಟ್ರನು ಸಂದಿ ಮಾಡಿಕೊ ಎಂದು ದುರ್ಯೋಧನನಿಗೆ ಹೇಳಲು ಕಾರಣವೇನು?

ಧೃತರಾಷ್ಟ್ರನು ದುರ್ಯೋಧನನನ್ನು ಕುರಿತು ಮಗನೇ, ನನಗೂ ಪಾಂಡುವಿಗೂ ವ್ಯತ್ಯಾಸವಿಲ್ಲ (ಭೇದವಿಲ್ಲ); ರಾಜ್ಯವನ್ನು ವಿಭಾಗ ಮಾಡಿ ಆಳೋಣ. ಆ ಪಾಂಡುವಿನ ಮಕ್ಕಳೂ ನಿನ್ನಲ್ಲಿ ಸರಿಯಾಗಿ ಹೊಂದಿಕೊಳ್ಳುವವರೇ; ಈ ಯುದ್ಧವು ನಿನ್ನಿಂದ ಆಯಿತು ಎಂದರೆ ಇನ್ನು ಕೋಪಗೊಳ್ಳುತ್ತೀಯೇ; ಭೀಷ್ಮನಿಗೆ, ದ್ರೋಣನಿಗೆ, ಕರ್ಣನಿಗೆ ಗೆಲ್ಲಲು ಅಸಾಧ್ಯನಾದ ಆ ಅರ್ಜುನನಿಗೆದುರಾಗಿ ಯುದ್ಧ ಮಾಡುವವರು ಇನ್ನು ಯಾರಿದ್ದಾರೆ? ಸಂಧಿಯನ್ನು ಮಾಡೋಣ. ಹಗೆತನಕ್ಕ್ಕೆ ಒಂದು ಸ್ಥಳ; ಸ್ನೇಹಕ್ಕ್ಕೆ ಒಂದು ಸ್ಥಳ ಎಂದು ಇದೆಯೇ? ಆಲೋಚನೆ ಮಾಡು. 'ರಾಜರುಗಳಿಗೆ ಹಗೆತನವೂ ಸ್ನೇಹವೂ ಮಾಡಿದ ಕಾರ್ಯದಿಂದ ಉಂಟಾಗುತ್ತವೆ' ಎಂದು ಪ್ರಸಿದ್ಧವಾದ ಅರ್ಥಶಾಸ್ತ್ರದಲ್ಲಿ ಹೇಳಿಲ್ಲವೇ? ಮಿತ್ರರನ್ನೂ ಶತ್ರುಗಳನ್ನೂ ಉಂಟುಮಾಡುವ ಕಾರ್ಯವನ್ನು ಏಕೆ ಮಾಡುತ್ತೀಯೇ? ಮಗನೇ, ನಮಗೆ ನೀನೊಬ್ಬನಿದ್ದರೆ ಸಾಕು ಎಲ್ಲರೂ ಇದ್ದಂತೆಯೇ. ಇತರ ಮಕ್ಕಳು ಮಡಿದರೆಂದು ಮನದಲ್ಲಿ ದುಃಖವೇನೂ ಇಲ್ಲ. ಅದು ಹೇಗೆಂದರೆ ಹಗಲಿನಲ್ಲಿ ಸೂರ್ಯನೊಬ್ಬನಿದ್ದರೆ ಸಾಲದೆ; ಎಷ್ಟು ದೀಪಗಳು ಉರಿದರೇನು? ಆರಿ ಹೋದರೇನು? ದೀಪಗಳು ಸೂರ್ಯನಿಗಿಂತ ಮಿಗಿಲಾದ ಬೆಳಕು ನೀಡಬಲ್ಲವೇ? ಅದಲ್ಲದೆಯೂ ಪಾಂಡವರಾದರೆ ನನಗೆ ಪಾಂಡುರಾಜನಿಗೆ ಮಾಡಿದುದನ್ನೇ ಮಾಡುವರು. (ಹೇಳಿದಂತೆ ಕೇಳುವರು). ಹೇಳಿದ ಮಾತನ್ನು ಮೀರುವವರಲ್ಲ. ಅವರನ್ನು ನಾನು ಹೇಗಾದರೂ ಒಪ್ಪಿಸಿ, ನೀನು ಹೇಳಿದುದ್ದನ್ನು ಹೇಳಿಸುವೆನು. ಅದಕ್ಕೆ ಪ್ರತಿಭಟಿಸದೆ ಒಪ್ಪಿಕೋ, ನಿನ್ನನ್ನು ಕೈಯೊಡ್ಡಿ ಬೇಡುವೆನು ಎಂದು ಹೇಳುತ್ತಾನೆ.

2. ದುರ್ಯೋಧನನ ತಂದೆತಾಯಿಯರು ಅವನನ್ನು ಸಂಧಿಗಾಗಿ ಪ್ರಾರ್ಥಿಸಿದ ರೀತಿಯನ್ನು ವಿವರಿಸಿ.

ಧೃತರಾಷ್ಟ್ರನು ದುರ್ಯೋಧನನನ್ನು ಕುರಿತು ಮಗನೇ, ನನಗೂ ಪಾಂಡುವಿಗೂ ವ್ಯತ್ಯಾಸವಿಲ್ಲ (ಭೇದವಿಲ್ಲ); ರಾಜ್ಯವನ್ನು ವಿಭಾಗ ಮಾಡಿ ಆಳೋಣ.ಆ ಪಾಂಡುವಿನ ಮಕ್ಕಳೂ ನಿನ್ನಲ್ಲಿ ಸರಿಯಾಗಿ ಹೊಂದಿಕೊಳ್ಳುವವರೇ; ಈ ಯುದ್ಧವು ನಿನ್ನಿಂದ ಆಯಿತು ಎಂದರೆ ಇನ್ನು ಕೋಪಗೊಳ್ಳುತ್ತೀಯೇ; ಬಿಣಂಷಂಚಿ.ಗೆ, ದ್ರೋಣನಿಗೆ, ಕರ್ಣನಿಗೆ ಗೆಲ್ಲಲು ಅಸಾಧ್ಯನಾದ ಆ ಅರ್ಜುನನಲ್ಲಿ ಕೋಪಿಸಿ ಯುದ್ಧ ಮಾಡುವವರು ಇನ್ನು ಯಾರು? ಸಂಧಿಯನ್ನು ಮಾಡೋಣ. ಮಗನೇ, ನಮಗೆ ನೀನೊಬ್ಬನಿದ್ದರೆ ಸಾಕು ಎಲ್ಲರೂ ಇದ್ದಂತೆಯೇ. ಇತರ ಮಕ್ಕಳು ಮಡಿದರೆಂದು ಮನದಲ್ಲಿ ದುಃಖವೇನೂ ಇಲ್ಲ. ಅದು ಹೇಗೆಂದರೆ ಹಗಲಿನಲ್ಲಿ ಸೂರ್ಯನೊಬ್ಬನಿದ್ದರೆ ಸಾಲದೆ; ಎಷ್ಟು ದೀಪಗಳು ಉರಿದರೇನು? ಆರಿ ಹೋದರೇನು? ಪ್ರತಿಭಟಿಸದೆ ಸಂಧಿಗೆ ಒಪ್ಪಿಕೋ, ನಿನ್ನನ್ನು ಕೈಯೊಡ್ಡಿ ಬೇಡುವೆನು ಎಂದು ಹೇಳುತ್ತಾನೆ.ಧೃತರಾಷ್ಟ್ರನು  ಆ ಮಾತಿಗೆ ಬೆಂಬಲವಾಗಿ ಗಾಂಧಾರಿಯು ದುರ್ಯೋಧನನ್ನು ಕುರಿತು ಕುರುವಂಶವೆಂಬ ತೋಟವು ಭೀಮನೆಂಬ ಮದದಿಂದ ಕುರುಡಾಗಿ ಸೊಕ್ಕೇರಿದ ಆನೆಯು ಕೋಪಿಸಿ ನುಗ್ಗಲು ಧ್ವಂಸವಾದಂತೆ ಆಯಿತು; ಪುಣ್ಯದಿಂದ ಒಂದು ದೊಡ್ಡ ಮರವು ಉಳಿಯುವಂತೆ ನೀನು ಉಳಿದೆ; ಇನ್ನು ಯುದ್ಧ ಮಾಡುವಂಥವರೂ ಇಲ್ಲ; ಮಗನೇ, ಮುದುಕರೂ ಕುರುಡರೂ ಎಂದು ಭಾವಿಸದೆ ನಮ್ಮ ಮಾತನ್ನು ಕೇಳು, ಆಲೋಚಿಸು, ತಂದೆಯ ಮಾತಿಗೆ ಒಪ್ಪಿಗೆ ಕೊಡು ಎಂದು ಹೇಳುತ್ತಾಳೆ. ಹೀಗೆ ದುರ್ಯೋಧನನ ತಂದೆತಾಯಿಯರು ನನ್ನು ಸಂಧಿಗಾಗಿ ಪ್ರಾರ್ಥಿಸಿದರು.

ಈ] ಸಂದರ್ಭ ಸಹಿತ ಸ್ವಾರಸ್ಯ ವಿವರಿಸಿ.

1. ಎನಗಂ ಪಾಂಡುಗಮಿಲ್ಲ ಭೇದಂ

ಆಯ್ಕೆ:- ಈ ವಾಕ್ಯವನ್ನು ಆದಿ ಮಹಾಕವಿ ಪಂಪನು ರಚಿಸಿರುವ 'ವಿಕ್ರಮಾರ್ಜುನ ವಿಜಯ' ಕೃತಿಯಿಂದ ಆಯ್ದ 'ಎಮ್ಮನುಡಿಗೇಳ್' ಎಂಬ ಪದ್ಯಭಾಗದಿಂದ ಆರಿಸಲಾಗಿದೆ.

ಸಂದರ್ಭ:- ದುರ್ಯೋಧನನು ತನ್ನ ಬಳಿಗೆ ಬಂದ ಮಾತಾಪಿತೃಗಳಿಗೆ (ಧೃತರಾಷ್ಟ್ರ ಮತ್ತು ಗಾಂಧಾರಿಗೆ) ವಿನಯದಿಂದ ನಮಸ್ಕರಿಸಿ ತಲೆಬಾಗಿದ ಸಂದರ್ಭದಲ್ಲಿ ದುರ್ಯೋಧನನಿಗೆ ಧೃತರಾಷ್ಟ್ರನು ಈ ಮಾತನ್ನು ಹೇಳುತ್ತಾನೆ.

ಸ್ವಾರಸ್ಯ:- ಧೃತರಾಷ್ಟ್ರನು ದುರ್ಯೋಧನನ್ನು ಕುರಿತು ನನಗೂ ಪಾಂಡುವಿಗೂ ವ್ಯತ್ಯಾಸವಿಲ್ಲ (ಭೇದವಿಲ್ಲ); ರಾಜ್ಯವನ್ನು ವಿಭಾಗ ಮಾಡಿ ಆಳೋಣ. ಸಂಧಿಯನ್ನು ಮಾಡೋಣ ಎಂದು ಸ್ವಾರಸ್ಯಪೂರ್ಣವಾಗಿ ಹೇಳುತ್ತಾನೆ.

2. ಈ ಕಲಹಮುಂ ನಿನ್ನಿಂದಮಾಯ್ತೆಂದೊಡಿಂ ಮುನಿವೈ

ಸಂದರ್ಭ:- ದುರ್ಯೋಧನನು ತನ್ನ ಬಳಿಗೆ ಬಂದ ಮಾತಾಪಿತೃಗಳಿಗೆ (ಧೃತರಾಷ್ಟ್ರ ಮತ್ತು ಗಾಂಧಾರಿ) ವಿನಯದಿಂದ ನಮಸ್ಕರಿಸಿ ತಲೆಬಾಗಿದ ಸಂದರ್ಭದಲ್ಲಿ ದುರ್ಯೋಧನನಿಗೆ ಧೃತರಾಷ್ಟ್ರನು ಈ ಮಾತನ್ನು ಹೇಳುತ್ತಾನೆ.

ಸ್ವಾರಸ್ಯ:- ಧೃತರಾಷ್ಟ್ರನು ದುರ್ಯೋಧನನ್ನು ಕುರಿತು ರಾಜ್ಯವನ್ನು ವಿಭಾಗ ಮಾಡಿ ಆಳೋಣ. ಆ ಪಾಂಡುವಿನ ಮಕ್ಕಳೂ ನಿನ್ನಲ್ಲಿ ಸರಿಯಾಗಿ ಹೊಂದಿಕೊಳ್ಳುವವರೇ; ಈ  ಯುದ್ಧವು ನಿನ್ನಿಂದ ಆಯಿತು ಎಂದರೆ ಇನ್ನು ಕೋಪಗೊಳ್ಳುತ್ತೀಯೆ ಎಂದು ಸ್ವಾರಸ್ಯಪೂರ್ಣವಾಗಿ ಹೇಳುತ್ತಾನೆ.

3. ಪಗೆಗೆ ಕಣಿಯೊಂದುಂಟೇ

ಸಂದರ್ಭ:- ಧೃತರಾಷ್ಟ್ರನು ದುರ್ಯೋಧನನಿಗೆ ಪಾಂಡವರೊಡನೆ ಸಂಧಿ ಮಾಡಿಕೊಳ್ಳೋಣ ಯುದ್ಧ ಮಾಡುವುದು ಬೇಡ ಎಂದು ಬುದ್ಧಿವಾದವನ್ನು ಹೇಳುವ ಸಂದರ್ಭದಲ್ಲಿ ಈ ಮಾತನ್ನು ಹೇಳುತ್ತಾನೆ.

ಸ್ವಾರಸ್ಯ :- ಧೃತರಾಷ್ಟ್ರನು ದುರ್ಯೋಧನನ್ನು ಕುರಿತು ಮಗನೇ, ದ್ವೇಷಕ್ಕೆ ಒಂದು ಸ್ಥಳ; ಸ್ನೇಹಕ್ಕೆ ಒಂದು ಸ್ಥಳ ಎಂದು ಇದೆಯೇ? ಆಲೋಚನೆ ಮಾಡು ಎಂದು ಸ್ವಾರಸ್ಯಪೂರ್ಣವಾಗಿ ಹೇಳುತ್ತಾನೆ.

4. ಪಗೆಯುಂ ನಣ್ಪುಂ ಕಯ್ಕೊಂಡ ಕಜ್ಜದಿನಲ್ತೆ

ಸಂದರ್ಭ :- ಧೃತರಾಷ್ಟ್ರನು ದುರ್ಯೋಧನನಿಗೆ ಪಾಂಡವರೊಡನೆ ಸಂಧಿ ಮಾಡಿಕೊಳ್ಳೋಣ ಯುದ್ಧ ಮಾಡುವುದು ಬೇಡ ಎಂದು ಬುದ್ಧಿವಾದವನ್ನು ಹೇಳುವ ಸಂದರ್ಭದಲ್ಲಿ ಈ ಮಾತನ್ನು ಹೇಳುತ್ತಾನೆ.

ಸ್ವಾರಸ್ಯ :- ಧೃತರಾಷ್ಟ್ರನು ದುರ್ಯೋಧನನ್ನು ಕುರಿತು ರಾಜರುಗಳಿಗೆ ಹಗೆತನವೂ ಬಾಂಧವ್ಯವೂ ಮಾಡಿದ ಕಾರ್ಯದಿಂದ ಉಂಟಾಗುತ್ತವೆ ಎಂದು ಪ್ರಸಿ ದ್ಧವಾದ ತಿಶಾಸ್ತ್ರದಲ್ಲಿ ಹೇಳಿಲ್ಲವೇ? ಎಂದು ಸ್ವಾರಸ್ಯಪೂರ್ಣವಾಗಿ ಹೇಳುತ್ತಾನೆ.

5. ಪಗಲೆನಿತಾನುಂ ದೀವಿಗೆಗಳುರಿದೊಡೇಮ್.

ಸಂದರ್ಭ :- ಧೃತರಾಷ್ಟ್ರನು ದುರ್ಯೋಧನನಿಗೆ ಪಾಂಡವರೊಡನೆ ಸಂಧಿ ಮಾಡಿಕೊಳ್ಳೋಣ ಯುದ್ಧ ಮಾಡುವುದು ಬೇಡ ಎಂದು ಬುದ್ಧಿವಾದವನ್ನು ಹೇಳುವ ಸಂದರ್ಭದಲ್ಲಿ ಈ ಮಾತನ್ನು ಹೇಳುತ್ತಾನೆ.

ಸ್ವಾರಸ್ಯ :- ಧೃತರಾಷ್ಟ್ರನು ದುರ್ಯೋಧನನನ್ನು ಕುರಿತು ಮಗನೇ, ನಮಗೆ ನೀನೊಬ್ಬನಿದ್ದರೆ ಸಾಕು ಎಲ್ಲರೂ ಇದ್ದಂತೆಯೇ. ಇತರ ಮಕ್ಕಳು ಮಡಿದರೆಂದು ಮನದಲ್ಲಿ ದುಃಖವೇನೂ ಇಲ್ಲ. ಅದು ಹೇಗೆಂದರೆ ಹಗಲಿನಲ್ಲಿ ಸೂರ್ಯನೊಬ್ಬನಿದ್ದರೆ ಸಾಲದೆ; ಎಷ್ಟು ದೀಪಗಳು ಉರಿದರೇನು? ಆರಿ ಹೋದರೇನು? ದೀಪಗಳು ಸೂರ್ಯನಿಗಿಂತ ಮಿಗಿಲಾದ ಬೆಳಕು ನೀಡಬಲ್ಲವೇ ಎಂದು ಸ್ವಾರಸ್ಯಪೂರ್ಣವಾಗಿ ಹೇಳುತ್ತಾನೆ.

6. ಪೆರ್ಮರನುಳಿವಂತೆ ನೀನುಳಿದೆ

ಸಂದರ್ಭ :- ಧೃತರಾಷ್ಟ್ರನು ದುರ್ಯೋಧನನಿಗೆ ಪಾಂಡವರೊಡನೆ ಸಂಧಿ ಮಾಡಿಕೊಳ್ಳೋಣ ಯುದ್ಧ ಮಾಡುವುದು ಬೇಡ

ಎಂದು ಬುದ್ಧಿವಾದವನ್ನು ಹೇಳುವ ಸಂದರ್ಭದಲ್ಲಿ ಧೃತರಾಷ್ಟ್ರನ ಆ ಮಾತಿಗೆ ಬೆಂಬಲವಾಗಿ ಗಾಂಧಾರಿಯು ಈ ಮಾತನ್ನು ಹೇಳುತ್ತಾಳೆ.

ಸ್ವಾರಸ್ಯ :- ಗಾಂಧಾರಿಯು ದುರ್ಯೋಧನನ್ನು ಕುರಿತು ಕುರುವಂಶವೆಂಬ ತೋಟವು ಭೀಮನೆಂಬ ಮದದಿಂದ ಕುರುಡಾಗಿ ಸೊಕ್ಕೇರಿದ ಆನೆಯು, ಕೋಪಿಸಿ ನುಗ್ಗಲು ಧ್ವಂಸವಾದಂತೆ ಆಯಿತು; ಪುಣ್ಯದಿಂದ ಒಂದು ದೊಡ್ಡ ಮರವು ಉಳಿಯುವಂತೆ ನೀನು ಉಳಿದೆ ಎಂದು ಸ್ವಾರಸ್ಯಪೂರ್ಣವಾಗಿ ಹೇಳುತ್ತಾಳೆ.

3. ವಿಗ್ರಹಿಸಿ ಸಮಾಸದ ಹೆಸರು ತಿಳಿಸಿ.

ಪೆರ್ಮಗ = ಪಿರಿಯವನು + ಮಗ - ಕರ್ಮಧಾರಯ ಸಮಾಸ

ಘಟಸಂಭೂತ = ಘಟದಲ್ಲಿ ಸಂಭವಿಸಿದವನು ಯಾರೋ ಅವನು (ದ್ರೋಣಾಚಾರ್ಯ) - ಬಹುವ್ರೀಹಿ ಸಮಾಸ

ಗಾಂಡಿವಿ = ಗಾಂಡೀವ ಎಂಬ ಬಿಲ್ಲನ್ನು ಹೊಂದಿರುವವನು ಯಾರೋ ಅವನು (ಅರ್ಜುನ) - ಬಹುವ್ರೀಹಿ ಸಮಾಸ

ಪವನನಂದನ = ಪವನನ ನಂದನನು ಯಾರೋ ಅವನು (ಭೀಮ) - ಬಹುವ್ರೀಹಿ ಸಮಾಸ

ಮದಾಂಧ = ಮದದಿಂದ ಅಂಧನಾದವನು ಯಾರೋ ಅವನು - ಬಹುವ್ರೀಹಿ ಸಮಾಸ

ಪೆರ್ಮರ = ಪಿರಿದು + ಮರ - ಕರ್ಮಧಾರಯ ಸಮಾಸ

|] ಕೊಟ್ಟಿರುವ ನಾಲ್ಕು ಉತ್ತರಗಳಲ್ಲಿ ಸರಿಯಾದ ಉತ್ತರ ಆರಿಸಿ ಬರೆಯಿರಿ.

1. ' ಪವನ ನಂದನ ' - ಈ ಪದವು ಈ ನಾಮಪದಕ್ಕೆ ಉದಾಹರಣೆಯಾಗಿದೆ.

ಎ) ರೂಢನಾಮ   ಬಿ) ಅಂಕಿತನಾಮ  ಸಿ) ಭಾವನಾಮ  ಡಿ) ಅನ್ವರ್ಥಕ ನಾಮ

2. 'ಕಾರ್ಯ ' ಎಂಬ ಪದವು ಈ ವ್ಯಾಕರಣಾಂಶಕ್ಕೆ ಸೇರುತ್ತದೆ.

ಎ) ತತ್ಸಮ ಬಿ) ತದ್ಭವ  ಸಿ) ಸಜಾತಿಯ ಒತ್ತಕ್ಷರ ಡಿ) ದ್ವಿರುಕ್ತಿ

3. 'ಪೆರ್ಮಗ' ಎಂಬುದು ಈ ಸಮಾಸಕ್ಕೆ ಉದಾಹರಣೆಯಾಗಿದೆ.

ಎ) ಕರ್ಮಧಾರೆಯಸಮಾಸ  ಬಿ) ದ್ವಿಗುಸಮಾಸ  ಸಿ) ಬಹುವ್ರೀಹಿಸಮಾಸ ಡಿ) ಕ್ರಿಯಾಸಮಾಸ

4. 'ಮದಾಂಧ- ಇಲ್ಲಿರುವ ಸಂಧಿ

ಎ) ಸವರ್ಣದೀರ್ಘಸಂಧಿ ಬಿ) ಗುಣಸಂಧಿ ಸಿ)ವೃದ್ಧಿಸಂಧಿ  ಡಿ) ಯಣ್ಸಂಧಿ   5. 'ಭೇದಮ್'

ಪದದಲ್ಲಿರುವ ವಿಭಕ್ತಿ ಪ್ರತ್ಯಯ

ಎ) ಪ್ರಥಮ   ಬಿ) ದ್ವಿತೀಯ  ಸಿ) ತೃತೀಯ  ಡಿ) ಸಪ್ತಮಿ

6. 'ಗಾಂಡಿವಿಯೊಳ್ ' - ಪದದ ಹೊಸಗನ್ನಡ ರೂಪ

ಎ) ಗಾಂಡೀವಿಯಲ್ಲಿ    ಬಿ) ಗಾಂಡೀವಿಯ    ಸಿ) ಗಾಂಡೀವಿಗೆ    ಡಿ) ಗಾಂಡೀವಿಯಿಂದ   

7. ಖ್ಯಾತ ಕರ್ನಾಟಕಗಳ ಸಂಖ್ಯೆ               

ಎ) 6    ಬಿ) 8    ಸಿ) 7    ಡಿ) 5   

8. 'ಘಟ' ಪದದ ಅರ್ಥ

ಎ) ಗಡಿಗೆ   ಬಿ) ಘಂಟೆ   ಸಿ) ಗೃಹ   ಡಿ) ಗಜ

9. ಗುರು ಲಘು ಮೊದಲ್ಲಿ ಬರಲು

ಎ) ಭ-ಯ ಗಣ   ಬಿ) ಜ-ರ ಗಣ ಸಿ) ಸ-ತ ಗಣ ಡಿ) ಮ-ನ ಗಣ

10. ಪ್ರಾಸಾಕ್ಷರದ ಹಿಂದಿನ ಅಕ್ಷರ ಹ್ರಸ್ವವಾಗಿದ್ದರೆ ಇದನ್ನು ಈ ಆದಿಪ್ರಾಸವೆನ್ನುವರು :

ಎ) ಗಜಪ್ರಾಸ   ಆ) ಹಯಪ್ರಾಸ  ಇ) ವೃಷಭಪ್ರಾಸ ಈ) ಸಿಂಹಪ್ರಾಸ

11. ಕಾವ್ಯವನ್ನು ಓದುವಾಗ ಅರ್ಥಕ್ಕೆ ಲೋಪ ಬಾರದಂತೆ ಉಸಿರು ನಿಲ್ಲಿಸುವುದಕ್ಕೆ :

ಎ) ಪ್ರಾಸ  ಬಿ) ಯತಿ   ಸಿ) ಗಣ  ಡಿ) ಅಲಂಕಾರ

12. ಪದ್ಯದ ಪ್ರತಿ ಸಾಲಿನ ಒಂದು ಮತ್ತು ಎರಡನೆ ಸ್ವರಗಳ ನಡುವೆ ಒಂದೇ ಜಾತಿಯ ವ್ಯಂಜನ ಬರುವುದು :

ಎ) ಒಳಪ್ರಾಸ   ಬಿ) ಮಧ್ಯಪ್ರಾಸ   ಸಿ) ಆದಿಪ್ರಾಸ  ಡಿ) ಮಧ್ಯಪ್ರಾಸ

13. ' ನಜಭಜಜಜರ ' ಗಣ ವಿನ್ಯಾಸ ವಿರುವ ವೃತ್ತ :

ಎ) ಮತ್ತೇಭವಿಕ್ರೀಡಿತ  ಬಿ) ಉತ್ಪಲಮಾಲೆ  ಸಿ) ಚಂಪಕಮಾಲೆ ಡಿ) ಸ್ರಗ್ದರೆ

14. ' ದೀವಿಗ ' ಪದದ ತದ್ಭವ ರೂಪ :

ಎ) ದೀಪ  ಬಿ) ಪಂಜು  ಸಿ) ದೀಪಿಕಾ  ಡಿ) ದೇವಿಗೆ

[ಉತ್ತರಗಳು : 1. ಅನ್ವರ್ಥನಾಮ  2. ತತ್ಸಮ  3. ಕರ್ಮಧಾರೆಯ 4. ಸವರ್ಣದೀರ್ಘ ಸಂಧಿ  5. ಪ್ರಥಮ 6. ಗಾಂಡೀವಿಯಲ್ಲಿ  7. 06 8. ಗಡಿಗೆ  9. ಭ-ಯ ಗಣ 10. ಸಿಂಹಪ್ರಾಸ 11. ಬಿ. ಯತಿ  12. ಆದಿಪ್ರಾಸ 13. ಚಂಪಕಮಾಲೆ  14. ದೀಪಿಕಾ]

 ಪೈ ಪಾರುಪತ್ಯಕ್ಕೆ ತೌ ತಂದ ತಹಬಂದಿ ....


                                        ಪೈ ಪಾರುಪತ್ಯಕ್ಕೆ ತೌ ತಂದ ತಹಬಂದಿ ......                                             

                                                                                                                            - ನಾಗೇಶ್ ಹೆಗಡೆ

ಮೊನ್ನೆ ಮಂಗಳವಾರ, ಜೂನ್ 28ರಂದು ಗಣಿತ ಲೋಕದಲ್ಲಿ ಪುಟ್ಟ ಸಂಚಲನ ಉಂಟಾಯಿತು. ಸಂಖ್ಯಾ ಸಾಮ್ರಾಜ್ಯದ ಅನಭಿಷಿಕ್ತ ದೊರೆ ಎಂದೇ ಪರಿಗಣಿತವಾಗಿದ್ದ ಪೈ(ಠಿ)ಯನ್ನು ಆ ಹುದ್ದೆಯಿಂದ ಕೆಳಕ್ಕಿಳಿಸಿ, ಅದರ ಬದಲಿಗೆ ತೌ (ಣ)ವನ್ನು ಪಟ್ಟಕ್ಕೇರಿಸಲು ಬ್ರಿಟನ್ನಿನ ಗಣಿತ ಪ್ರೇಮಿಗಳು ಟೊಂಕ ಕಟ್ಟಿದರು. ಜೂನ್ 28ನ್ನು ಪ್ರತಿವರ್ಷ ತೌ ದಿನವ್ನಾಗಿ ಆಚರಿಸಲು ನಿರ್ಧರಿಸಿದರು.

ನಮ್ಮ ಗ ಅಕ್ಷರವನ್ನು ಹೋಲುವ ಠಿ (ಪೈ) ಎಂಬ ದಿವ್ಯ ಸಂಖ್ಯೆಯ ಬಗ್ಗೆ ಹೈಸ್ಕೂಲಿನಲ್ಲಿ ಕಲಿತಿದ್ದನ್ನು ನೆನಪಿಸಿಕೊಳ್ಳಿ. ವೃತ್ತದ ಸುತ್ತಳತೆಗೂ ಅದರ ವ್ಯಾಸಕ್ಕೂ ಇರುವ ಅನುಪಾತಕ್ಕೆ ಪೈ ಎನ್ನುತ್ತಾರೆ. ವೃತ್ತದ ಸುತ್ತಳತೆ 22 ಸೆಂಟಿಮೀಟರ್ ಇದ್ದರೆ ಅದರ ವ್ಯಾಸ ಯಾವಾಗಲೂ 7 ಸೆಂಟಿಮೀಟರ್ ಇರುತ್ತದೆ. ಸೆಂಟಿಮೀಟರ್ ಬದಲು ಗೇಣು, ಅಂಗುಲ, ಬಿಲ್ಲಳತೆ, ಮಾರು, ಮೊಳ, ಯೋಜನ ಅಥವಾ ಮಿಮೀ ಹೀಗೇ ಏನೇ ಆಗಿದ್ದರೂ ಅದು 22 ಇದ್ದಾಗ ಇದು 7 ಆಗಿರುತ್ತದೆ. ಈಗ 22ನ್ನು 7 ರಿಂದ ಭಾಗಿಸಿದರೆ ಬರುವ ನಿಯತಾಂಕವೇ ಪೈ. ಅದರ ಮೌಲ್ಯ ಸುಮಾರಾಗಿ 3.14ಕ್ಕಿಂತ ಕೊಂಚ ಹೆಚ್ಚು. ಅದಕ್ಕೇ ಮಾಚರ್್ 14ರಂದು (3-14 ರಂದು) ಅನೇಕ ದೇಶಗಳಲ್ಲಿ ಶಾಲಾಮಕ್ಕಳು ಪೈ ದಿನ ಎಂದು ಆಚರಿಸುತ್ತಾರೆ. ಎರಡು ವರ್ಷಗಳ ಹಿಂದೆ ಅಮೆರಿಕಾದ ಸಂಸತ್ತು ಆ ದಿನವನ್ನು ಪೈ ದಿನ ಎಂದು ಅಧಿಕೃತವಾಗಿ ಘೋಷಿಸಿದೆ. ತಾರೀಖನ್ನು ಮೊದಲು ಬರೆಯುವ ಕೆಲವು ದೇಶಗಳಲ್ಲಿ ಜುಲೈ 22ರಂದು (22/7) ಪೈ ದಿನವನ್ನು ಆಚರಿಸುತ್ತಾರೆ.

ಪೈ ಸ್ವಾರಸ್ಯಗಳಿಗೆ ತುದಿ ಮೊದಲಿಲ್ಲ. ಒಂದು ನದಿ ತನ್ನ ಉಗಮ ಸ್ಥಾನದಿಂದ ಹಾವಿನಂತೆ ಹರಿಯುತ್ತ ಸಮುದ್ರಕ್ಕೆ ಸೇರುವ ದೂರ 220 ಕಿಲೋಮೀಟರ್ ಇದ್ದರೆ, ಆದರ್ಶ ಸ್ಥಿತಿಯಲ್ಲಿ ಅವರೆಡು ಉಗಮ- ಸಂಗಮ ಬಿಂದುಗಳ ನೇರ ದೂರ 70 ಕಿಲೋಮೀಟರ್ ಇದಲೇಬೇಕು. ಅದೇ ರೀತಿ 22 ಗೇಣುದ್ದ ಹಾವು ನುಣುಪು ನೆಲದ ಮೇಲೆ ಖ ಆಕಾರದಲ್ಲಿ ಸಾಗುತ್ತಿದ್ದರೆ ಅದರ ತಲೆ ಮತ್ತು ಬಾಲದ ನಡುವಣ ಅಂತರ 7 ಗೇಣುಗಳಷ್ಟಿರುತ್ತದೆ. ನಾಲ್ಕೂವರೆ ಸಾವಿರ ವರ್ಷಗಳ ಹಿಂದೆ ನಿರ್ಮಿತವಾದ ಈಜಿಪ್ಟಿನ ಪಿರಮಿಡ್ಗಳ ಸುತ್ತಳತೆ ಮತ್ತು ಎತ್ತರದ ಅನುಪಾತ 2ಪೈ ಇರುತ್ತದೆ. ಬ್ಯಾಬಿಲೋನಿನ ಮೃತ್ತಿಕೆಗಳಲ್ಲಿ ಪೈ ಬೆಲೆ 3.125 ಎಂದಿದ್ದರೆ ಸುಮಾರು ಮೂರು ವರ್ಷಗಳ ಹಿಂದೆ ವೇದಕಾಲದಲ್ಲಿ ರಚಿತವಾದ ಶತಪಥ ಬ್ರಾಹ್ಮಣದಲ್ಲಿ ಪೈ ಬೆಲೆ 3.139 ಎಂದು ನಮೂದಿತವಾಗಿದೆ. ಕ್ರಿಸ್ತಪೂರ್ವ 220ರ ಸುಮಾರಿಗೆ ಆರ್ಕಿಮಿಡೀಸ್ ಹಠತೊಟ್ಟು ಇದರ ನಿಖರವಾದ ಮೌಲ್ಯ 3.14185 ಎಂಬುದಾಗಿ ನಿರ್ಧರಿಸಿದ. ಈ ಸಂಖ್ಯೆ ಈಗಲೂ ಗಣಿತ ಪ್ರೇಮಿಗಳ ತಲೆ ತಿನ್ನುತ್ತಿದೆ. ಅಷ್ಟೇನೂ ಉತ್ಕಟ ಗಣಿತ ಪ್ರೇಮಿಗಳಲ್ಲದವರ ತಲೆಯನ್ನೂ ಇದು ತಿನ್ನುತ್ತಿದೆ.

ವೃತ್ತದ ಸುತ್ತಳತೆ 22 ಇದ್ದರೆ ಅದರ ವ್ಯಾಸ 7 ಇರುತ್ತದೆ ಎಂದು ನಾವು ಸ್ಥೂಲವಾಗಿ ಹೇಳುತ್ತೇವೆ. ಆದರೆ ಅದು ಹಾಗಲ್ಲ. ನಿಖರವಾಗಿ ಅಳೆಯಲು ಹೋದರೆ ತುಸು ಬೇರೆಯ ಚಿತ್ರಣ ಸಿಗುತ್ತದೆ. ಕರಾರುವಾಕ್ಕಾಗಿ 35 ಕಿಲೋಮೀಟರ್ ಉದ್ದದ ತ್ರಿಜ್ಯ (ಅರ್ಥಾತ್ 70 ಕಿಮೀ ವ್ಯಾಸ) ಇರುವ ಬಹುದೊಡ್ಡ ವೃತ್ತವನ್ನು ರಚಿಸಿದರೆ ಅದರ ಸುತ್ತಳತೆ 220 ಕಿಲೋಮೀಟರ್ಗಿಂತ ತುಸು ಜಾಸ್ತಿ ಇರುತ್ತದೆ. ಅಂದರೆ, 220 ಕಿಲೋಮೀಟರ್, 214 ಮೀಟರ್ 86 ಸೆಂಟಿಮೀಟರ್ ಆಗುತ್ತದೆ. ಅದೇ ರೀತಿ ಕರಾರುವಾಕ್ಕಾಗಿ 220 ಕಿಲೋಮೀಟರ್ ಸುತ್ತಳತೆ ಇರುವ ವೃತ್ತವನ್ನು ರಚಿಸಿದರೆ ಅದರ ವ್ಯಾಸ ನಿಖರವಾಗಿ 70 ಕಿ.ಮೀ ಇರುವುದಿಲ್ಲ. ತುಸು ಕಡಿಮೆ ಇರುತ್ತದೆ. ಅಂದ- ರೆ 69ಕಿ.ಮೀ. 931 ಮೀಟರ್, 70 ಸೆಂ.ಮೀ 4 ಮಿಲಿಮೀಟರ್ ಇರುತ್ತದೆ. ವೃತ್ತದ ಪರಿಧಿಯನ್ನು ಅಷ್ಟು ಖಚಿತವಾಗಿ ಅಳೆಯಲು ಸಾಧ್ಯವಿಲ್ಲದ ಕಾರಣ ಆರ್ಕಿಮಿಡೀಸ್, ಟಾಲೆಮಿ ಮುಂತಾದವರು ಗಣಿತ ಸೂತ್ರಗಳ ಮೂಲಕ ಒದ್ದಾಡಬೇಕಾಯಿತು. ಈಗಿನವರು ಕಂಪ್ಯೂಟರನ್ನು ಬಳಸುತ್ತಾರೆ.

ಪೈ ಒಂದು ಅಪರಿಮೇಯ ಸಂಖ್ಯೆ (ಇರ್ಯಾಶನಲ್ ನಂಬರ್) ಎನ್ನುತ್ತಾರೆ.ಅದುವಿಶ್ವಾತೀತ (ಟಾನ್ಸೆಂಡೆಂಟಲ್) ಸಂಖ್ಯೆಯೂ ಹೌದು. ಅಂದರೆ ದಶಮಾಂಶ ಪದ್ಧತಿಯಲ್ಲಿ ಅದನ್ನು 3.14159265........ ಬರೆಯಲು ಹೋದರೆ ಅದು ಎಂದೂ ಪೂರ್ಣವಾಗಲಾರದು. ಅದರ ತುದಿಯನ್ನು ಪತ್ತೆ ಮಾಡಿಯೇ ಮಾಡುತ್ತೇನೆ ಎಂದು ವರ್ಷಗಟ್ಟಲೆ ಲೆಕ್ಕಾಚಾರ ಮಾಡುತ್ತ ಹೋದವರಿದ್ದಾರೆ. ಈ ಅನಂತ ಅಂಕಿಮಾಲೆಯ ನಡುವೆ ಕೆಲವು ಅಂಕಿಗಳಾದರೂ (ಉದಾ  59265 ಅಥವಾ ಅದಕ್ಕಿಂತ ದೊಡ್ಡ ತುಣುಕು) ಪುನರಾವರ್ತನೆ ಆಗುತ್ತವೆಯೇ ಎಂದು ನೋಡಲು ಹಗಲು ರಾತ್ರಿ ಹೆಣಗಿ ಸೋತವರಿದ್ದಾರೆ. 762ನೇ ಸ್ಥಾನದ ನಂತರ ಹಠಾತ್ 999999 ಬಂದು ಮತ್ತೆ ಎರ್ರಾಬಿರ್ರಿ ಅಂಕಿಗಳ ಸರಮಾಲೆ ಬಂದಿದ್ದಕ್ಕೆ ಅಚ್ಚರಿಪಡುತ್ತ ಕೂತವರಿದ್ದಾರೆ.

ಪೈ ಮೌಲ್ಯವನ್ನು ಬಾಯಿಪಾಠ ಮಾಡಿ ಹೇಳಬಲ್ಲವರ ಪೈ-ಪೋಟಿ ಸದಾ ನಡೆಯುತ್ತಲೇ ಇದೆ. ನಾವು ಕಷ್ಟಪಟ್ಟು ಇಪ್ಪತ್ತೊ ಮೂವತ್ತೊ ನಂಬರುಗಳನ್ನು ನೆನಪಿನಲ್ಲಿ ಇಡಬಹುದು. ಸಾವಿರಾರು ಅಂಕಿಗಳನ್ನು ನೆನಪಿಡಬಲ್ಲವರಿದ್ದಾರೆ. ಚೀನಾದಲ್ಲೂ ಚಾವೊ ಎಂಬ 24 ವರ್ಷದ ಯುವಕನೊಬ್ಬ 67,890ನೇ ಸ್ಥಾನದವರೆಗೆ ಪೈ ಬೆಲೆಯನ್ನು ಹೇಳುತ್ತ ಹೋಗಿದ್ದು ಗಿನ್ನೆಸ್ ದಾಖಲೆಗೆ ಸೇರ್ಪಡೆಯಾಗಿದೆ. ಚೀನಾದ್ದೇ ನಿವೃತ್ತ ಎಂಜಿನಿಯರೊಬ್ಬ ತಾನು ಒಂದು ಲಕ್ಷ ಸ್ಥಾನದವರೆಗೆ ಬಾಯಿಪಾಠ ಮಾಡಿದ್ದೇನೆಂದು ಈಚೆಗೆ ಹೇಳಿದ್ದಾನೆ. ಅದಿನ್ನೂ ಅಧಿಕೃತ ದಾಖಲೆಗೆ ಸೇರಿಲ್ಲ.

ಪೈ ಅಂಕಿಗಳನ್ನು ನೆನಪಿನಲ್ಲಿ ಇಟ್ಟುಕೊಳ್ಳಲಿಕ್ಕೆ ನಾನಾ ಬಗೆಯ ಕವಿತೆಗಳು, ಪೈಯಮ್ಗಳು ಚಾಲ್ತಿಯಲ್ಲಿವೆ. ಇದಕ್ಕಿರುವ ಸೂತ್ರ ಏನೆಂದರೆ ಮೊದಲು 3 ಅಕ್ಷರಗಳ ಪದ, ನಂತರ 1 ಅಕ್ಷರದ್ದು, ಆ ಬಳಿಕ 4 ಅಕ್ಷರಗಳದ್ದು..... ಹೀಗೆ ಕವನ ಕಟ್ಟುತ್ತ ಹೋಗಬಹುದು. ಕನ್ನಡದಲ್ಲಿ ಬರೆಯುವುದಾದರೆ ಮಗನೆ ಆ ಹುಡುಗಿಯ ಕೈ ಹಿಡಿಯದಿರು; ಒಂದರಮೇಲಿನ್ನೊಂದರಂತೆ ಹೊಸ ತಾಪತ್ರಯಗಳ ಸರಮಾಲೆಗೆ ಸ್ವಾಗತ ಬಯಸದಿರು ಎಂದು ಮುಂತಾಗಿ ಪದ್ಯ ಬರೆಯಬಹುದು.

ಹೆಸರಾಂತ ಭೌತವಿಜ್ಞಾನಿ ಸರ್ ಜೇಮ್ಸ್ ಜೀನ್ಸ್ ಇದನ್ನು ಇನ್ನೂ ಸ್ವಾರಸ್ಯವಾಗಿ ಊಠತಿ ತಿಚಿಟಿಣ ಚಿ ಜಡಿಟಿಞ, ಚಿಟಛಿಠಠಟಛಿ ಠಜಿ ಛಿಠಣಡಿಜ, ಚಿಜಿಣಜಡಿ ಣಜ ಜಚಿತಥಿ ಟಜಛಿಣಣಡಿಜ ಟಿತಠಟತಟಿರ ಡಣಚಿಟಿಣಣಟ ಟಜಛಿಚಿಟಿ-ಛಿ ಎಂಬ ಮಾತುಗಳಲ್ಲಿ ಪೈ ಸೂತ್ರ ಹೆಣೆದಿದ್ದಾನೆ.

ಸಿಲಿಂಡರು, ಗೋಪುರ, ಕಂಬ, ಕಮಾನುಗಳನ್ನು ಕಟ್ಟುವ ವಿಜ್ಞಾನಿಗಳ ಹಾಗೂ ಎಂಜಿನಿಯರ್ಗಳ ಸದಾ ಸಂಗಾತಿಯಾಗಿರುವ ಪೈ ಅನೇಕ ಕವಿ, ಕಲಾವಿದರನ್ನೂ ದಾರ್ಶನಿಕರನ್ನೂ ತನ್ನತ್ತ ಸೆಳೆದಿದೆ. ನಿರಂತರವಾಗಿ ಅನಂತದೆಡೆಗೆ ಸಾಗುವ ಪೈ ಅಂಕಿಗಳ ಮಹಾಧಾರೆಯನ್ನು ನೊಬೆಲ್ ವಿಜೇತ ಪೊಲಿಶ್ ಕವಯತ್ರಿ ವಿಸ್ಲಾವಾ ಝಿಂಬೋಸ್ಕರ್ ಬಣ್ಣಿಸಿದ ರೀತಿ ಸೊಗಸಾಗಿದೆ; ಪುಟದ ಅಂಚಿನಿಂದ ಪುಟಿದು/ಮೇಜಿನಂಚಿನಿಂದ ಜಿಗಿದು / ನೆಲಕ್ಕಿಳಿದು, ಗೋಡೆಯೇರಿ / ಮರವನೇರಿ ಎಲೆಗಳಳೆದು / ಬಾನಾಡಿಗಳ ಗೂಡನಳೆದು / ಮೋಡಗಾಳಿ ನಭವನೇರಿ.... ಕೊನೆಗೆ ಉದ್ದ ಬಾಲದ ಧೂಮಕೇತು ಕೂಡ ಇದರ ಎದುರು ಮರಿ ಇಲಿಯಂತೆ ಕಾಣುತ್ತದಂತೆ. (ನಮ್ಮ ಎ.ಕೆ. ರಾಮಾನುಜನ್ ಬರೆದ ಇಂಚು ಹುಳದ ಕವನ ನೆನಪಿಗೆ ಬಂತೆ ?)

ಇಂಥ ತರಲೆ ತಮಾಷೆಗಳ ಸುರಂಗವೆನಿಸಿದ ಪೈ ಕುರಿತು ಪೈಫೈಲಾಲಜಿ ಎಂಬ ಶೋಧ ಶಾಖೆಯೇ ಇದೆ. ಪೈ ಕುರಿತು ಸಂಗೀತ, ಚಿತ್ರ, ಸಿನೆಮಾ ಕೂಡ  ತಯಾರಾಗಿದೆ. ಈ ಸಂಖ್ಯೆಗೆ ಪಾರಮಾಥರ್ಿಕ ಮಹತ್ವವನ್ನೂ ದೈವತ್ವವನ್ನೂ ನೀಡದವರಿದ್ದಾರೆ. ಯಾರೂ ಅದಕ್ಕೆ ದೇಗುಲವನ್ನು ಕಟ್ಟಿಲ್ಲ ಸದ್ಯ. ಆದರೆ ಅನ್ಯಜೀವಿಗಳು ನಮಗಾಗಿ ಸಂದೇಶವೊಂದನ್ನು ಪೈಯೊಳಗೆ ಪೋಣಿಸಿ ಕಳಿಸಿರಬಹುದೆಂದು ವಿಜ್ಞಾನ ಬರಹಗಾರ ಕಾರ್ಲ್ ಸೇಗನ್ ತನ್ನ ಕಾಸ್ಮೊಸ್ ಕಾದಂಬರಿಯಲ್ಲಿ ಸೂಚಿಸಿದ್ದಾನೆ.

ಪೈ ಎಷ್ಟುದ್ದ ಇದ್ದೀತು? 1949ರಲ್ಲಿ ಮೊದಲ ಈನ್ಯಾಕ್ ಕಂಪ್ಯೂಟರ್ ಸಿದ್ಧವಾದಾಗ ಸತತ 40 ಗಂಟೆಗಳ ಕಾಲ ಅದರ ತಲೆ ತಿಂದು ಪೈ ಮೌಲ್ಯವನ್ನು 2037 ಸ್ಥಾನಗಳವರೆಗೆ ಬರೆಯಲಾಯಿತು. ನೆನಪಿಡಿ, ಬರೀ ಇಪ್ಪತ್ತು ಸ್ಥಾನಗಳವರೆಗೆ ಬರೆದರೆ ಅದು 3.141 5926 535 89793 23846 ಆಗುತ್ತದೆ. 4500 ಸ್ಥಾನಗಳವರೆಗೆ ಬರೆದರೆ ಈ ಇಡೀ ಅಂಕಣವೇ ಈ ಗಾತ್ರದ ಅಂಕಿಗಳಿಂದ ತುಂಬುತ್ತದೆ. ಈಗಿನ ಕಂಪ್ಯೂಟರ್ಗಳು ಸುಲಭವಾಗಿ ಲಕ್ಷಗಟ್ಟಲೆ ಸ್ಥಾನಗಳವರೆಗೆ ಅಂಕಿಗಳನ್ನು ಸೃಷ್ಟಿಸುತ್ತ ಹೋಗುತ್ತವೆ. ಸೂಪರ್ ಕಂಪ್ಯೂಟರ್ಗಳು ಕೋಟಿ, ಸಹಸ್ರ ಕೋಟಿ ಸ್ಥಾನಗಳವರೆಗೂ ಬರೆಯಬಲ್ಲವು. ಈಚಿನ ಜಪಾನೀ ಸೂಪರ್ ಕಂಪ್ಯೂಟರ್ನಲ್ಲಿ ಪೈ ಬಾಲ ಸಾವಿರ ಶತಕೋಟಿ ಸ್ಥಾನವನ್ನು ತಲುಪಿ ಇನ್ನೂ ಮುಂದಕ್ಕೆ ಸಾಗುತ್ತಲೇ ಇದೆ. ವಾಯೇಜರ್ 1 ಗಗನ ನೌಕೆ ಸೌರಮಂಡಲದ ಎಲ್ಲ ಗ್ರಹಗಳನ್ನೂ ದಾಟಿ ಅನ್ಯಲೋಕದ ಕಡೆ ಸಾಗುತ್ತಿರುವ ಹಾಗೆ.

ಪೈ ಇಷ್ಟೆಲ್ಲ ಭದ್ರಪಟ್ಟ ಪಡೆದಿದ್ದರೂ ಅದನ್ನು ಅಲ್ಲಿಂದಿಳಿಸಲು ಸಂಚು ನಡೆದಿದೆ. ಪೈ ಬದಲು ತೌ ಸಂಕೇತಕ್ಕೆ ಪರಮೋಚ್ಛ ಸ್ಥಾನ ಸಿಗಬೇಕೆಂದು ಇಂಗ್ಲೆಂಡಿನ ಕೆಲವರು ವಿಶ್ವವಿದ್ಯಾಲಯಗಳ ಗಣಿತಮತಿಗಳು ಹೇಳುತ್ತಿದ್ದಾರೆ. ತೌ ಎಂದರೆ ತೀರಾ ಭಿನ್ನವೇನಲ್ಲ. 2 ಪೈ ಅಷ್ಟೆ. ಅಂದರೆ ವೃತ್ತದ ಪರಿಧಿಯನ್ನು ಅದರ ತ್ರಿಜ್ಯದಿಂದ ಭಾಗಿಸಿದಾಗ ಬರುವ ಸಂಖ್ಯೆಯೇ ತೌ. ಅದರ ಮೌಲ್ಯ ಪೈಯ ಇಮ್ಮಡಿ, ಅರ್ಥಾತ್ 6.28318...... ಅದಕ್ಕೇ ಪ್ರತಿವರ್ಷ ಜೂನ್ 28ನ್ನು (6-28) ತೌ ದಿನವನ್ನಾಗಿ ಆಚರಿಸಲು ಕರೆ ನೀಡಲಾಗಿದೆ. ನಮಗೆ ಇವೆರಡರ ನಡುವೆ ಅಂಥ ವ್ಯತ್ಯಾಸವೇನೂ ಕಾಣುವುದಿಲ್ಲ. ಆದರೆ ಗಣಿತ ಮತ್ತು ಜ್ಯಾಮಿತಿಯಲ್ಲಿ ಪೈ ಮತ್ತು ತೌವನ್ನು ಬಳಸುವ ರೀತಿಯಲ್ಲಿ ಅಗಾಧ ವ್ಯತ್ಯಾಸ ಇದೆ. ಗಣಿತದಲ್ಲಿ ಕೋನಗಳನ್ನು ಡಿಗ್ರಿಗಳಲ್ಲಿ ಹೇಳುವುದಿಲ್ಲ; ಅದಕ್ಕೆ ರೇಡಿಯನ್ಸ್ ಎಂಬ ಮೂಲಮಾನವನ್ನು ಬಳಸುತ್ತಾರೆ. ಒಂದು ವೃತ್ತದಲ್ಲಿ 2ಪೈ ರೇಡಿಯನ್ಸ್ ಇರುತ್ತದೆ. ವೃತ್ತದ ಕಾಲುಭಾಗ ಎಂದರೆ ಅರ್ಧ ಪೈ ಆಗುತ್ತದೆ. ಮುಕ್ಕಾಲು ವೃತ್ತದ ಎಂದರೆ ತಲೆಬಿಸಿ ಶುರು. ಆ ಕಿರಿಕಿರಿಯನ್ನು ತಪ್ಪಿಸಬೇಕೆಂದರೆ ಒಂದು ವೃತ್ತಕ್ಕೆ 2ಪೈ ಬದಲು ಒಂದು ತೌ ರೇಡಿಯನ್ಸ್ ಎಂದು ಪರಿಗಣಿಸಬೇಕು. ಆಗ ಅರ್ಧವೃತ್ತಕ್ಕೆ ಅರ್ಧ ತೌ, ವೃತ್ತದ ಕಾಲುಭಾಗಕ್ಕೆ ಕಾಲು ತೌ ಹೀಗೆ ಸಲೀಸು ಲೆಕ್ಕ ಸಿಗುತ್ತದೆ.

ಸಲೀಸು ಸರಿ. ಆದರೆ ಪೈಗೆ ಗುಡ್ ಬೈ ಹೇಳುವುದು ಅಷ್ಟು ಸುಲಭವೇ? ಬಾಲ್ಯದಿಂದಲೂ ಟೂಪೈಆರ್ ಮತ್ತು ಪೈಆರ್ಸ್ಕ್ವೇರ್ಗಳನ್ನು ಉರುಹೊಡೆದ ಎಂಜಿನಿಯರ್ಗಳು ಪೈ ಕೈ ಬಿಡುತ್ತಾರೆಯೇ? ತೌರಿನಿಂದ ತೌ ಅಕ್ಕ ಬಂತೆಂದು ಪೈಟಾಗಿ ಕೂತಿದ್ದ ಪೈ ತಂಗಿ ಸುಲಭಕ್ಕೆ ಸರಿದಾಳೆಯೇ ? 

Saturday, 9 January 2021

ಪಠ್ಯಕ್ರಮದ ಕ್ಷೇತ್ರಗಳು (ವ್ಯಾಪ್ತಿ)

 ಪಠ್ಯಕ್ರಮದ ಕ್ಷೇತ್ರಗಳು (ವ್ಯಾಪ್ತಿ)

ಭಾಷಗಳ ಕಲಿಕೆ

ಮಗುವಿನ ಮಾತೃ ಭಾಷೆಯ ಪರಿಗಣನೆ ಮತ್ತು ಇಂಗ್ಲೀಷಿನ ಪಾವೀಣ್ಯಕ್ಕೆ ಉತ್ತೇಜನ ಕೊಡುವಂತೆಎನ್.ಸಿ.ಎಫ್-2005 ಸಲಹೆ ಮಾಡಿದೆ. ಇದಾಗುಮದು ಕಲಿಕೆಯು ಸದೃ ಢ ಭಾಷಾ ಬೋದನೆಯ ಬುನಾದಿಮೇಲೆ ರೂಪಿತವಾದಾಗ ಮಾತ್ರ. ಆಲಿಸುವುದು , ಮಾತುಗಾರಿಕೆ ಓದುವುದು, ಮತ್ತು ಬರೆಯುವುದು ಮಗುವಿನಪ್ರಗತಿಗೆ ಎಲ್ಲಾ ಪಠ್ಯಕ್ರಮ ಕ್ಷೇತ್ರಗಳಲ್ಲಿಯೂ ವ್ಯಾಪಿಸಿಕೊಳ್ಳುತ್ತ ನೆರವಾಗುತ್ತದೆ. ಪ್ರಾಥಮಿಕ ತರಗತಿಗಳ ಪರ್ಯಂತ ಓದುವಿಕೆಯನ್ನು ಅಭ್ಯಾಸ ಮಾಡಿದರೆ ಮಕ್ಕಳ ಇನ್ನಿತರ ವಿಷಯಗಳ ಕಲಿಕೆಗೂ ಸುಭದ್ರ ಬುನಾದಿಯಾಗುತ್ತದೆಂದು ಎನ್.ಸಿ.ಎಫ್-2005 ಒತ್ತಿ ಹೇಳುತ್ತದೆ. 

ಸರಿಸಮಾನ ಸಾಧಾರಣ ಮಟ್ಟದ ಬುದ್ಧಿಯ ಯಾವುದೇ ಮಗುವು ಪರಿಣಾಮಕಾರೀ ಶಿಕ್ಷಣದಿಂದಯಾವುದೇ ಭಾಷೆಯಲ್ಲೂ ಪಭುತ್ವ ಪಡೆಯುತ್ತದೆ. ಭಾಷಾಗ್ರಹಿಕೆಯ ಸಾವು ರ್ಥ್ಯವು ಅತ್ಯಂತ ಸಕ್ರಿಯವಾಗಿರುವ ಅವಧಿಯಲ್ಲಿರುವ ಐದರಿಂದ ಹದಿನೈದು ವರ್ಷದ ಮಕ್ಕಳು 

ಕಡೆಯ ಪಕ್ಷ ಆರು ಭಾಷೆಗಳನ್ನು ಕಲಿಯಬಲ್ಲರೆಂದುಪ್ರಪಂಚದಾದ್ಯಂತ ನಡೆದ ಪ್ರಯೋಗಗಳು ಸಾಬೀತು ಮಾಡಿವೆ.

ಆಲಿಸುವಿಕೆ, ಮಾತುಗಾರಿಕೆ, ಓದು, ಬರವಣಿಗೆ ಮತ್ತು ಪರಿಕಲ್ಪನೆಗಳ ಗ್ರಹಿಕೆಗಳು ಭಾಷೆ ಪ್ರಭುತ್ತ್ವದ ಆಧಾರಗಳಾಗಿವೆ. ಆದರೆ ಹೆಚ್ಚು ಮಕ್ಕಳು ನಿರೀಕ್ಷಿತ ಪ್ರಭುತ್ತ್ವ ವನ್ನು (ಪ್ರತಿ ಮಗುವು ಸಂಪಾದಿಸಲೇಬೇಕಾದಮೂಲಭೂತ ಸಾಮರ್ಥ್ಯಗಳು) ಗಳಿಸಿರುವುದಿಲ್ಲವೆಂದು

ಅನೇಕ ಅಧ್ಯಯನ ಮತ್ತು ಅನುಭವ ತೋರಿಸಿಕೊಟ್ಟಿವೆ.ಪರಿಶೀಲಿತ ಪಠ್ಯಕಮದ ಆಧಾರದ ಮೇಲೆ ಪಠ್ಯಪು ಸ್ತಕ ರಚನೆ ಮಾಡುವಾಗ್ಗೆ ಈ ಅಂಶವನ್ನು ಪಠ್ಯಪುಸ್ತಕ ಲೇಖಕರು ಗಮನಕ್ಕೆ ತಂದುಕೊಳ್ಳಬೇಕು.

ಇಂಗ್ಲೀಷ್ ಭಾರತಾದ್ಯಂತ ದ್ವಿತೀಯ ಭಾಷೆಯ ಸ್ಥಾನದಲ್ಲಿದೆ ಮತ್ತದು ಅತಿ ಮುಖ್ಯ ಸಂಪರ್ಕಭಾಷೆಯೂ ಆಗಿದೆ. ಇಂಗ್ಲೀಷನ್ನು ದ್ವಿತೀಯ ಭಾಷೆ ಎಂದು ಪರಿಗಣಿಸಿ ಕಲಿಸಲಾಗುತ್ತಿದೆ. ನಮ್ಮ ರಾಜ್ಯವು 2007- 2008ರಿಂದ ಮಕ್ಕಳು ಇಂಗ್ಲೀಷ್ ಭಾಷಾ ಕಲಿಕೆಗೆ ತೆರೆದುಕೊಳ್ಳಲು  ಸಾಧ್ಯವಾಗುವಂತೆ ಒಂದನೇ ತರಗತಿಯಿಂದಲೇ ಇಂಗ್ಲಿಷನ್ನು ಪರಿಚಯಿಸುವ ನಿರ್ಧಾರ ಮಾಡಿದೆ.

ದುರದೃಷ್ಟವಶಾತ್, ನಮ್ಮ ಇಂಗ್ಲೀಷ್ ಶಿಕ್ಷಕರ ದಕ್ಷತೆಯ ಮಟ್ಟ ಎಲ್ಲ ಹಂತಗಳಲ್ಲೂ ನಿರೀಕ್ಷಿತ ಮಟ್ಟದಲ್ಲಿಲ್ಲದೆ ದೂರವೇ ಉಳಿದು ಬಿಟ್ಟಿದೆ. ನಮಗೀಗ ಸಮುದಾಯ ಸಂವಹನ ಮಾಧ್ಯಮವನ್ನು ಬಳಸಿಕೊಳ್ಳುವ ಸಮರ್ಥ ಶಿಕ್ಷಕರು, ಉತ್ತಮ ಶಿಕ್ಷಣ ಸಾಮಗ್ರಿಗಳು , ಪರಿಣಾಮಕಾರೀ ವಿಧಾನಗಳು ಮತ್ತು ಬೋಧನ ತಂತ್ರಗಳ ಅವಶ್ಯಕತೆಯಿದೆ.

ಮಗುವಿನ ಮಾತೃಭಾಷೆಗೆ (ಪ್ರಥವು ಭಾಷೆ) ಪ್ರಾಮುಖ್ಯತೆ ಕೊಟ್ಟಿರುವ ತ್ರಿಭಾಷಾ ಸೂತ್ರವನ್ನು ನಮ್ಮರಾಜ್ಯವು ಅನುಸರಿಸುತ್ತಿದೆ. ಪಥಮ, ದ್ವಿತೀಯ ಮ ತೃತೀಯ ಭಾಷೆಗಳ ಪಠ್ಯಪುಸ್ತಕ ಸಿದ್ಧತೆಗೆ- ಇವುಗಳನ್ನುವಿಭಿನ್ನ ತರಗತಿಗಳಲ್ಲಿ ಆರಂಭಿಸುವುದನ್ನು ಗಮನದಲ್ಲಿರಿಸಿಕೊಂಡು- ಬೇರೆಯದೇ ಮಾರ್ಗದರ್ಶನವನ್ನು ನೀಡುವಂತೆ ಪಠ್ಯಕಮ ಮರುಪರಿಶೀಲನ ಕಾರ್ಯ ನಡೆಸಬೇಕಾಗಿದೆ.

ಗಣಿತದ ಕಲಿಕೆ

ವರ್ತಮಾನ ಸಮಾಜದಲ್ಲಿ ಈಗಾಗು ತ್ತಿರು ವ ಅಸಮಾನ್ಯ ಮತ್ತು ಅತಿವೇಗದ ಚಾಲಿತ ಬದಲಾವಣೆಗಳಸನ್ನಿವೇಶದಲ್ಲಿ ಗಣಿತದ ಆದ್ಯತೆಯನ್ನು ಎಷ್ಟು ಒತ್ತಿ ಹೇಳಿದರೂ ಸಾಲದಾಗಿದೆ. ಮುಂಬರಲಿರುವ ಜ್ಞಾನಸಮಾಜದಲ್ಲಿ ಗಣಿತವನ್ನು ಅರ್ಥಮಾಡಿಕೊಂಡು ಬಳಸು ವ ವ್ಯಕ್ತಿಗಳಿಗೆ ದೊರಕುವ ಅವಕಾಶಗಳು ಮತ್ತುಆಯ್ಕೆಗಳು ಗಣನೀಯವಾಗಿ ವರ್ಧಿಸುತ್ತದೆ. ಗಣಿತದ ಕಲಿಕೆ ಮಗುವಿನ ಆಲೋಚನೆ ಮತ್ತು ತಾರ್ಕಿಕ ಸಂಪತ್ತನ್ನುವರ್ಧಿಸಬೇಕು; ಅಮೂರ್ತವನ್ನು ದೃಷ್ಟಿಗೆ ತಂದುಕೊಂಡು ನಿರ್ವಹಿಸಲು ಅನುವಾಗಬೇಕು, ಸಮಸ್ಯೆಗಳನ್ನುಪ್ರಕಲ್ಪಿಸಿಕೊಂಡು ಬಿಡಿಸಲು   ಸಹಾಯಕಾರಿಯಾಗಬೇಕು . ಮಗುವಿನ ಅನುಭವಗಳ ಮುಖೇನ ಗಣಿತದ ಸೂಕ್ತ ಸಾರಾಂಶಗಳನ್ನು ಬೋಧಿಸಿದರೆ ಈ ಗುರಿಸಾಧನೆಯಾಗು ತ್ತದೆ. ಗಣಿತದ ಪರಿಕಲ್ಪನೆಗಳನ್ನು ಇನ್ನಿತರ ವಿಷಯಕ್ಷೇತ್ರಗಳಿಗೆ ಸಂಬಂಧಿಸುವಂತಹ ಪಾಠಕಮವನ್ನು ಶಿಕ್ಷಕರು ಅನ್ವೇಷಿಸಬೇಕಾಗಿದೆ.

ಗಣಿತ ಪಾಠಕಮದ ಎರಡು ಮುಖ್ಯೋದ್ದೇಶಗಳು ಯಾವುವೆಂದರೆ ಪತಿ ವಿದ್ಯಾರ್ಥಿಯ ಮನಸ್ಸನ್ನಾವರಿಸಿ ಆಕರ್ಷಿಸಲು ಗಣಿತ ಬೋಧೆ ಹೇಗೆ ಯತ್ನಿಸು ತ್ತದೆ ಮತ್ತು ಪ್ರತಿ ವಿದ್ಯಾರ್ಥಿಯ ಬೌದ್ಧಿಕ ಸಂಪದವನ್ನು ಅದು ಹೇಗೆ ಸಂವೃದ್ಧಿಗೊಳಿಸುತ್ತದೆ ಎನ್ನುವ ಕಾಳಜಿಗಳು . ಪಠ್ಯಕ್ರಮ ಮರು ಪರಿಶೀಲನೆ ಮತ್ತು ಹೊಸ ಗಣಿತ ಪಠ್ಯ ಪುಸ್ತಕಗಳು ಈ ಎರಡೂ ಅಂಶಗಳನ್ನು ಗಮನಿಸಬೇಕು .

ಇನ್ನಿತರ ಅಧ್ಯಯನ ವಿಷಯಗಳು ಮತ್ತು ಗಣಿತದ ನಡುವೆ ಸೇತು ಬಂದವನ್ನು ಏರ್ಪಡಿಸುವ ಅಗತ್ಯವೂಇದೆ. ಭೂವಿಜ್ಞಾನವೂ ಸೇರಿಕೊಂಡಂತೆ, ಮಕ್ಕಳು ನಕ್ಷೆಯನ್ನು ರಚಿಸುವಾಗ, ವಿಜ್ಞಾನದಲ್ಲಿರುವ ಕ್ರಿಯಾಂಶಗಳ ಪರಸ್ಪರ ಸಂಬಂಧ ಗ್ರಹಿಕೆಗೆ ಪ್ರೋತ್ಸಾಹಿಸಬೇಕು . ಗಣಿತವು ವಿಜ್ಞಾನದ ಅಧ್ಯಯನಕ್ಕೆ ಪರಿಣಾಮಕಾರಿ ಉಪಕರಣವೆನ್ನಿಸುತ್ತದೆ. ಅಲ್ಲದೆ ಕಲೆಗೂ ಗಣಿತಕ್ಕೂ ನಡುವೆ ಬಲವಾದ ಅನ್ಯೋನ್ಯ ಸಂಬಂಧವಿದೆ ಎಂಬುದನ್ನು ವಿದ್ಯಾರ್ಥಿಗಳು ಮನಗಂಡು  ಮೆಚ್ಚುವಂತಾಗಬೇಕು .

ವಿಜ್ಞಾನ ಕಲಿಕೆ

ಶಾಲಾ ಪಠ್ಯಕ್ರಮದಲ್ಲಿ ವಿಜ್ಞಾನ ಕಲಿಕೆ ಏಕೆ ಅಮ್ಯೂಲ್ಯವಾದದ್ದು ಎನ್ನುವ ಪ್ರಶ್ನೆಗೆ ಅನೇಕ ಉತ್ತರಗಳಿವೆ.ಗ್ರಹಿಸುವ, ಪಶ್ನಿಸುವ ಮತ್ತು ಸಾರವತ್ತಾಗಿ ಆಲೋಚಿಸುವ ಮಕ್ಕಳ ಬುದ್ಧಿ ಬೆಳವಣಿಗೆಯ ಸಾಮರ್ಥ್ಯಗಳಅಭಿವೃದ್ಧಿಗೆ ವಿಜ್ಞಾನ ಕಲಿಕೆ ಶಕ್ತಿ ಮತ್ತು ಪು ಷ್ಠಿಗಳನ್ನು ಕೊಡುತ್ತದೆ. ಅವಲೋಕನ, ಅಂತರ್ಗ್ರಹಿಕೆ, ಪ್ರಕಲ್ಪನ,ಪ್ರಯೋಗೀಕರಣ ಮತ್ತು ಸಾಬೀತಿಸುವ ಮಾದ್ಯವು ಗಳನ್ನು ವಿಜ್ಞಾನ ಬಳಸುತ್ತದೆ.

ಸುತ್ತಲಿನ ಪಪಂಚವನ್ನು ಅವಲೋಕಿಸಿ, ತಮ್ಮ ಪರ್ಯಾವರಣ ಪರಿಧಿಯೊಳಗಾಗುವ ಸಂಗತಿಗಳು, ನೋಟಗಳು, ಅದ್ಭುತಗಳನ್ನು ತಮ್ಮೊಳಗಿನ ಸಂವೇದನೆಗಳಲ್ಲಿ ಹೊಂದಿಸಿಕೊಂಡು ಈ ಪ್ರಕ್ರಿಯೆಗಳನ್ನುಅರ್ಥೈಸಿಕೊಳ್ಳುವ ಹಾಗೆ ಮಗುವಿನ ಅಂತರಂಗ ಹಾಗೂ ಪರ್ಯಾಯವಾಗಿ ಸಮಾಜವೇ ಬದಲಾಯಿಸುವಂತೆ ವಿಜ್ಞಾನ ಕಲಿಕೆ ಅಣಿಗೊಳಿಸುತ್ತದೆ. ಚಿಂತನ, ಪತಿಸ್ಪಂದನ ಕ್ರಿಯೆ ಮತ್ತು ಕ್ರಮಬದ್ಧ ಹಾಗೂ ವಸ್ತುನಿಷ್ಠ ಭಾವನೆಗಳನ್ನು ಮಕ್ಕಳಲ್ಲಿ ಅಭಿವೃದ್ಧಿಯಾಗುವಂತೆ ನೆರವಾಗು ತ್ತದೆ. ಸಮಾಜದಲ್ಲಿ ಬದಲಾವಣೆ ಮತ್ತು ಪಗತಿಗಳ ಅಗತ್ಯತೆಯನ್ನು ಮನವರಿಸಿಕೊಟ್ಟು ಅವರು ಶಕ್ತಿಯುತವಾಗಿ ನಿರ್ವಹಿಸು ವಂತೆ ವಿದ್ಯಾರ್ಥಿಗಳಿಗೆ ವಿಜ್ಞಾನ ಕಲಿಕೆ ಆವಕಾಶ ನೀಡುತ್ತದೆ

ವಿಜ್ಞಾನ ಕಲಿಕೆಯು ಸಮಾಜದಲ್ಲಿ ಬದಲಾವಣೆ ತರು ವ ಅಸ್ತ್ರವೆಂದು ಎನ್.ಸಿ.ಎಫ್-2005 ಪರಿಭಾವಿಸಿದೆ. ಯಾವುದೇ ರೀತಿಯ ಗುಣಾತ್ಮಕ ಬದಲಾವಣೆಯನ್ನು ತರಲು, ವಿಜ್ಞಾನ ಶಿಕ್ಷಣ ನಿರ್ದಿಷ್ಟ ದೆಸೆಯಲ್ಲಿ ಸಾಗಬೇಕಾಗಿದೆ.

ಈ ಸಂದರ್ಭದಲ್ಲಿ, ಮಗುವಿನ ತಕ್ಷಣದ ಪರ್ಯಾವರಣ ಮತ್ತು ಸುತ್ತಲಿನ ಸಮಾಜದೊಡನೆ ವಿಜ್ಞಾನಪಾಠಕಮವೂ ಅವಿನಾಭಾವ ಸಂಬಂಧ ಹೊಂದಿರುವಂತೆ ಎನ್.ಸಿ.ಎಫ್-2005 ವಿಜ್ಞಾನ ಕಲಿಕೆಯನ್ನುಪ್ರಗತಿಪರವಾಗಿ ಮೈಗೂಡಿಸಿಕೊಂಡಿದೆ. ಸಮಾಜದ  ಅಗತ್ಯಗಳಿಗೆ  ಅನುಗುಣವಾಗಿ ವಿಜ್ಞಾನ  ಕಲಿಕೆ ಅರ್ಥಪುಷ್ಠಿಯಿಂದ ಕೂಡಿಕೊಂಡ, ವಿಕಾಸಗೊಳ್ಳುವ ಗುರಿಗಳನ್ನು ಹೊಂದಿದೆ.

ದೈನಂದಿನ ಅನುಭವಗಳನ್ನು ಸ್ವತಃ ಪರೀಕ್ಷಿಸಿ ವಿಶ್ಲೇಷಿಸಿ, ಚಿಂತನ ಶೀಲ ವಿಧಾನಗಳು ವಿಕಾಸಗೊಳ್ಳುವಮಾರ್ಗಗಳು ಸಾರವತ್ತಾಗುವಂತೆ ಮಾಡಲು, ಕುತೂಹಲ  ವೃದ್ದಿಸಲು, ಸೃಜನಶೀಲವಾಗಲು ನೆರವಾಗುವಂತೆಮಕ್ಕಳ ವಿಜ್ಞಾನ ಶಿಕ್ಷಣವನ್ನು ಪುನರ್ರಚಿಸಬೇಕೆಂದು ಎನ್.ಸಿ.ಎಫ್-2005 ಸಲಹೆ ಮಾಡಿದೆ.

ಪರ್ಯಾವರಣ ಸಂಬಂಧಿತ ಆತಂಕಗಳು ಮತ್ತು ಕಾಳಜಿಗಳನ್ನು ವಿವಿಧ ಪ್ರಕಾರಗಳ ಯೋಜನಾ ಚಟುವಟಿಕೆಗಳಲ್ಲೂ (ಪ್ರಾಜೆಕ್ಟ್ ವರ್ಕ್), ಪ್ರತಿ ವಿಷಯದಲ್ಲೂ ಒತ್ತಿ ಹೇಳಬೇಕು.

ಸಮಾಜ ವಿಜ್ಞಾನಗಳ ಕಲಿಕೆ

ಸಮಾಜ ವಿಜ್ಞಾನಗಳ ಬೋಧನೆ ಒಂದು ಶಿಸ್ತಿನ ನೆಲಗಟ್ಟಿನಿಂದ ಆಗುವಂತೆ ಮಾಡಬೇಕೆಂದುಎನ್.ಸಿ.ಎಫ್-2005 ಒತ್ತಿ ಹೇಳುವುದಲ್ಲದೆ, ಪ್ರಧಾನ ವಿಷಯಗಳ ಪಾಠಗಳು ಸಮನ್ವಯ ವಿಧಾನದಲ್ಲಿಆಗಬೇಕೆಂದು ಆಗ್ರಹಿಸುತ್ತದೆ. ಆಲೋಚನಾಕಮಗಳ ವಿಕಾಸ, ನಿರ್ಧಾರಣಾ ಶಕ್ತಿ ಮತ್ತು ವಿಮರ್ಶಾತ್ಮಕ ಚಿಂತನೆಗಳಬೆಳವಣಿಗೆಗಳಿಗೆ ಸಜ್ಜುಗೊಳಿಸುವ ಬೋಧನಾ ಕ್ರಮಗಳಿಗೆ ಸಮಾಜ ವಿಜ್ಞಾನ ಪಠ್ಯಕ್ರಮ ಪುಷ್ಠಿ ನೀಡುತ್ತದೆ.

ಸಮಾಜದ ಮುಖ್ಯವಾಹಿನಿಯಿಂದ ಹೊರಗುಳಿದವರ ದೃಷ್ಟಿಕೋನದಿಂದಲೂ ಸಮಾಜ ವಿಜ್ಞಾನಗಳನ್ನು ಅಧ್ಯಯಿಸಬೇಕೆನ್ನುವ ಮಹತ್ತರ ತಿರುವನ್ನು ಎನ್.ಸಿ.ಎಪ್ -2005 ಬಲವಾಗಿ ಮಂಡಿಸಿದೆ. ಪೌರನೀತಿ0ಯನ್ನು ರಾಜನೀತಿ ಶಾಸ್ತ್ರ ಮತ್ತು ಸಮಾಜ ವಿಜ್ಞಾನಗಳಲ್ಲಿ  ಅಳವಡಿಸಬೇಕು; ಮತ್ತು ಗತಕಾಲದ ಪ್ರಕಲ್ಪನೆಗಳು ಮತ್ತು ಪೌರನ  ಸ್ಥಾನಮಾನಗಳು  ಮಗುವಿನ  ಮನಸ್ಸಿನಲ್ಲಿ  ನೆಲೆಗೊಂಡು  ಪಚೋದಿಸುವಂತೆ  ಚರಿತ್ರೆಯಪ್ರಧಾನೋದ್ದೇಶಗಳು ಪುನಾರಚಿತವಾಗಬೇಕು . ಗ್ರಾಮಾಂತರ ಪ್ರದೇಶ ಮತ್ತು ನಗರ ಪದೇಶದ ಸಾಮಾಜಿಕ,ಆರ್ಥಿಕ ದುರ್ಬಲ ವರ್ಗಗಳ ಹೆಚ್ಚುವರಿ ಮಕ್ಕಳು ಸಾಮಾಜಿಕ ಅಸಮಾನತೆಗಳನ್ನೆದುರಿಸಿರುತ್ತಾರೆ ಅಲ್ಲದೆ, ಎಷ್ಟೋವೇಳೆ ದೈಹಿಕ ಮತ್ತು ಮಾನಸಿಕ ಆಘಾತಗಳನ್ನು ಅನುಭವಿಸಿರುತ್ತಾರೆ.

ಮ್ಯಾನಿಟೋಬ ವಿಶ್ವವಿದ್ಯಾಲಯ, ಕೆನಡ ಇವರ ಆರ್ಥಿಕ ವಿಭಾಗವು 2004 ರಲ್ಲಿ ಬೆಂಗಳೂರು ಗ್ರಾಮಾಂತರ ಜಿಲ್ಲೆಯಲ್ಲಿ ಒಂದು ಅಧ್ಯಯನವನ್ನು ನಡೆಸಿತು . ಶಾಲೆಯಿಂದ ಹೊರಗುಳಿಯುವ ಮಕ್ಕಳಲ್ಲಿ ಶೇಖಡ 98% ಪಾಲು ಕೂಲಿ ದುಡಿಯುವ ಮಕ್ಕಳು ,ಮದ್ಯವ್ಯಸನಿ ಪೋಷಕರ ಮತ್ತು ಸಹೋದರರ ಬಲಿಪಶುಗಳುಎನ್ನುವ ಅಂಶ ಬೆಳಕಿಗೆ ಬಂತು. ಆದ್ದರಿಂದಮದ್ಯವ್ಯಸನ-ಮಕ್ಕಳ ದುಡಿಮೆ - ವರದಕ್ಷಿಣೆ ಸಂಕೊಲೆಯಲ್ಲಿಸಾರ್ವಜನಿಕವಾಗಿ ಮೇಲ್ನೋಟಕ್ಕೆ ಕಾಣಿಸುವುದಕ್ಕಿಂತ ಹೆಚ್ಚು ಆಳವಾದ ಸಂಬಂಧವಿದೆ. ಗ್ರಾಮಾಂತರ ಮತ್ತು ನಗರವಾಸಿ ಸಮಾಜಗಳ ಎಲ್ಲಾ ವರ್ಗಗಳಲ್ಲಿಯೂ ವರದಕ್ಷಿಣೆ ಹೊಕ್ಕು ಹಿರಿಯುತ್ತಿರುವ ಪ್ರಭಾವಗಳು ಪರ್ಯಾಯವಾಗಿ ಸಮುದಾಯದ ಲಿಂಗ ಅನುಪಾತದ ಕುಸಿತದಲ್ಲಿ ಎದ್ದು ಕಾಣುವ ಸ್ತ್ರೀ ಭ್ರೂಣಹತ್ಯೆಯವರೆಗೂ ವ್ಯಾಪಿಸಿಕೊಂಡಿದೆ. ಉತ್ತರ ಕರ್ನಾಟಕದ ಕೆಲವು ಜಿಲ್ಲೆಗಳಲ್ಲಿ ಕಂಡುಬರುವ ಲಿಂಗ ಅಸಮತೆಯ ಪ್ರಮಾಣಈಗಾಗಲೇ ಆತಂಕಕ್ಕೆಡೆಗೊಡುತ್ತಿದೆ. ಆದ್ದರಿಂದ ನೆ ತಿಕವಾಗಿ ಉಚಿತವಾದ ನಡವಳಿಕೆಯನ್ನು ರೂಢಿಸುವುದು ಅತ್ಯಾವಶ್ಯಕವಾಗಿದ್ದು ಮತ್ತು ಕಾನೂನು, ಆರಕ್ಷಕ ಸುಭದ್ರತೆ ಮತ್ತು ನ್ಯಾಯಕ್ಕಾಗಿ ಹೋರಾಡುವ ಕ್ಷೇತಗಳಲ್ಲಿ ಸರ್ಕಾರದ ಮಧ್ಯ ಪ್ರವೇಶವನ್ನು ಆಗ್ರಹಿಸುವುದೂ , ಒಂದು ತಲೆಮಾರಿನ ಪೌರರು ಜವಾಬ್ದಾರಿಯುತವಾಗಿಯೂ ಸಕ್ರಿಯವಾಗಿಯೂ ವರ್ತಿಸುವಂತೆ ಪ್ರಭಾವ ಬೀರಬೇಕಾಗಿರುವುದು ಪರಮಾದ್ಯತೆಯಾಗುತ್ತದೆ.

ಬಹುತ್ತ್ವ ಶೀಲ ಸಂಪ್ರದಾಯವುಳ್ಳ ನಮ್ಮಂತಹ ಸಮಾಜದ ಮೇಲೆ ಜಾಗತೀಕರಣ ಬೀರುತ್ತಿರುವಪ್ರಭಾವಗಳ ಸನ್ನಿವೇಶದಲ್ಲಿ ಶಾಲಾಕಲಿಕೆಯಲ್ಲಳವಡಿಸಲಾಗುವ ಸಮಾಜ ವಿಜ್ಞಾನ ಪಠ್ಯಕ್ರಮದ ಪ್ರಾಧಾನ್ಯತೆಗೂ ಒತ್ತುಕೊಡಲಾಗಿದೆ. ಚರಿತೆ, ಭೂವಿವರಣೆ, ರಾಜನೀತಿ ಶಾಸ್ತ್ರ, ಸಮಾಜ ವಿಜ್ಞಾನ, ಆರ್ಥಿಕ ವಿಜ್ಞಾನ ಮತ್ತು ವಾಣಿಜ್ಯ ವಿಜ್ಞಾನಗಳ ಘಟಕಗಳಿರುವ ಸಮಾಜ ವಿಜ್ಞಾನವು ಕಲಿಯುವವರಿಗೆ ತಾವಿರುವ ಸಮಾಜವನ್ನುಅರ್ಥೈಸಿಕೊಳ್ಳಲು, ಸಾಮಾಜಿಕ ಮತ್ತು ಆರ್ಥಿಕ ಹಾಗೂ ಪರ್ಯಾವರಣಕ್ಕೆ ಸಂಬಂಧಿತ ಸಮಸ್ಯೆಗಳನ್ನು ಕುರಿತುಆಲೋಚಿಸಲು ನೆರವಾಗಿ, ಸವಾಲುಗಳನ್ನೆದುರಿಸುವಂತೆ ಸನ್ನದ್ಧಿಸುತ್ತದೆ. ಆರೋಗ್ಯಕರ ಸಮುದಾಯವನ್ನು ನಿರ್ಮಿಸಲು, ಶಕ್ತರಾದ ಜವಾಬ್ದಾರಿಯುತ ಪೌರರನ್ನು ಉತ್ಪಾದಿಸಲು ಸಾಮಾಜಿಕ ವಿಜ್ಞಾನ ಮತ್ತು ವಾಣಿಜ್ಯಗಳು ನೆರವೀಯುತ್ತವೆ. ಅಲ್ಲದೆ, 10ನೇ ತರಗತಿಯಲ್ಲಿ ತೇರ್ಗಡೆಯಾಗುವ ವಿದ್ಯಾರ್ಥಿಗಳ ಉದ್ಯೋಗಾರ್ಹತೆಯನ್ನುಉತ್ತಮ ಪಡಿಸುತ್ತವೆೆ. ಆದ್ದರಿಂದ 8-10ನೇ ತರಗತಿಗಳ ಸಮಾಜ ವಿಜ್ಞಾನ ಪಠ್ಯಕವು ವನ್ನು ಕೆಳಕಂಡ ಪರಿಮಾಣದಲ್ಲಿರುವಂತೆ ಒತ್ತು ಕೊಟ್ಟು ರಚಿಸಬೇಕು ;

ಚರಿತೆ        ಭೂಗೋಳ        ರಾಜ್ಯ ಶಾಸ್ತ್ರ        ಸಮಾಜ ಶಾಸ್ತ್ರ    ಆರ್ಥ ಶಾಸ್ತ್ರ        ವಾಣಿಜ್ಯಶಾಸ್ತ್ರ        

30%            15%                    15%                15%                   15%                10%               100%    

ಪ್ರಚಲಿತ ವಾಣಿಜ್ಯ ಶಾಸ್ತ್ರದ ಪಠ್ಯವಸ್ತುಗಳಲ್ಲಿ ಪಾಠಸೂಚಿಗಳಲ್ಲಿ ಕೃಷಿ ಮತ್ತು ಉದ್ಯೋಗಗಳ ಅನೇಕಅಧ್ಯಾಯಗಳು ಇದ್ದು ಅರ್ಥಶಾಸ್ತ್ರದಲ್ಲಿ ಕೂಡ ಅಳವಡಿಸಿಕೊಂಡಿರುವುದರಿಂದ ಭೂವಿವರಣೆಯ ಅನೇಕವಿಭಾಗಗಳನ್ನು ಮೊಟಕು ಮಾಡುವ ಸಾದ್ಯತೆಗಳಿವೆ. ಬೂಪಟದ (ನಕಾಶೆ) ಅಧ್ಯಯನವು ಭೂಗೋಳ ಶಾಸ್ತ್ರದ ಪ್ರಮುಖ ವಸ್ತುವಾಗಿರುವುದರಿಂದ ಅಂತೆಯೆ ಅದರ ಅಧ್ಯಯನದಿಂದ ಹೆಚ್ಚು ಶೀಘ ಹಾಗೂ ಸ್ಪಷ್ಟವಾಗಿ ಹೃದ್ಗತವಾಗುತ್ತದಾದ್ದರಿಂದ ಭೂಪಟದ ಅಧ್ಯಯನ, ಅದರೊಳಗಿನ ಮಾಪನ ಹಾಗೂ ವರ್ಣ ವಿದ್ಯತೆಯನ್ನು ಅಳವಡಿಸುವಲ್ಲಿ ಹೆಚ್ಚಿನ ಆದ್ಯತೆ ನೀಡಬೇಕಾಗಿರುತ್ತದೆ.

ಆರೂಗ್ಯ ಮತ್ತು ಶಾರೀರಿಕ ಶಿಕ್ಷಣ

1940ರ ದಶಕಕ್ಕಿಂತಲೂ ಮುಂಚೆ ಇದ್ದಂತಹ ಆರೋಗ್ಯದ ಬಗೆಗಿನ ಕಾಳಜಿ, ಶುಚಿತ್ವ, ಶಾಲಾ ಪರಿಸರದ ನೈರ್ಮಲ್ಯ, ಶಾಲಾವರಣದಲ್ಲಿನ ಆಹಾರ ಪದ್ದತಿ ಮತ್ತು ದೈಹಿಕ ಶಿಕ್ಷಣವನ್ನೊಳಗೊಂಡಂತೆ ಮಕ್ಕಳ ಸಾಮಾಜಿಕ,ಶಾರೀರಿಕ, ಬೌದ್ದಿಕ ಮತ್ತು ಸರ್ವತೋಮುಖ ಅಣಿವೃದ್ದಿಗೆ 

ಪೂರಕವಾದ ದೈಹಿಕ ಶಿಕ್ಷಣ ಮತ್ತು ಯೋಗಶಿಕ್ಷಣವನ್ನೊಳಗೊಂಡ ಶಿಕ್ಷಣ ವಿಧಾನವನ್ನು ಈ ಕ್ಷೇತ್ರವು ಅಳವಡಿಸಿಕೊಳ್ಳಬೇಕಾಗಿದೆ.

ಆರೋಗ್ಯ ಮತ್ತು ಶಾರೀರಿಕ ಶಿಕ್ಷಣವನ್ನು ಪ್ರಾಥಮಿಕ ಶಾಲಾ ಹಂತದ ನಂತರ ಪ್ರಧಾನ ವಿಷಯವನ್ನಾಗಿಪರಿಗಣಿಸಿ ಅಭ್ಯಾಸ ಮಾಡಿಸಿ 10ನೇ ತರಗತಿಯಿಂದ ಕಡ್ಡಾಯ ವಿಷಯವನ್ನಾಗಿಸಿ ಅಭ್ಯಾಸ ಮಾಡುವಂತೆಯೂಆನಂತರದ ವಿದ್ಯಾಭ್ಯಾಸಕ್ಕೆ ಐಚ್ಚಿಕ ವಿಷಯವನ್ನಾಗಿಯೂ ಅಭ್ಯಸಿಸಲು ಸಲಹೆ ಮಾಡಲಾಗಿದೆ.

ಇತರ ಪಠ್ಯಕ್ರಮ ಕ್ಷೇತ್ರಗಳು

ಎನ್.ಸಿ.ಎಫ್-2005 ಇನ್ನೂ ನಾಲ್ಕು ಪಠ್ಯಕವು ಕ್ಷೇತ್ರಗಳತ್ತ ಗಮನ ಹರಿಸುತ್ತದೆ, ಕೆಲಸ (ವೃತ್ತಿ), ಕಲೆಮತ್ತು ಪಾರಂಪರಿಕ ಕರಕುಶಲತೆಗಳು, ಅರೋಗ್ಯ ಮತ್ತು ದೈಹಿಕ ಶಿಕ್ಷಣ, ಮತ್ತು ಶಾಂತಿ. ಇವೆಲ್ಲ ಮುಖ್ಯಘಟಕಗಳಾಗಿ ಸೇರ್ಪಡೆಯಾಗುವಂತೆ ಶಾಲಾ ಪಠ್ಯಕ್ರಮದ ಮರು ಪರಿಶೀಲನೆಯಾಗಬೇಕಿದೆ. ಪರ್ಯಾವರಣ,ಶಾಂತಿ ಸಂಬಂಧಿತ ಕಾಳಜಿಗಳು, ಲಿಂಗ ಸಮಾನತೆಗಿರುವ ಸೂಕ್ಷ್ಮ ಸಂವೇದನೆಗಳು, ಪರಿಶಿಷ್ಟ ಕೋಮು / ವರ್ಗ / ಪಂಗಡ ಮತ್ತು ಅಲ್ಪ ಸಂಖ್ಯಾತರ ಆತಂಕಗಳ ಬಗೆಗೂ ಎನ್.ಸಿ.ಎಫ್-2005 ಕಾಳಜಿ ವಹಿಸುತ್ತದೆ. ಈ ಆತಂಕ ಮತ್ತು ಕಾಳಜಿಗಳನ್ನು ಸೂಕ್ತ ಎಡೆಗಳಲ್ಲಿಮತ್ತು ವಿಭಿನ್ನ ವಿಷಯದ ಪಾಠಗಳಲ್ಲಿ ಸೇರಿಸಬೇಕಾಗಿದೆ.

ಕಲೆ, ಪಾರಂಪರಿಕ ಕಸುಬುಗಳು, ಆರೋಗ್ಯ ಮತ್ತು ದೈಹಿಕ ಶಿಕ್ಷಣ ವಿಭಾಗಗಳಲ್ಲಿ ಪ್ರಚಲಿತಪಠ್ಯಗಳಲ್ಲಿರುವ ಮರುಪರಿಶೀಲಿಸಬೇಕು ಮತು ್ತ ಎನ್.ಸಿ.ಎಫ್-2005 ಸಲಹೆಗಳನ್ನಾದರಿಸಿ ಯಥೋಚಿತ ಬದಲಾವಣೆಗಳನ್ನು ಸಲಹೆ ಮಾಡಬೇಕಾಗಿದೆ.

ಹೊರೆರಹಿತ ಕಲಿಕ

ಎನ್.ಸಿ.ಎಫ್-2005 ಮತ್ತು ಸೆಮಿಸ್ಟರ್ ಪದ್ಧತಿಗಳೆರಡೂ ಹೊರೆರಹಿತ ಕಲಿಕೆಗೆ ಒತ್ತು ಕೊಡುತ್ತವೆ.ಪಠ್ಯಕ್ರಮವನ್ನು ರಚಿಸುವವರು ಅನವಶ್ಯಕ ಮತ್ತು ಅಸಂಗತ ಮಾಹಿತಿಗಳನ್ನು ಪಚಲಿತ ಪಠ್ಯವಸ್ತು ಮತ್ತು ಪರಿವಿಡಿಗಳಿಂದ ತೊಡೆದುಹಾಕಲು ವಿಶೇಷಾಸಕ್ತಿ ವಹಿಸಬೇಕಾಗಿದೆ.

ಉದಾಹರಣೆಗೆ, ಚರಿತ್ರೆಯಲ್ಲಿ ಮಕ್ಕಳು ಅನಗತ್ಯವೆಂದು ಕಾಣುವ ದಿನಾಂಕಗಳನ್ನು ಬಹುಸಂಖ್ಯೆಯಲ್ಲಿಬಾಯಿಪಾಠ ಮಾಡಬೇಕಾಗಿದೆ. ಇದನ್ನು ನಿವಾರಿಸಬೇಕು . ಹಾಗೆಯೇ ವಿಜ್ಞಾನ ಪುಸ್ತಕಗಳಲ್ಲಿ ವಿಜ್ಞಾನಿಗಳ ಜನ್ಮ ದಿನಗಳು, ಆವಿಷ್ಕರಿಸಿದ ದಿನಗಳನ್ನು ಕೊಡಲಾಗು ತ್ತಿದೆ. ಇವನ್ನೂ ತೆಗೆದುಹಾಕಬಹುದು. ಪಠ್ಯಕ್ರಮ ರಚನಕಾರರು ಮತ್ತು ಪಠ್ಯಪುಸ್ತಕ ಲೇಖಕರು ಈ ತೆರನಾದ ಅನಗತ್ಯ ಮಾಹಿತಿಗಳನ್ನು ಕತ್ತರಿಸಿ ತೆಗೆಯಲು ವಿಶೇಷಾಸಕ್ತಿವಹಿಸಬೇಕು. ಇಂತಹ ಮಾಹಿತಿಗಳಿಗಿಂತ ಜನಜೀವನ ಯಾವ ರೀತಿ ಬೆಳೆದು ಬಂದಿತು ,  ವಿಜ್ಞಾನಿಗಳ ಆವಿಷ್ಕಾರಗಳು ಪ್ರಪಂಚವನ್ನು ಯಾವ ರೀತಿ ಪ್ರಭಾವಿಸಿದವು, ವಿಜ್ಞಾನಿಗಳು ಯಾವ ರೀತಿ ಬದುಕಿದರು ಎಂಬಂತಹ ವಿವರಗಳು ಮಕ್ಕಳಿಗೆ ಹೆಚ್ಚು ಉಪಯುಕ್ತವಾಗುತ್ತವೆ ಹೆಚ್ಚು ಒಳನೋಟಗಳನ್ನು ಬೆಳೆಸುತ್ತವೆ.

 ವ್ಯವಸ್ಥೆಯ ಸುಧಾರಣೆಗಳು

ಶಾಲೆಗೆ ಕನಿಷ್ಠ ಪಮಾಣದ ಸಂಪನ್ಮೂಲ ಮತ್ತು ಸಾಧನ ಸಲಕರಣೆಗಳ ಸೌಕರ್ಯವನ್ನುಒದಗಿಸುವುದಷ್ಟೇ ಅಲ್ಲದೆ, ಎನ್.ಸಿ.ಎಫ್-2005 ಶಿಕ್ಷಕರ ಕಾರ್ಯಾಭಿವ್ಯಕ್ತಿಯ ಉತ್ತವು ಪಡಿಸು ವಿಕೆ ಮತ್ತುಸುಧಾರಣೆ ಮತ್ತು ಸ್ಥಳದ ಅವಶ್ಯಕತೆಗಳನ್ನು ಸರಿದೂಗುವ ಶಾಲಾ ದಿನಚರಿ ಮತ್ತು ವೇಳಾಪಟ್ಟಿಗೂ ಒತ್ತುಕೊಡುತ್ತದೆ.ನೂತನ ದೃಷ್ಟಿಕೋನಗಳಿಗೆ ತೆರೆದುಕೊಳ್ಳುವ ಬಗ್ಗೆ ಶಾಲಾ ಪಠ್ಯಪುಸ್ತಕಗಳು ಹಾಗೂ ಶಿಕ್ಷಕರ ಕೈಪಿಡಿಗಳು ಪರಮಾದ್ಯತೆ ನೀಡುತ್ತವೆ.

ಶಿಕ್ಷಕ ತರಬೇತಿಗಳ ಪುನಾರಚನೆ, ಔದ್ಯೋಯಗಿಕ ಶಿಕ್ಷಣ ಮತ್ತು ತರಬೇತಿಗಳು ಅತ್ಯಂತ ತತ್ಪರತೆಯಿಂದ ಜಾರಿಗೊಳಿಸಬೇಕಾಗಿರುವ ಕೆಲವು ಕ್ಷೇತ್ರಗಳಾಗಿವೆ.

ಮಾಹಿತಿ ಆಧಾರಿತ ಪರೀಕ್ಷೆಗಳಿಂದ, ಸವು ಸ್ಯಾ ಪರಿಹಾರ ಮತ್ತು ಪಟುತ್ವವನ್ನು ಆಧರಿಸಿದ ಮೌಲ್ಯಮಾಪನದೆಡೆಗೆ ಜರಗುವ ಹಾಗೆ ಪರೀಕ್ಷಾ ಸುಧಾರಣೆಗಳಾಗಬೇಕಾಗಿದೆ; ಪರೀಕ್ಷೆಗಳ ಅವಧಿಯೂ ಕಡಿಮೆಯಾಗಿಸೂಕ್ತ ನಿರ್ವಹಣಾ ರೀತಿಯ ಕಾಲಮಿತಿಗಳನ್ನು ಇರಿಸಬೇಕಾಗಿದೆ. ಸೆಮಿಸ್ಟರ್ ಪದ್ಧತಿಯಲ್ಲಿ ಇವೇ ಕೆಲವು ಸುಧಾರಣೆಗಳನ್ನು ಈಗಾಗಲೇ ರಾಜ್ಯದಲ್ಲಿ ಜಾರಿಗೊಳಿಸಲಾಗಿದೆ.

ಸಮಾಜದ ಇನ್ನಿತರ ಸಂಘ ಸಂಸ್ಥೆಗಳು , ಸರ್ಕಾರೇತರ ಸಂಸ್ಥೆಗಳು ಮತ್ತು ಶಿಕ್ಷಕರ ಸಹಕಾರ ಸಂಸ್ಥೆಗಳ ಹಾಗೂ ಶಾಲಾವ್ಯವಸ್ಥೆಯ ನಡುವೆ ಸಹಭಾಗಿತ್ವವನ್ನು ಎನ್.ಸಿ.ಎಫ್ -2005 ಅನುಮೋದಿಸುತ್ತ